ကချင်ပြည်နယ်၊ မြစ်ကြီးနားမြို၊ ဇန်န၀ါရီလ ၃ ရက်နေ့တွင် ဒေသခံ ရှမ်းလူမျိုးများနှင့် တိုင်းရင်းသားများမှ ကချင်လွတ်မြောက်ရေးတပ်မတော်(KIA) အဖွဲ့၏ မတရားနှိပ်စက်ခြင်းများကြောင့် သေဆုံးသွားသူများနှင့် ဖမ်းဆီးခံလူငယ်များ လွတ်မြောက်ရေးအတွက် ဆုတောင်းပွဲ ပြုလုပ်ကျင်းပခဲ့ကြောင်း ရှမ်းမျိုးနွယ်စု ရေးရာ အဖွဲ့ဝင် တစ်ဦးမှ ပြောပြသည်။
ယင်းဆုတောင်းပွဲကို မြစ်ကြီးနားမြို့အခြေ စိုက်ရှမ်းရေးရာအဖွဲ့မှ ဦးဆောင်ကျင်း ပ ခဲ့ပြီး ဇန်နဝါရီ ၃ ရက် နံနက် ၇ နာရီတွင် ဝန်းသို ဘုန်းတော်ကြီးကျောင်းမှ ဆုတောင်းပြည့်စေတီသို့ တစ်မိုင်ခန့်ခရီးကို လမ်းလျှောက် ဆန္ဒ ထုတ်ဖော် ခဲ့ကြသည်။ KIA အဖွဲ့မှ အဓမ္မဖမ်းဆီး သတ်ဖြတ်ခြင်း ခံရသော လူငယ်များ အတွက် ဆွမ်းသွပ် အမျှ ဝေခြင်းနှင့် ဖမ်းဆီးခံထားရသော လူငယ်များအမြန်ဆုံး လွတ်မြောက်ရေး အတွက် ဆုတောင်းပွဲတွင် ဖမ်းဆီး ခံထားရသော ရှမ်းလူငယ် ၂၃၄ ဦးရှိခဲ့ပြီး သေဆုံးသွားသူများရှိသဖြင့် ယခုကဲ့သို့ ဆွမ်းသွပ် အမျှဝေခြင်း ပြုလုပ်ရခြင်း ဖြစ်ကြောင်းကို ရှမ်းမျိုးနွယ်စုရေးရာအဖွဲ့ဥက္ကဌ ဦးစိုင်းထွန်းရင် ကပြောကြားသွားခဲ့ပါသည်။
ကချင်ပြည်နယ် မိုးညှင်း၊ မိုင်ကောင်း၊ ဖားကန့်၊ ဟိုပင်၊ တာလောကြီး၊ ဆင်ဘို၊ ဝိုင်း မော်၊ ခတ်ချို၊ ဗန်းမော် စသည့်ဒေသများမှ ရှမ်းတိုင်းရင်းသား အများစုတက်ရောက်ခဲ့ပြီး ဖမ်းဆီးခံလူငယ်များ၏ မိဘများ၊ ဆွေမျိုး သားချင်းများလည်း တက်ရောက်ခဲ့သည်။
၎င်းဆုတောင်းပွဲကို တက်ရောက်လာသူများထဲမှ “ကျွန်တော်တို့ ညီအစ်ကို သုံးယောက်ရဲ့သား နောက်ပြီးတော့ ညီပါသွားတယ်။ အားလုံး ဝမ်းကွဲမောင်နှမ၊ ဦးလေးတွေ ငါးယောက်ပါ။ ၂ဝ၁၃ ခုနှစ် နိုဝင်ဘာလထဲမှာပါ။ ကျွန်တော့်သားနှင့် ကျွန်တော့်ညီရဲ့သားက အသတ်ခံရတယ် ဆိုပြီး ပြောနေကြတယ်။ ကျွန်တော်တို့ လွန်ခဲ့တဲ့ နွေရာသီ ဆွေးနွေးတုန်း ကလည်း ဗိုလ်ချုပ်ဂွမ်မော်နှင့် တိုက်ရိုက်တွေ့ပါ တယ်။ နှစ်ပတ်လောက် စောင့်ပေး ပါ။ ပြန်လွှတ်ပေးမယ် လို့ ပြောပါတယ်။ အခုတော့ တစ်နှစ်ပြည့်တော့မယ်။ ဘာသတင်းမှကို မရတာဗျာ”ဟု ဆလင်းကြီးမြို့နယ် ဆင်ဖြူကြည်ရွာမှ ဦးသန်းနိုင်မှ ပြောပြခဲ့ ပါသည်။
ထို့အပြင် KIA အဖွဲ့၏ ၀မ်ပေါင်နိုင်ငံ ထူထောင်ရန်အတွက် ဒေသခံ ရှမ်းလူမျိုးများအပေါ် ဖမ်းဆီး သတ် ဖြတ်ခြင်း၊ လူသစ်အဖြစ် ဖမ်း ဆီးခေါ်ဆောင်ခြင်း များ ဒေသခံရှမ်းလူမျိုးများက ကန့်ကွက်ကြောင်း လက်မှတ် များကောက်ခံထားကြောင်းနှင့် KIA ခေါင်းဆောင်ပိုင်း များမှ လည်း ဖြေ ရှင်းဆောင် ရွက် ပေးခြင်း မရှိခြင်း တို့ ကြောင့် အစိုးရ၊ လွှတ်တော်နှင့် သက်ဆိုင်ရာ အဖွဲ့အစည်းများသို့ ဆက်လက် တင်ပြသွားမည် ဖြစ်ကြောင်း ကို ဒေသခံ ရှမ်းမျိုးနွယ်စုရေးအဖွဲ့ဝင် ဦးစိုင်းစန်းဝေ မှပြောကြားသွားခဲ့ပါသည်။
စိုင်းနေမျိုး( မြစ်ကြီးနား)
နေ့စဉ်သတင်း
No comments:
Post a Comment