မြန်မာ-ဘင်္ဂလားဒေ့ရ်ှနယ်ခြားစောင့်တပ်များကြား အခြေအနေတင်းမာ

မောင်တောနယ်စပ်မှတ် တိုင်အနီးတွင် မေလ ၂၈ ရက်က မြန်မာစစ်တပ်နှင့် ပစ်ခတ်မှုဖြစ်ပြီးကျဆုံးသွားသည့် လက်နက်ကိုင် တပ်ဖွဲ့ဝင်မှာ RSO အဖွဲ့မှ မဟုတ်ဘဲ ဘင်္ဂလားဒေ့ရ်ှနယ်ခြားစောင့် တပ်(BGB) မှ ဟု ပြောဆိုနေသောကြောင့် နှစ်နိုင်ငံနယ်စပ်လုံခြုံရေး တပ်ဖွဲ့ဝင်များကြား တင်းမာမှု များဖြစ်ပွားနေကြောင်း သတင်းရရှိသည်။

မေလ ၂၈ ရက် နံနက်က မြန်မာပိုင်နက်နယ်စပ်မှတ်တိုင် အနီးသို့ အ၀ါရောင်ပြောက်ကျား ယူနီဖောင်းဝတ်ဆင်ထားသည့် လက်နက်ကိုင်တပ်ဖွဲ့ဝင် နှစ်ဦးခိုးဝင်လာသောကြောင့် ကင်းပုန်းဝပ်လုံခြုံရေးစောင့်နေသည့် ခမရ(၃၅၂)က သေနတ်ဖြင့် ပစ်ခတ်ခဲ့ရာ ခိုးဝင်လာသော နှစ်ဦးအနက် တစ်ဦးကျဆုံးကာ သေနတ်တစ်လက်ကိုပါ မြန်မာစစ်တပ်က သိမ်းဆည်းနိုင်ခဲ့သည်။

‘‘သူတို့က အ၀ါရောင်ယူနီ ဖောင်းသာဝတ်ထားပြီး ဘာတံ ဆိပ်မှ တပ်မထားဘူး။ ဘာပဲဖြစ် ဖြစ် နယ်စပ်ခြံစည်းရိုးအနားကို ခိုးဝင်လာတဲ့အတွက် ပစ်တာပါ။ နယ်စပ်လုံခြုံရေးအရ လုပ်ခဲ့တာ။ ဘင်္ဂလားဒေ့ရ်ှနယ်ခြားစောင့်တပ် က သူတို့တပ်ဖွဲ့ဝင်ပါလို့ အ ကြောင်းကြားတဲ့အတွက် မကျေ လည်မှုတွေတော့ဖြစ်နေတယ်’’ ဟု နယ်ခြားစောင့် လုံခြုံရေးရဲတပ် ဖွဲ့မှ ဒုတိယရဲမှူးကြီးအဆင့်ရှိ ရဲ အရာရှိကပြောသည်။

မေလ ၂၉ ရက်တွင် မောင် တောနယ်စပ်၌ မြန်မာစစ်တပ်နှင့် RSO လက်နက်ကိုင်တပ်ဖွဲ့တိုက် ပွဲဆက်ဖြစ်ကာ RSO အဖွဲ့မှ သုံး ဦးကျဆုံးခဲ့ပြီး လက်နက်အချို့ သိမ်းဆည်းနိုင်ခဲ့ကြောင်း သတင်းများထွက်ပေါ်ခဲ့သော်လည်း မဟုတ်မှန်ကြောင်း မောင်တောနယ်စပ်လုံခြုံရေးအဓိက တာဝန်ယူထားသည့် အမှတ် (၁) နယ်ခြားစောင့်ရဲတပ်ရင်းမှူး ဒုတိယရဲမှူးကြီး သီဟန်ကပြောသည်။

‘‘ဒီနေ့ဘာမှ ဆက်မဖြစ် ဘူး။ နယ်စပ်တစ်လျှောက်တော့ စစ်တပ်ရော ရဲပါ လုံခြုံရေးကို အ ချိန်ပြည့်စောင့်နေပါတယ်’’ဟု ဒု တိယရဲမှူးကြီး သီဟန်ကပြော သည်။

နှစ်နိုင်ငံနယ်ခြားစောင့်တပ်

ဖွဲ့ကြား မေလ ၂၁ ရက်က အလံတင်ဆွေးနွေးပွဲတွင် RSO တပ်ဖွဲ့၏ ပစ်ခတ်မှုကြောင့် မြန်မာတပ်ဖွဲ့

ဝင်လေးဦး ကျဆုံးခဲ့မှုနှင့် ပတ်သက်၍ ဆွေးနွေးတောင်းဆိုစဉ် အခြေအနေတင်းမာမှု ဖြစ်ပွားခဲ့ကြောင်း သတင်းရရှိသည်။

 7 Day News Journal