ပြည်သူ့ဥယျာဉ်နှင့် ပြည့်သူ့ရင်ပြင် ကစားကွင်းတွင် နိုင်ငံခြားသား
ခရီးသည်များအတွက် ရည်ရွယ်၍ မြန့်မာ ရိုးရာ လက်မှုပစ္စည်းများကို
ရောင်းချသွားရန် စီစဉ်လျက်ရှိကြောင်း Natural World Co.,td မှ Marketing
Manager ဒေါ်အေးအေးအောင် ၏ ပြောကြားချက်အရ သိရသည်။
"ကျွန်မတို့က နေရာငှားရမ်း ပေးသွားမှာပါ။ အဆောက်အဦကတော့ အခုမှ စဆောက်တာပါ။ နိုင်ငံခြား သားတွေကို
ဆွဲဆောင်နိုင်မယ့် ပစ္စည်းတွေကို ဆိုင်ခန်းတွေ ဖွင့်လှစ်ရောင်းချ
ပေးသွားမှာပါ။ မြန်မာ့အစား အသောက်တွေ ရောင်းချတဲ့ ဆိုင်ခန်းတွေလည်း ပါမယ်"
ဟု မအေးအေးအောင်က ပြောကြားသည်။နိုင်ငံခြားသားများအတွက် မြန်မာ့မှု ပစ္စည်းများ ရောင်းချခြင်း အပါအ၀င်၊ ကားပါကင်၊ မုခ်ဦး၊ မြန်မာ့အစား အသောက်များကို ဆိုင်ခန်းများဖြင့် ရောင်းချပေးမည့် အစီအစဉ်ကို ၂၀၁၄ ခုနှစ်မှ စတင်ပြုလုပ် နိုင် မည် ဖြစ်ကြောင်း သိရသည်။
အဆိုပါ ဆိုင်ခန်းတွင် မြန်မာ့ရိုးရာပစ္စည်းများဖြစ်သော ကျောက်စီပန်းချီကား၊ ယွန်းထည်များ၊ တရားစာအုပ် များ၊ လက်မှုပစ္စည်းများ၊ မြန်မာမှုပစ္စည်း များ၊ Hand Made ပစ္စည်းများ စသည့်ပစ္စည်းများ ကို ရောင်းချပေး သွား မည်ဖြစ်ကြောင်း သိရသည်။
လက်ရှိတွင် Natural World Co.,td မှ ကားပါကင်၊ အ၀င်မုခ်ဦးနှင့် ဆိုင်းခန်း များ ပါဝင်သည့် နှစ်ထပ် အဆောက်အဦကို ဆောက်လုပ်လျက် ရှိကြောင်း လည်း သိရသည်။
Eleven Media Group
No comments:
Post a Comment