ပုသိမ်မြို့အတွင်း လှည့်ကင်းဆောင်ရွက်နေသည့် ရဲတပ်ဖွဲ့ဝင်များ အား မတ်လ ၂၇ ရက်နေ့က တွေ့ရစဉ်
ဧရာဝတီတိုင်းဒေသကြီး ပုသိမ်မြို့တွင် မတ်လ ၂၇ ရက်နေ့ မွန်းလွဲပိုင်းမှ
စတင်၍ မြို့အနှံ့ လုံခြုံရေးဆောင်ရွက်ရာတွင် ရဲတပ်ဖွဲ့ဝင်များအပြင်
တပ်မတော်သားများပါ ကင်းလှည့်စောင့်ကြပ်မှုများနှင့် ရပ်ကွက်အလိုက်
လုံခြုံရေးဆောင်ရွက်မှုများ လုပ်ဆောင်လျက်ရှိသည်။
ယ္ခုရက်ပိုင်းအတွင်း ဖြစ်ပွားနေသည့် ပဋိပက္ခများအပေါ် အခြေခံ၍
ပုသိမ်မြို့တွင်လည်း ကောလာဟလ သတင်းများ ထွက်ပေါ်နေမှုကြောင့်
အစ္စလာမ်ဘာသာဝင်များ အပါအ၀င် မြို့သူမြို့သား အများစုမှာ
စိုးရိမ်ပူပန်မှုများ ရှိနေကြရာ ရဲတပ်ဖွဲ့ဝင်များက လွန်ခဲ့သည့် ရက်များမှပင်
နေ့ရောညပါ မြို့တွင်းမြို့ပြင် ကင်းလှည့်စောင့်ကြပ်မှုများ
ဆောင်ရွက်ခဲ့ကြကြောင်း သိရသည်။
ပုသိမ်မြို့အတွင်း လှည့်ကင်းဆောင်ရွက်နေသည့် တပ်မတော်သားများအား မတ်လ ၂၇ ရက်နေ့က တွေ့ရစဉ်
“ပုသိမ်မြို့ပေါ်မှာရှိတဲ့ ရပ်ကွက် ၁၅ ခုမှာတော့ မတ်လ ၂၆ ရက်နေ့ကစပြီး
ရပ်ရွာအေးချမ်း သာယာရေးနှင့် ဒေသဖွံ့ဖြိုးရေး ကော်မတီဖွဲ့ခဲ့တယ်၊
အဲဒီကော်မတီက ရပ်ကွက်နဲ့ပတ်သက်ပြီး ပဋိပက္ခဖြစ်စေမဲ့ ကိစ္စတွေကို
ဝိုင်းဝန်းထိန်းသိမ်းသွားဖို့ ဖွဲ့စည်းခဲ့တာဖြစ်ပါတယ်” ဟု ပုသိမ်မြို့ရှိ
ရပ်ကွက် အုပ်ချုပ်ရေးမှူး တစ်ဦးက ပြောပြသည်။
ပုသိမ်မြို့တွင် ဆူပူအကြမ်းဖက်မှုများနှင့် ပဋိပက္ခများ
မဖြစ်ပွားစေရေးတွက် သက်ဆိုင်ရာ အစိုးရ အဖွဲ့အစည်းများနှင့်အတူ ဘာသာရေး
အဖွဲ့အစည်းများ၊ နိုင်ငံရေးပါတီများနှင့် လူ့အခွင့်အရေး အဖွဲ့များ၊ လူမှုရေး
အဖွဲ့အစည်းများပူးပေါင်း၍ ဒေသတည်ငြိမ်ရေးအတွက် ဆောင်ရွက်မှုများ
လုပ်ဆောင်လျက် ရှိကြောင်း သိရသည်။
From....Eleven
No comments:
Post a Comment