စစ်ကိုင်းတိုင်းဒေသကြီး ယင်းမာပင်ခရိုင် ဆားလင်းကြီးမြို့နယ် လက်ပံတောင်းတောင်ကြေးနီစီမံ ကိန်းဧရိယာအတွင်း ကျေးရွာ (၁၁)ရွာမှ တောင်သူများ စိုက်ပျိုးထားသော သီးနှံမျိုးစုံရိတ်သိမ်းမှုကို ဇန်နဝါရီ ၁ဝ ရက် နံနက် ၈ နာရီမှ စတင်ပြီး သီးနှံရိတ်သိမ်းပေးလျက်ရှိရာ လာရောက် ဆက်သွယ်သော တောင်သူများအား တာဝန်ရှိသူများက လုပ်အားခ အကုန်အကျခံပြီး ရိတ်သိမ်းပေးလျက်ရှိသည့်အပြင် အိမ်အရောက် ကားဖြင့် ပို့ဆောင်ပေးကာ အခမဲ့ရိတ်သိမ်းပေးခဲ့ကြောင်း သိရသည်။
''ထိုသို့ သီးနှံရိတ်သိမ်းဆောင်ရွက်ပေးရာတွင် လက်ပံတောင်း တောင်ကြေးနီ စီမံကိန်း ဧရိယာအတွင်းတွင်စိုက်ပျိုးထားသောဆည် တည်းဇီးတောရွာသစ်၊ ရွာဟောင်း၊ မိုးကြိုးပြင်(လ၊တ၊မ)၊ ရွှေလှေ၊ တုံ၊ လက်ပံတောင်း၊ လယ်တီ၊ ကံတောစသည့် ကျေးရွာများမှ တောင်သူ စုစုပေါင်း၁၂ ဦး၏ လယ်ယာမြေ ပေါင်း ၂၂ ဒသမ ၆၈ ဧကပေါ်ရှိ စပါး၊ ပြောင်း၊ နေကြာ၊ ပဲစင်းငုံ စသည့် သီးနှံများကို အခမဲ့ရိတ်သိမ်းပေးခဲ့ခြင်း ဖြစ်ပါတယ်''ဟု ဆားလင်းကြီးမြို့နယ် အုပ်ချုပ်ရေးမှူး ဦးကျော်သောင်းက ပြောကြားသည်။
ဆက်လက်ပြီး ကျန်ရှိသော ကျေးရွာများကိုလည်း ယခုလို တာဝန်ရှိသူများက တာဝန်ခံကွင်းဆင်းကာ ဆောင်ရွက်ပေးမှာ ဖြစ်ကြောင်း၊ ထို့အပြင် ဒုတိယအကြိမ် စီမံကိန်းဧရိယာခြံစည်းရိုးကာရံစဉ်တွင် စိုက် ပျိုးထားရှိသည့် သီးနှံများအတွက် စိုက်ပျိုးသူတောင်သူများအား လာမည့် ဇန်နဝါရီ ၁၂ ရက် နံနက်ပိုင်းတွင် ဆားလင်းကြီးမြို့နယ်အုပ်ချုပ်ရေးမှူး ရုံးအတွင်းရှိငွေသာခန်းမ၌ သီးနှံ ထောက်ပံ့ကြေးများ ပေးအပ်သွားမည် ဖြစ်ကြောင်း၊ ယနေ့ဆိုရင် ကျွန်တော်တို့ တာဝန်ရှိသူများက ဒေသခံအလုပ်သမား ၁ဝ၅ ဦးငှားရမ်းကာ သီးနှံရိတ်သိမ်းပေးခဲ့ရာတွင် ကားငှားရမ်းခများအပါအဝင် ကုန်ကျစရိတ်အားလုံး အား အခမဲ့ ထောက်ပံ့ပေးခဲ့ပါတယ်''ဟု ၎င်းကပြောကြားသည်။
သီးနှံရိတ်သိမ်းမှုနှင့် ပတ်သက်၍ ရွှေလှေကျေးရွာမှ တောင်သူ ဦးစံတင်၏ ကွင်းအမှတ်(၄၇)၊ ၁ ဒသမ ၆၅ ဧက စောရှုပ်မိုးစပါး ရိတ်သိမ်းပေးရာတွင် '' ယခုလို ကျွန်တော်ရဲ့လယ်ကွက်ကို တာဝန်ရှိသူများက အလုပ်သမား ၂ဝ ကျော်ငှားပေးကာ လုပ်အားခအကုန်အကျခံ၍ အခမဲ့ပို့ဆောင် ကူညီ ထောက်ပံ့ပေး တဲ့အတွက် ကျေးဇူးတင်ပါတယ်။ လုပ်အားခက တစ်ရက်အတွက် အမျိုးသား ၄ဝဝဝ ကျပ်၊ အမျိုးသမီး ၃၅ဝဝ ကျပ် ရရှိပါ တယ်။ ဒေသခံ အလုပ်သမားများအတွက် အဆင်ပြေကြလို့ဝမ်းသာပါတယ်။
ကျွန်တော်ကဒီစပါးကို ဝါခေါင်လကစတင်ပြီး စိုက်ပျိုးခဲ့ပါတယ်။ အခုအကွက်နဲ့ ကျန်တာရောဆို ဒီမြန်မာ-ဝမ်ပေါင် ကြေးနီစီမံကိန်းဧရိယာထဲမှာ ၁ဝ ဧက နီးပါးပါတယ်။ တာဝန်ရှိသူများကလည်း ကျွန်တော်တို့လို တောင်သူများအတွက် သီးနှံမျိုးစုံ ထောက်ပံ့ကြေးပေးအပ်မှာကို သိရလို့ ကျေးဇူးတင် ဝမ်းသာနေ ကြပါတယ်'' ဟု ပြောကြားသည်။
MOI
No comments:
Post a Comment