အိမ်တွင်းက အမျိုးသမီးတွေ အကြမ်းဖက်ခံနေရဆဲ

အင်းစိန်မြို့နယ် ဖော့ကန်ဈေး အနီးရှိ လက်ဖက်ရည်ဆိုင်တစ်ခုတွင် အသက် အရွယ် အားဖြင့် ၂၅ နှစ်ခန့် မမီမီ(အမည်လွဲ)သည် စက္ကူတစ်ရှူး စဖြင့် ကျလက်စ မျက်ရည်ကိုသုတ်ကာ စကားပြောလျက်ရှိသည်။

သူမပြောပြသည်ကို နားထောင် နေသူများကတော့ သူမ၏သူငယ်ချင်း များဖြစ်ပြီး မမီမီပြောပြသည့် အ ကြောင်းအရာကတော့ သူမနှင့် သူမ အမျိုးသား အကြားဖြစ်ပွားခဲ့သည့် စ ကားများရန်ဖြစ်မှု အကြောင်းကို ပြောလျက်ရှိသည်။

သူမသည် အသက်အရွယ် ၂၀ ဝန်းကျင်ခန့်တွင် အိမ်ထောင်ကျခဲ့ပြီး သူမနှင့် သူမ အမျိုးသားမှာ နှစ်ဖက် မိဘများ သဘောတူညီမှုဖြင့် လက်ထပ်ယူ ခဲ့ခြင်းဖြစ်ကာ ၎င်းအမျိုးသား မှာ အရက်သောက်ပါက သွေးဆိုး တတ်သည့် ဓလေ့စရိုက်များဖြင့် ပြ ဿနာရန်ရှာခြင်းများကို သူအရက် သောက်သည့်နေ့တိုင်း ကြုံတွေ့ရ ကြောင်း ဆိုသည်။

ယင်းက ‘အရင်က ရည်းစားအကြောင်းတွေ ဘယ်ကနေဘယ်လိုသိ လာလဲ မသိဘူး။ သိပြီးနောက်ပိုင်း ညားခါစက မသောက်ဖူးမသုံးဖူးတဲ့ အရက်တွေ ၊ ဆေးလိပ်တွေသောက် လာတယ်။ အဲ့ဒီအရည်တွေမဝင် ရင် တော့ ကောင်းကောင်းမွန်မွန်ပဲ၊ ဝင် သွားပြီးဆိုတာနဲ့ သွေးဆိုးတဲ့ ဇာတိ က ပြလာတယ်။ အရင်က ကျွန်မအ ကြောင်းတွေခနဲ့သလိုပြောရင်း ကျွန်မ လည်း မခံနိုင်လို့ ပြန်ပြောရကာ စကားများကြတယ်။ ရပ်ကွက်ရုံး လည်း ခဏ ခဏရောက်ရတယ်။သူ ကမရှက်ပေမယ့် ကျွန်မက ခံရသူဆို တော့ ရှက်တယ်’ ဟု ပြောသည်။

မမီမီကဲ့သို့ပင် အိမ်ထောင်သည် အမျိုးသမီးအများစုသည့် အိမ်တွင်း အကြမ်းဖက် မူများ ကြုံတွေနေရပြီး အကြမ်းဖက်ခံရမှုများအား သက်ဆိုင် ရာသို့ တိုင်ကြားမည်ဆိုပါက ယဉ်ကျေး မှုအရကြောင့်သော် လည်းကောင်း ၊ နှစ်ဖက်မိဘများ ရပ်ကွက်အတွင်းရှိ လူကြီးသူမများ ၏ညှိနှိုင်းဖြေရှင်းမှု များ ကြောင့်သော်လည်းကောင်းပြန်လည် ပြေလည်ကာ ဆက်လက် မတိုင်ကြား ဖြစ်တော့ကြောင်း ဆိုကြသည်။

အိမ်တွင်း အကြမ်းဖက်ခံရသည့် ကိစ္စအများစုတွင် အရက်သေစာနှင့် မူးယစ်ဆေးဝါး တစ်မျိုးမျိုး သုံးစွဲပြီး နောက်ပိုင်း တွင် ဖြစ်ပေါ်လာလေ့ ရှိပြီး ဖြစ်ပွားမှုများတွင် အမျိုးသမီးများ အနေဖြင့် ကိုယ်ခန္ဒာဖွဲ့စည်းမူပုံစံအရ အားနည်းသည့်အတွက် အမျိုးသား များကို ပြန်လည်မခုခံနိုင်သည့်အ တွက် ထိခိုက်နာကျင် ဒဏ်ရာများ ရရှိသည့်အပြင် အသက်အန္တရာယ် များကိုပါ ရင်ဆိုင် ရသည်အထိ ဖြစ် ပွားခဲ့ခြင်းများရှိကြောင်း သိရသည်။

မမီမီက ‘ကိုယ်က ရန်ဖြစ်လို့သွား တိုင်တော့လည်း တစ်ဖက်က ကိုယ့် အမျိုးသားဖြစ်နေတယ်။သူမတော်လို့ ထောင်ကျသွားရင်ကိုယ်တစ်ယောက် တည်း က ကိစ္စမရှိဘူး။ သားသမီးတွေ ကမွေးထားတော့ သူတို့မျက်နှာ ကို ပြန်ကြည့်ကြည့်နေရတယ်။ ဒါပေမဲ့ စိုးရိမ်ရတာကသူအဲ့လို ခဏခဏ လုပ်နေရင်း ကိုယ့်အသက်ကိုရန်ရှာမှာ ကြောက်မိတယ်’ဟု ပြောသည်။

ယင်းတို့ကဲ့သို့ တရားဝင်လက် ထပ်ထိမ်းမြားသူများတွင် ယင်းကဲ့ သို့ လင်မယားကြားပြဿနာများ ပေါ် ပေါက်ပါက နှစ်ဖက်လူကြီးမိဘများ ဖြေရှင်းမှု များကြောင့် ပြေလည်သွား နိုင်သော်လည်း ခေတ်ကာလ အခြေ အနေပြောင်းလဲမှုများကြောင့် သော် လည်းကောင်း၊ လက်ထပ်ထိမ်းမြားမှု စရိတ်ကြီးမားမှုများကြောင့်သော် လည်းကောင်း တရားဝင်လက်ထပ် ထိမ်းမြားမှု မရှိဘဲ အတူတူနေသူများ ကြားထဲတွင် အဆိုပါပြဿနာများ ပေါ်ပေါက် ပါက ဖြေရှင်းရန်မလွယ် ကူဘဲ မှုခင်းများပေါ်ပေါက်ခြင်းများ ရှိကြောင်း မှုခင်း သတင်းများအရ သိ ရသည်။

အသက် ၃၀ ဝန်းကျင်ခန့်ရှိ ဒေါ်သီရီက ‘ကိုယ်အသိုင်းအဝိုင်းထဲ က တော့ မဟုတ်ပါဘူး။ ကိုယ်အသိအ သိုင်းအဝိုင်းထဲက မိန်းကလေးတစ် ယောက်ဆိုရင် ခပ်ချောချောလေး အတူနေကြတယ်။ နောက်ဟိုက အဲလိုလုပ်တာ မိန်းကလေး က စိတ်နာလို့ လမ်းခွဲမယ်လုပ်တော့ စကား များရန်ဖြစ်တာကနေ အသက်ပါ ပါ သွားတယ်။

အမှုဖြစ်တော့ တရားရုံးမှာ အမှု ရင်ဆိုင်တော့ မိဘတွေအတွက် တစ် ရှက်ကနေနှစ်ရှက်ဖြစ်ကတယ်’ဟု ပြောသည်။

ယင်းကဲ့သို့ အိမ်တွင်းအကြမ်း ဖက်မှုဖြစ်စဉ်များသည် နှစ်ဦးနှစ်ဖက် ကြားထဲတွင် စတင်ဖြစ်ပွားခဲ့သည့် ကိစ္စရပ်များဖြစ်သည့်အတွက် အနီးနားရှိ မိသားစုဝင်များ မသိရှိခြင်းများ ဖြစ်ပြီး ပြဿနာများ ပေါ်ပေါက်မှသာ ဖြေရှင်းဆောင်ရွက်နိုင်သည့် ကိစ္စဖြစ် ကြောင်းဥပဒေပညာအချို့က ဆိုသည်။

၂၀၁၄ ခုနှစ်အတွင်းတွင်လည်း ယင်းကဲ့သို့ နှစ်ဦးနှစ်ဖက်ကြား ဆက် ဆံရေးကို အခြေခံပြီး လူသိရှင်ကြား သာမန်ပြည်သူလူထုအတွင်းသာ မက အနုပညာရှင် အသိုင်းအဝိုင်းများ တွင်လည်း အမျိုးသမီးများ အကြမ်း ဖက်ခံရကာ သေဆုံးမှုများဖြစ်ပွားခဲ့ ခြင်းများရှိသည်။

အမျိုးသမီးများအား အိမ်တွင်းအ ကြမ်းဖက်ခံရမှု ပုံစံအမျိုးမျိုးရှိပြီး အ များစုမှာ အမျိုးသားက အမျိုးသမီး၊ အမျိုးသမီးက အမျိုးသမီးသို့ ကိုယ် ထိလက်ရောက် ရိုက်ပုတ်ကျူးလွန် ခြင်းအပြင်လိင်ပိုင်းဆိုင်ရာ ကျုးလွန် အမြတ်ထုတ်ခြင်းများ၊ လူမှုကွန်ရက် များပေါ်ဝက်ဘ်ဆိုက်များပေါ်တွင်စည်း ရုံးဖျားယောင်းကာ အမြင်ပိုင်းဆိုင်ရာ အမြတ်ထုတ်ခြင်းနှင့် ဆဲဆိုခြင်းများ ကို ကျူးလွန်ခြင်းကို အမျိုးသမီးများ အနေဖြင့် ကြုံတွေနေရကြောင်း သိ ရသည်။

ယင်းကဲ့သို့ ကြုံတွေနေရမှုများ အား သက်ဆိုင်ရာတာဝန်ရှိသူများ အား တိုင်ကြားခြင်း အကြောင်းကြား ခြင်းများပြုလုပ်ပါက အသက်အန္တရာယ် များ ခြိမ်းခြောက်ခံရခြင်းများကိုပါ ရင်ဆိုင်ကြုံတွေခဲ့ရသည့် အခြေအ နေများဖြစ်ပေါ်ခဲ့ပြီး ပဲခူးတိုင်းဒေသ ကြီးအတွင်းရှိ ရဲစခန်းတစ်ခုတွင် အ မျိုးသမီးဖက်မှ အကြမ်းဖက်ခံရမှုအ ပေါ် တိုင်ကြားနေစဉ်အတွင်း အာဏာ ပိုင်များရှေ့မှောက် တွင် အမျိုးသား ဖြစ်သူက တိုင်ကြားသူအမျိုးသမီး ကို ဓားဖြင့်ထိုးသတ်ခဲ့သည်။ ထိုကဲ့ သို့ အသက်အန္တရာယ်ဖြစ်စေသည့် သာဓကများစွာရှိနေပြီး ယခုအခါ တွင် ပွင့်လင်းမြင်သာမှုရှိသည့်အ တွက် တိုင်ကြားမှုများကြောင့် လူသိ များ စိတ်ဝင်စားမှု များလာခြင်းဖြစ် ကြောင်း အမျိုးသမီးအချို့ကပြောသည်။

အ်ိမ်ထောင်ရှင်အမျိုးသမီးတစ် ဦးဖြစ်သူ ဒေါ်ရည်မွန်က ‘အရင်က အမျိုးသမီးတွေ က ငြိမ်ခံနေတာ တိုင် လို့ရတယ်ဆိုတာ မသိခဲ့လို့ဖြစ်တယ်။ အခုတော့ အမျိုးသမီးတွေက ပြောရဲ လာတယ်။ report လုပ်ရဲလာတယ်။ Case တွေက reported ဖြစ်လာတယ်။ အရင်က လူမသိသူမသိ ခံ လိုက်ရတာက အခုတော့ လူပိုပြီးသိလာရတဲ့အတွက် များလာတယ်ထင် ရတာဖြစ်တယ်’ဟု ပြောသည်။

ယင်းကဲ့သို့ အကြမ်းဖက်ခံရမှု များအား အကြမ်းဖက်ခံရသည့် ပြစ်မူ အမျိုးအစားပေါ် မူတည်ပြီး ၎င်းနှင့် သင့်တော်သော ဥပဒေများနှင့် အရေး ယူဆောင်ရွက်ခြင်းများရှိသော် လည်း အမျိုးသမီးများအား ပိုမိုထိ ရောက်သော ကာကွယ်မှုများပေးနိုင် ရေးအတွက် အမျိူးသမီးများအကြမ်းဖက်မှု ကာကွယ်ရေး ဥပဒေကို အမျိုး သမီးအဖွဲ့အစည်းများက အတည်ပြုပြဋ္ဌာန်းနိုင်ရေး ကြိုးပမ်းဆောင်ရွက် လျက်ရှိကြောင်း ဆိုသည်။

ပြည်သူ့လွှတ်တော်ကိုယ်စား လှယ် ဒေါ်စန္ဒာမင်းက ]ကျွန်မတို့ တိုင်းပြည်မှာ အိမ်တွင်းအကြမ်းဖက် မှု ဥပဒေပြဋ္ဌာန်းထားတာမရှိသေး ဘူး။ ဒါပေမဲ့ အမျိုးသမီးကို ကာ ယိနြေ္ဒဖျက်ဆီးမှု အမျိုးသမီးကို လက် ရောက်စော်ကားမှုဆိုတဲ့ အရေးယူ ဆောင်ရွက်နိုင်တဲ့ ဥပဒေတွေကရှိတယ်။

အိမ်တွင်းအကြမ်းဖက်မှုဥပဒေ ကိုတော့ သီးသန့်မပြဋ္ဌာန်းနိုင်သေး ဘူး။ အဲ့ဒီဥပဒေကို အမျိုးသမီးတွေအ နေနဲ့ ပြဋ္ဌာန်းနိုင်ဖို့ ကြိုးပမ်းနေတာရှိ တယ်။ ဆီဒေါမှာလည်း ပြဋ္ဌာန်းထား တာရှိတယ်။နောက်လူအခွင့်အရေး မှာ လည်း ပြဋ္ဌာန်းထားတာရှိတယ်။ ဒါပေမဲ့ အဲ့ဒါကို ဥပဒေတစ်ခုပေါ်ပေါက် လာဖို့ ကျွန်မတို့ကြိုးစားနေတယ်}ဟု ပြောသည်။

ဥပဒေပြဋ္ဌာန်းနိုင်ရေး ကြိုးပမ်း ရခြင်းမှာ အမျိုးသမီးများသည် အား နည်းပြီး အမျိုးသားများ၏ လျှပ်တစ် ပြက်တိုက်ခိုက်ခံရမှုကို ကြုံတွေ့နိုင် ရ ခြင်းဖြစ်ပြီး ဖြစ်ပွားပါကလည်း ပြစ် မှုကြောင်းအရတရားစွဲဆို အပြစ်ပေး နိုင်ခြင်း သာရှိကြောင်း အမျိုးသမီး များ အကြမ်းဖက်မှုကာကွယ်ရေး ဥ ပဒေပေါ်ပေါက်ရေးအတွက် လွှတ် တော်တွင်း အမျိုးသမီးအရေးများ များဆွေးနွေးရန် လိုအပ်ကြောင်း ဆက်လက်ပြောသည်။

ပြည်သူ့လွတ်တော်ကိုယ်စားလှယ် ဒေါ်စန္ဒာမင်းက ‘ဒီဟာကို အခု လောလောဆယ်တော့ ပြစ်မှုကြောင်း အရပဲ အရေးယူဆောင်ရွက်နိုင်သေး တယ်။ ဒါဟာလည်း အိမ်တွင်းအကြမ်း ဖက်မှုဥပဒေ မပေါ်ပေါက်သေးလိုဖြစ် တယ်။ အခက်အခဲ ရှိတာမဟုတ်ဘူး။ ဥပဒေကို သေသေချာရေးဆွဲတာ မရှိ သေးဘူး။အမျိုးသမီးအဖွဲ့အစည်း တွေက အမြန်ဆုံးပေါ်ပေါက်ရေးအ တွက် ကြိုးပမ်းနေပါတယ်။ ဒီဥပဒေ ပေါ်ပေါက်ဖို့ဆိုတာ လွှတ်တော်တွင်း မှာ အမျိုးသမီး ကိစ္စများဆွေးနွေးမှပေါ် ပေါက်နိုင်မှာဖြစ်တယ်’ဟု ပြောသည်။

အဆိုပါဥပဒေပြဋ္ဌာန်းနိုင်ရေး ကြိုးပမ်းနေစဉ်အတွင်း အမျိုးသမီး များအား အကြမ်းဖက် ခံပါက လတ် တလောဝန်ဆောင်မှုများဖြစ်သည့် စိတ်ပိုင်းဆိုင်ရာ ပံ့ပိုးမှုများ၊ လုံခြုံမှုရှိ စေရန် ဆောင်ရွက်ပေးရန်လိုအပ် သည့်အတွက် အုပ်ထိန်းသူ မိဘများက သိရှိစေရန်နှင့် ကူညီစောင့်ရှောက်မှု ပေးခြင်းများအား အမျိုးသမီး ကွန် ရက်အဖွဲ့အစည်းများက ဆောင်ရွက် လျက်ရှိပြီး အဆိုပါကိစ္စ အားလည်း အုပ်ထိန်းသူမိဘများကသဘောပေါက် နားလည်ရန် လိုအပ်ကြောင်း အမျိုး သမီးအသင်းအဖွဲ့များက ပြောသည်။

ဖန်တီးအိမ် အမျိုးသမီးအဖွဲ့မှ ဒေါ်ရွှေရွှေစိန်လတ်က ‘အခုအကြမ်း ဖက်မူ ကာကွယ်ရေးဥပဒေ ရေးဆွဲနေ တယ်။ အဲ့ဒါကို အမြန်ဆုံးပြဋ္ဌာန်းနိုင် ဖို့ အရေးကြီး တယ်။ အမြန်ဆုံးနဲ့ အ ကောင်းဆုံးပေါ့၊ နိုင်ငံတကာစံနှုန်းနဲ့ အညီ ပြဋ္ဌာန်းနိုင်ဖိုလိုတယ်။ ရှေ့နှစ် ထဲမှာပြဋ္ဌာန်းမယ်လို့တော့ထင်တယ်။ အဲ့ဒီအပြင် လတ်တလောဝန်ဆောင် မှုတွေ လိုအပ်တယ်။ လက်တလော စိတ်ပိုင်းဆိုင်ရာ ပံ့ပိုးမှုတွေလိုတယ်။လုံခြုံမူတွေ လုပ်ပေးဖို လိုအပ်တယ် ။နောက်အသိပညာပေးတာ လှုံဆော် တာတွေ လုပ်ဖို့ လိုအပ်တယ်’ဟု ပြော သည်။

ယင်းကဲ့သို့ အမျိုးသမီးတစ်ဦး အား အကြမ်းဖက်သည့် ကိစ္စရပ်များ အား အမျိုးသမီး အဖွဲ့အစည်းတစ်ခု တည်း ဆောင်ရွက်ရန်မဟုတ်ဘဲ အမျိုးသမီး များအား အကြမ်းမဖက်လို သည့် အမျိုးသားများကလည်း ဝိုင်း ဝန်း ကူညီဆောင်ရွက်မှသာလျှင် အ မျိုးသမီးများအကြမ်းဖက်ခံရမှုပြဿ နာ များ လျော့နည်းသွားနိုင်ကြောင်း လည်း အမျိုးသား၊ အမျိုးသမီးအဖွဲ့ အစည်း အသီးသီး က ပြောသည်။

နိုင်ငံကျော်အမျိုးသား ဘောလုံး အားကစားသမားတစ်ဦးက "အမျိုး သမီးတွေကို အနိုင်ကျင့်တဲ့ ကိစ္စတွေ က မကောင်းဘူး။ ဘာလိုလဲဆိုရင် ကျွန်တော်တို့တွေက အမျိုးသမီးတွေ ကိုစောင့်ရှောက်ရမှာဖြစ်တယ်။ညှဉ်း ပန်းနှိပ်စက်တာက လူမဆန်ဘူး။ အဲလိုမဟုတ်ဘဲ အကြမ်းဖက်နေရင် တော့ ကောင်းတဲ့ လက္ခဏာ မဟုတ် ဘူး။ ဒီလိုမျိုး ကိုယ်ရှေ့မှာအမျိုးသမီး တစ်ယောက်ကို အမျိုးသား တစ်ယောက် က အနိုင်ကျင့်တာမြင်ရင် အရင်ဆုံး အမျိုးသမီးထိခိုက်မခံရအောင် ကာ ကွယ်ပေး၊ ပြီးရင်သူတို့ဘာကြောင့် ဖြစ်လဲဆိုတာကို အဖြစ်မှန်မေးပြီး ဘေး ကနေ ဝိုင်းဖြေရှင်းပေးရမှာ ဖြစ် တယ်" ဟု သုံးသပ်သည်။

စိတ်ပညာရှင်များကတော့ ယခု ကဲ့သို့ အမျိုးသမီးများအပေါ် ကိုယ် ထိ လက်ရောက်ကျူးလွန်သော အ မျိုးသားများသည် စိတ်ပိုင်းဆိုင်ရာ အရ အားနည်းချက် ရှိသောသူများဖြစ် ကြောင်း သုံးသပ်ထားသည်။ ထို့ပြင် ပညာ တတ်ပေါများပြီး ယဉ်ကျေးသော လူအဖွဲ့အစည်းများတွင် ယခုကဲ့သို့ ကိုယ်ထိ လက်ရောက်တုံ့ပြန်မှု နည်း ပါးပြီး ပြဿနာရှာခြင်းအစား အဖြေ ရှာခြင်းကို လုပ်ဆောင်ကြကြောင်း ၎င်းတို့ကဆိုသည်။

ရန်ကုန်မြို့နေ အမျိုးသမီးတစ်ဦး ဖြစ်သည့် မဝင့်ကလျာကတော့ ‘ဒီလိုမျိုး အကြမ်းဖက်ခံရမှုတွေ ဖြစ်မ လာအောင်လို့ အမျိုးသမီးတွေ စာ ဖတ်ဖို့ လိုတယ်’ ဟု သုံးသပ်သည်။ ထို ကဲ့သို စာဖတ်မှသာလျှင် အမျိုးသားက အကြမ်းဖက် လာပါက မည်ကဲ့သို့ ဖြေရှင်းသင့်ကြောင်း၊ မည်ကဲ့သို့တိုင် ကြားသင့်ကြောင်း သိရှိမည်ဟု ၎င်း ကဆိုသည်။ ထို့ပြင် လူမှုအဖွဲ့အစည်း များအနေဖြင့်လည်း အမျိုးသမီးများ ကို အကာကွယ်ပေးသင့်ပြီး အိမ် တွင်းကြမ်းဖက်မှုကာကွယ်ရေး ဥပဒေ ကိုလည်း အမြန်ဆုံးပြဋ္ဌာန်းသင့် ကြောင်း ဆက်လက်ပြောဆိုသည်။

မည်သို့ပင်ဆိုစေကာမူ မြန်မာ ရိုးရာ စကားပုံများဖြစ်သည့် "လင်နဲ့ မယား၊ လျှာနဲ့သွား" ဆိုသကဲ့သို့ မ ကြာခဏ ကိုက်မိနိုင်ခြေရှိသော်လည်း မကိုက် မိအောင် ကာကွယ်ရန်လိုအပ် သကဲ့သို့ ကိုက်မိပါကလည်း သွေး ထွက်သံယို မဖြစ်စေရန် သွားဖြစ်သည့် အမျိုးသားများဘက်က သတိထား ရန် လိုအပ်ကြောင်း လျှာဖြစ်သည့် အမျိုးသမီးများဘက်ကလည်း အ ကိုက်မခံရစေ ရန် ရှောင်တိမ်းနိုင်ရန် လိုအပ်ကြောင်း ဥပဒေပညာရှင်အ ချို့က သုံးသပ်ပြောသည်။

မမီမီကတော့ ‘သူနဲ့ညားတာသား တစ်ယောက်ရထားပြီဖြစ်တယ်။ လမ်းခွဲ ဖို့တော့ မသင့်တော့ပါဘူး။ ဒါပေမဲ့ သူ့ကို အရင်အရက်ဆက်မသောက် ဖို့ တိုက်တွန်းကြည့်မယ်။ဘာလို့ဆိုရင် သူအရက်သောက်ပြီး မူးပြီးသွေးဆိုး လာရင် ဒီလိုခဏခဏ လုပ်လို့ဖြစ် တယ်။မဟုတ်ဘဲသူဒီလိုဆက်လုပ်နေ ရင် ကိုယ့်အသက်အန္တရာယ်ကာကွယ် ဖို့တစ်ခုခုလုပ်ရမှာဖြစ်တယ်’ ဟုပြောသည်။

|| သတင်းဆောင်းပါး - စိုင်းဟန် ||
The Ladies News Journal