အစိုးရနှင့် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) နှင့် ဆွေးနွေးပွဲတွင် KIA ပါဝင်မည်

အစိုးရနှင့် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) တို့ ၂၀၁၃ ခုနှစ် အတွင်း ပြု လုပ်မည့် နိုင်ငံရေးဆွေးနွေးပွဲတွင် ကချင်လွတ်မြောက်ရေးတပ်မတော် (KIA) ပါဝင် မည်ဖြစ်ကြောင်း ၈၈ မျိုးဆက် ကျောင်းသားခေါင်းဆောင် ကိုမြအေးက ဇန်န၀ါရီလ ၁၀ ရက်နေ့တွင် ၎င်းတို့ ရုံးခန်း၌ပြုလုပ်သော လိုင်ဇာခရီးစဉ်ရှင်းလင်းပွဲတွင် ပြောကြားခဲ့သည်။

KIA ဌာနချုပ်ရှိရာ လိုင်ဇာမြို့သို့ သွားရောက်ခဲ့သည့် ၈၈ မျိုးဆက်ကျောင်းသားခေါင်းဆောင် ကိုမြအေး ဦးဆောင်သည့်အဖွဲ့နှင့် KIA ဒုတိယစစ်ဦးစီးချုပ် ဗိုလ်ချုပ်ဂွမ်မော်တို့ ဇန်န၀ါရီလ ၃ ရက်နှင့် ၅ ရက်နေ့များ၌ တွေ့ဆုံခဲ့ရာတွင် KIA ဘက်က ယင်းကဲ့သို့ပြောကြားခဲ့ခြင်း ဖြစ်သည်။

"လက်ရှိ KIA နဲ့ ဆွေးနွေးပွဲတွေဟာ အခုအချိန်မှာ တိုက်ပွဲအရှိန်မြင့်နေတဲ့အတွက် မဖြစ်နိုင်သေး ရင်တောင်မှ UNFC နဲ့ အစိုးရတွေ့ဆုံဆွေးနွေးတဲ့အခါမှာ UNFC ထဲမှာ KIA ကလည်း အပါအ၀င်ဖြစ်တဲ့ အတွက်ကြောင့် ဆွေးနွေးပွဲအတွင်းမှာ KIA အနေနဲ့ တက်ရောက်မယ်ဆိုတဲ့အကြောင်းကို ရှင်းရှင်း လင်းလင်း ပြောလိုက်ပါတယ်" ဟု ကိုမြအေးက ပြောသည်။

KIA အနေဖြင့် ဆွေးနွေးဖြေရှင်းမှရမည်ဆိုသော မူဝါဒကို ဆက်လက်ဆုပ်ကိုင်ထားဆဲဖြစ်ကြောင်း ၊ ဆွေးနွေးမှုများ ဖြစ်ပေါ်လာရန် လက်ရှိဖြစ်ပေါ်နေသော စစ်ပွဲအရှိန်အဟုန်ကို လျှော့ချပေးရန်၊နိုင်ငံရေး ပဋိပက္ခများကို ဖြေရှင်းသော နိုင်ငံရေးဆွေးနွေးပွဲများ လုပ်မည်ဆိုသည့် ကတိက၀တ်၊ အာမခံချက် တစ်စုံ တစ်ရာကိုပေးနိုင်မည်ဆိုပါက ဆွေးနွေးပွဲများ ပြန်စရန်အတွက် ငြိမ်းချမ်းရေး ကိုရှေးရှုသည့်ဖြစ်စဉ် များ ပေါ်ပေါက်လာလိမ့်မည်ဟုလည်း KIA ဘက်က ပြောကြားခဲ့ကြောင်း ကိုမြအေးက ဆက်လက်ပြော ကြားခဲ့သည်။

UNFC နှင့် အစိုးရတို့ ယခုနှစ်အတွင်း နိုင်ငံရေးဆွေးနွေးပွဲများဆောင်ရွက်နိုင်ရေးအတွက် ဇန်န၀ါရီလ လယ်ပိုင်းခန့်မှစ၍ အကြိုသဘော တွေ့ဆုံဆွေးနွေးမှုများ ပြုလုပ်သွားရန် အစိုးရဘက်မှ ကမ်းလှမ်း ထားကြောင်း မြန်မာငြိမ်းချမ်းရေးဖော်ဆောင်မှု ဗဟိုဌာနမှ အပစ်အခတ်ရပ်စဲရေးဆိုင်ရာ ညွှန်ကြားရေး မှူး ဒေါက်တာမင်းဇော်ဦးက ဇန်န၀ါရီလ ၆ ရက်နေ့၌ တပ်မတော်ကာကွယ်ရေးဦးစီးချုပ် ဒုတိယ ဗိုလ်ချုပ် မှူးကြီး မင်းအောင်လှိုင်နှင့် KNU တို့တွေ့ဆုံပွဲအပြီးတွင်ပြောကြားထားသည်။

ကချင်လွတ်မြောက်ရေးတပ်မတော် (KIA) နှင့် တပ်မတော်ကြားတွင် ၁၉၉၄ ခုနှစ် ဖေဖော်ဝါရီလမှစ၍ အပစ်အခတ်ရပ်စဲရေး လက်မှတ်ရေးထိုးခဲ့ပြီး ၁၇ နှစ်ကြာ ငြိမ်းချမ်းရေး ရရှိခဲ့သည်။ ၂၀၁၁ ခုနှစ် ဇွန်လမှစ၍ တိုက်ပွဲများပြန်လည်ဖြစ်ပွားလာခဲ့ပြီး ၂၀၁၂ ခုနှစ် ဒီဇင်ဘာထိ တိုက်ပွဲပေါင်း အကြိမ် ၂၄၀၀ ခန့် ဖြစ်ပွား ခဲ့ကြောင်း သိရသည်။

Eleven Media Group