 |
| မန္တလေးမြို့ရှိ ပုဂ္ဂလိက ဆေးရုံတစ်ရုံကို တွေ့ရစဉ် |
မန္တလေးတွင် ကြော်ငြာလုပ်ငန်းသုံး ဆိုင်းဘုတ်များတွင် တရုတ်ဘာသာဖြင့် ရေးသားတပ်ဆင်ချိတ်ဆွဲ ခွင့် ပြုမထားကြောင်း မြို့တော်စည်ပင်သာယာရေး ကော်မတီမှ သိရသည်။
မန္တလေးတွင် တရုတ်လူမျိုး အများစု နေထိုင်သဖြင့် တရုတ်ဘာသာစကား သင်တန်းများ၊ ကြော်ငြာ ဆိုင်းဘုတ်များတွင် တရုတ် ဘာသာဖြင့် ကြော်ငြာခြင်းများ များပြားလာသောကြောင့် မန္တလေးမြို့တော် စည်ပင်သာယာရေး ကော်မတီမှ ပြန်လည်ဖြုတ်စေခဲ့ကြောင်း သိရသည်။
"မန္တလေးမှာ မြန်မာ၊ အင်္ဂလိပ် နှစ်ဘာသာကလွဲလို့ ဘယ်ဘာသာ နဲ့မှ ကြော်ငြာတာ ခွင့်မပြုထားပါဘူး။ တရုတ်ဘာသာ တစ်ခုတည်း နဲ့ ကြော်ငြာတွေကို မေတ္တာရပ်ခံပြီး ပြန်ဖြုတ်စေခဲ့ပါတယ်။ အရေးယူမှု ကတော့ မရှိပါဘူး။ ဒါပေမဲ့ စိစစ်စောင့်ကြည့်မှုတော့ လုပ်ပါတယ်" ဟု မြို့တော်စည်ပင်သာယာရေး ကော် မတီ၊ အဆောက်အအုံနှင့် ကုန်ရုံဌာနမှ ဌာနမှူး ဦးမျိုးအောင်က ဆိုသည်။
ယင်းသို့ တရုတ်ဘာသာဖြင့် ကြော်ငြာဆိုင်းဘုတ် တပ်ခြင်းများကို အရေးယူမှုမရှိဘဲ မေတ္တာ ရပ်ခံခြင်းဖြင့် ပြန်လည်ဖြုတ်စေသောကြောင့် မန္တလေးတွင် တရုတ်ဘာသာဖြင့် ကြော်ငြာဆိုင်းဘုတ်များ တပ်ခြင်းမှာ လျော့နည်းခြင်း မရှိကြောင်း မန္တလေးမြို့ခံများက ဆိုသည်။
"တရုတ်လေကြောင်းလိုင်း တစ်ခုကတော့ သံရုံးက တစ်ဆင့် တောင်းဆိုတဲ့အတွက် မြို့တွင်းနှစ်နေရာမှာ တရုတ်ဘာသာနဲ့ ကြော်ငြာဆိုင်းဘုတ် တပ်ခွင့်နှစ်နေရာ ခွင့်ပြုထားပါတယ်။ တခြားခွင့်ပြု ထားတာ မရှိတဲ့ အတွက် တွေ့ရင်စည်ပင်ကို အသိပေး အကြောင်းကြားနိုင်ပြီး ဖြုတ်ခိုင်းမှာပါ" ဟု ဌာနမှူး ဦးမျိုးအောင်က ဆက်လက်ပြောကြား ခဲ့သည်။
မန္တလေးတွင် အထူးကု ဆေးရုံများ၊ တရုတ်ဘာသာစကား သင်တန်းများ၊ ကျောက်မျက်ရောင်းဝယ်ရေး လုပ်ငန်းများ၊ အချက်အချာကျသည့် နေရာများဖြစ်သည့် လမ်း ၈၀၊ ၇၈ လမ်းပေါ်ရှိ ဟိုတယ်များတွင် တရုတ်ဘာသာဖြင့် အများဆုံး ကြော်ငြာလေ့ရှိကြောင်း သိရသည်။ မန္တလေးတွင် တရားဝင် အိမ်ထောင်စု စာရင်းရှိသော တရုတ်နွယ်ဖွား ငါးသောင်းဝန်းကျင် ရှိသည်ဟု လူဝင်မှု ကြီးကြပ်ရေးနှင့် အမျိုးသား မှတ်ပုံတင်ရေး ဦးစီးဌာနမှ သိရသည်။
EMG
No comments:
Post a Comment