နိုင်ငံတကာ မြစ်ချောင်းများနေ့ အခမ်းအနားကို ဧရာဝတီမြစ်ဆုံ၌ ၂၀၁၃
ခုနှစ် မတ် ၁၄ ရက်က ကျင်း ပနေသည်ကို တွေ့ရစဉ် (ဓာတ်ပုံ-ထွန်းလင်းအောင်)
မြစ်ဆုံစီမံကိန်းအတွက် တင်ပြသော EIA အစီရင်ခံစာကို အပြစ်အနာအဆာများပြီး၊
တောင့်တင်းခိုင်မာမှု
မရှိသော အစီရင်ခံစာ ဖြစ်သည်ဟု နိုင်ငံတကာ
သဘာဝပတ်ဝန်းကျင် ထိန်းသိမ်းရေး ပညာရှင် ရှစ်ဦးက ဝေဖန်ပြောဆိုခဲ့ကြောင်း၊
အစီရင်ခံစာ ရေးသားခဲ့သော BANCA အဖွဲ့တွင် ဦးဆောင် ဆောင် ရွက်ခဲ့သူ
ပါမောက္ခဦးညိုမောင်က ဆိုသည်။
''မြစ်ဆုံစီမံကိန်း စတင်တဲ့ အချိန်မှာ တရုတ်ပညာရှင်တွေနဲ့ ကျွန်တော်တို့
မြန်မာပညာရှင် အဖွဲ့တွေက ပတ်ဝန်းကျင် ထိခိုက်နိုင်တဲ့ အခြေအနေတွေကို
လေ့လာပြီးတော့ EIA အစီရင်ခံစာကို ၂၀၁၀ မေလ အတွင်းမှာ စီမံကိန်း
လုပ်ဆောင်နေတဲ့ ကုမ္ပဏီကို သီးခြား report တစ်စောင်စီ တင်ပါတယ်။ ဒါပေမဲ့
နိုင်ငံတကာက ဒီအစီရင်ခံစာနဲ့ ပတ်သက်ပြီး အခုဝေဖန်ထားတဲ့ အချက်တွေကို
ကြည့်ရတာ ကျွန်တော်တို့ အစီရင်ခံစာထဲက အကြောင်းအရာတွေ မဟုတ်ဘူး။ ပြီးတော့
စီမံကိန်း လုပ်ဆောင်တဲ့ ကုမ္ပဏီက ကျွန်တော်တို့ အစီရင်ခံစာကို နိုင်ငံတကာကို
ချမပြဘူးလို့ ယူဆလို့ ရပါတယ်'' ဟု ဦးညိုမောင် က ဆိုသည်။
ယင်း မြစ်ဆုံ အစီရင်ခံစာတွင် ပတ်ဝန်းကျင်ဆိုင်ရာ ဂေဟစနစ် ၀န်ဆောင်မှု
သဟဇာတဖြစ်အောင် ထည့်သွင်းထားမှု မရှိခြင်း၊ ရေအရင်းအမြစ် အပြောင်းအလဲ
ဖြစ်ခြင်းကို တွက်ဆရာတွင် လျော့ပေါ့ တွက် ထားခြင်း၊ မြစ်များကို
ပိတ်ဆို့ရာတွင် မြစ်ကြောင်း တစ်လျှောက်တွင် အနည်ပို့ချမှု များ
လျော့နည်း သွားနိုင်ပြီး မြစ်အောက်ပိုင်းရှိ မြေနုကျွန်း စိုက်ပျိုးရေး၊
ငါးလုပ်ငန်း ပျက်စီးသွားနိုင်သည်ဟု နိုင်ငံတကာ ပညာရှင်များက
ထောက်ပြခဲ့ကြောင်း၊ ဆက်လက် လုပ်ဆောင်ရန် မသင့်ကြောင်း ဝေဖန်ထောက်ပြ
ခဲ့ကြောင်း သိရသည်။
မြစ်ဆုံဆည်မှာ ဧရာဝတီမြစ်ဖျားပိုင်းတွင် တည်ဆောက်မည့် ဆည်ကြီး ခုနစ်ခု
ဆင့်သော ရေအားလျှပ်စစ် လုပ်ငန်းကြီး၏ ပထမဦးဆုံး အစိတ်အပိုင်းဖြစ်ပြီး
ကျန်ဆည် ခြောက်ခုမှာ မေခမြစ်တွင် ငါးခု၊ မလိခမြစ် တွင် တစ်ခု တည်ဆောက်မည်
ဖြစ်ကြောင်း သိရသည်။
From...EMG
No comments:
Post a Comment