၂၀၁၅အမီ အာဆီယံရည်မှန်းချက်များ ပြည့်မီရန် ၈၀ရာခိုင်နူန်း အကောင်အထည်ဖော်ပြီးဖြစ်ဟုဆို

အာဆီယံနိုင်ငံများ ပေါင်းစည်းရန်အတွက် အာဆီယံအသိုက်အဝန်းကို ထူထောင်ရာတွင် အဓိက ကဏ္ဍ သုံးခုဖြစ် သည့် အာဆီယံ လုံခြုံရေးအသိုက်အဝန်း (APSC)၊ အာဆီယံ စီးပွားရေး အသိုက်အဝန်း (AEC)၊ အာဆီယံ လူမှုရေးအသိုက်အဝန်း (ASCC) ဆိုင်ရာများကို အာဆီယံနိုင်ငံများအနေဖြင့် ၈၀ရာခိုင်နူန်း အကောင်အထည်ဖော် ဆောင်ရွက်ပြီးဖြစ်ကြောင်း အာဆီယံအတွင်းရေးမှူးချုပ်ရုံးက တာဝန်ရှိသူတစ်ဦး က ပြော သည်။

"ဒီကဏ္ဍတွေအတွက် ချမှတ်ထားတဲ့အစီအစဉ် ကျန်တဲ့ ၂၀ ရာခိုင်နူန်းကို ၂၀၁၄ခုနှစ်မှာ အရှိန် အဟုန်မြှင့်ဆောင်ရွက် ရမှာပါ။ ဒါ့ကြောင့်လည်း ၂၀၁၄ ခုနှစ်က မြန်မာနိုင်ငံအတွက်ရော၊ အာဆီယံ အတွက်ရော အရေးကြီးတဲ့နှစ် တစ်ခုဖြစ်ပါတယ်"ဟု အာဆီယံအတွင်းရေးမှူး ချုပ်ရုံးက အထွေထွေ အတွင်းရေးမှူးချုပ် Mr.Le Luang Minhက ဇန်န၀ါရီလ ၁၇ ရက်က ပုဂံမြို့ ရွှေနန်းတော် ဟိုတယ်၊ နန်းမြင့်မျှော်စင် တွင် ကျင်းပသော သတင်းစာရှင်းလင်းပွဲ တွင်ပြောသည်။

၎င်းက အာဆီယံစီးပွားရေးအသိုက်အဝန်း (AEC) ကို ၂၀၁၅ ခုနှစ်တွင် ရည်မှန်းချက်အတိုင်း ပြည့်မီနိုင်မည် ဟု ပုဂံတွင် ကျင်းပနေသော အာဆီယံ နိုင်ငံခြားရေးဝန်ကြီးများ အစည်းအဝေး အပြီးတွင် ပြောကြားခဲ့သည်။

မြန်မာနိုင်ငံမှ နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဦးဝဏ္ဍမောင်လွင်က နိုင်ငံခြားရေး ဝန်ကြီးများ အစည်းအဝေးတွင် အာဆီယံအနေဖြင့် ၂၀၁၅တွင် ချမှတ်ထားသော ရည်မှန်းချက်အတွက် ရှေ့ဆက်ရမည် လုပ်ငန်းစဉ်များ၊ လူထုအသိုက်အဝန်း ထူထောင်မှု လုပ်ငန်းများ အရှိန်အဟုန်မြှင့်တင်ခြင်းများ စသည်တို့အပါအဝင် ၂၀၁၄ ခုနှစ်တွင် အာဆီယံ က ဦးစားပေး လုပ်ဆောင်ရမည့် အရာများကို ဆွေးနွေးခဲ့ သည် ဟု ပြောသည်။

နိုင်ငံခြားရေးဝန်ကြီးဌာန၊ အာဆီယံရေးရာညွန်ကြားမှုဦးစီးဌာန၊ ဒုတိယညွှန်ကြားရေးမှူးချုပ် ဦးအောင်ထူး က အာဆီယံ အသိုက်အဝန်းထူထောင်ရာတွင် အာဆီယံစီးပွားရေး အသိုက်အဝန်းသည် အခြားကဏ္ဍများ ထက် ရှေ့ရောက်နေသော ကဏ္ဍဖြစ်သည်ဟု ဆိုသည်။

"အာဆီယံ အသိုက်အဝန်းထူထောင်ရာမှာ မြန်မာကလည်း အခြားအာဆီယံနိုင်ငံ များနှုန်းထက် မနိမ့်ဘဲ အကောင်အထည်ဖော်နိုင်ပါမယ်"ဟု ၎င်းက ပြောသည်။

"အာဆီယံနဲ့ ပြင်ပနိုင်ငံတွေရဲ့ ဆက်သွယ်ရေးလုပ်ငန်းတွေကို ပိုမိုခိုင်မာလာဖို့ နည်းနည်း လမ်းတွေ နဲ့ ၂၃ ကြိမ်မြောက် အာဆီယံ အစည်းအဝေးက ချမှတ်ထားတဲ့ အာဆီယံခေါင်းဆောင်တွေ ရဲ့ ထုတ်ပြန်ကြေငြာ ချက်တွေ အပေါ် မူတည်ပြီး ၂၀၁၅အလွန် အာဆီယံ ရဲ့ ရည်မှန်းချက်တွေကို ချမှတ်နိုင်ဖို့လည်း ဆွေးနွေးခဲ့ ပါတယ်" ဟု ဦးဝဏ္ဍမောင်လွင် ကပြောသည်။

အာဆီယံနိုင်ငံမှ နိုင်ငံခြားရေးဝန်ကြီးများအနေဖြင့် လက်ရှိဖြစ်ပေါ်နေသော တောင်တရုတ် ပင်လယ် အရေးပေါ် စိုးရိမ်မှုများရှိနေသည်။ ဝန်ကြီးများအနေဖြင့် တောင်တရုတ် ပင်လယ် အရေးနှင့် ပတ်သက်ပြီး ချမှတ်ထားသော မူဝါဒ ၆ချက်ကို အားပေးပြောဆိုခဲ့ကြသည်။ တောင် တရုတ် ပင်လယ်နှင့် ပတ်သက်ပြီး ရေကြောင်း လုံခြုံရေးကဏ္ဍ၊ တောင်တရုတ် ပင်လယ်ပေါ် တွင် လေယာဉ် ပျံသန်းရေးဆိုင်ရာ ကိစ္စရပ် စသည်တို့ အပါအ၀င် ငြိမ်းချမ်းရေးနှင့် တည်ငြိမ်မှု ကို ရေရှည်တည်တံလာစေရန် အရေးကြီးသည် ဟုလည်း ဆိုသည်။ 

(မဇ္ဈိမသတင်းဌာန)