မြန်မာအစိုးရအတွက် အမေရိကန်အစိုးရကို လော်ဘီပြုလုပ်ပေးမည့် အဖွဲ့ကို တစ်လလျှင် ကျပ်သိန်း ၇၃၀ ကျော်ဖြင့် တစ်နှစ်စာ ငှားရမ်း

မြန်မာအစိုးရအတွက် ၀ါရှင်တန်မှာ စည်းရုံးသိမ်းသွင်းပေးပေးရန်အတွက် ပိုဒက်စ်တာအုပ်စု (Podesta Group )ကို ဒေါ်လာငွေ ၈၄၀၀၀၀ (၈သိန်း ၄သောင်းကျော်) ဖြင့် မြန်မာအစိုးရက စာချုပ်ချုပ်ဆို ငှားရမ်းလိုက်ကြောင်း ၀ါရှင်တန်အခြေစိုက် The Hill သတင်းစာမှ ဖော်ပြ လိုက်သည်။


ထိုငှားရမ်းမှူမှာ ဆယ်စုနှစ်ကျော်အတွင်း ပထမဆုံး အကြိမ်အဖြစ်ပါသည်။ ယခင်ဗိုလ်ချုပ်ခင်ညွန့်လက်ထက်ကလည်း မြန်မာအပေါ် အမေရိကန်၏ သဘောထားပျော့ပြောင်းလာစေရန်အတွက် စည်းရုံးပေးရန် အလားတူ အဖွဲ့   များကို ငှားခဲ့ဖူးပါသည်။

စစ်အုပ်ချုပ်ရေးမှာ နှစ်ပေါင်းကြာရှည်နေခဲ့ရသည့် မြန်မာနိုင်ငံ၏ သမိုင်းကြောင်းမှာ ကြမ်းတမ်းဆိုးရွားခဲ့ပါသည်။ ဒီမိုကရေစီလမ်းကြောင်းဆီသို့ ပြောင်းလဲရန် ဦးတည်ပြီ့း ၂၀၁၀ ခုနှစ်က စတင်ခဲ့သည့် နိုင်ငံရေးပြုပြင်ပြောင်းလဲမှု၏ လမ်းခုလတ်မှာပင် ရှိနေပါသည်။

အဆိုပါ စာချုပ်ချုပ်ဆိုငှားရမ်းမှုသည် နိုင်ငံ၏ အရေးပါလှသော ရွှေးကောက်ပွဲမတိုင်ခင်မှာ ချုပ်ဆို ငှားရမ်းခဲ့ခြင်း ဖြစ်ပါသည်။ ၂၀၁၅ မြန်မာ ရွှေးကောက်ပွဲသည် အမေရိကန်နှင့် နှစ်နိုင်ငံ ပြန်လည် နီးကပ်စွာ ဆက်ဆံမှု ဆက်လက်လုပ်ဆောင်နိုင်မလား ဆိုသည်ကိုလည်း အဆုံးအဖြတ်ပေးနိုင်မည်ဖြစ်ပါသည်။

ပိုဒက်စတာအုပ်စုကမှူ ထိုကိစ္စနှင့် ပတ်သက်ပြီး မှတ်ချက်ပေးဖို့ငြင်းဆို ထားသည်။ United States Institute for Peace နှင့် Asia Society အဖွဲ့ များတွင် အကြီးတန်း အတိုင်ပင်ခံအဖြစ် လက်ရှိ ဆောင်ရွက်နေသည့် ပရက်စီလာကလပ်က သူ့ အနေဖြင့် ယခု စာချုပ်ချုပ်ဆိုခြင်းကိစ္စ၏ နောက်ကွယ်က အသေးစိတ်အချက်များကို မသိသလို ပိုဒက်စ်တာအုပ်စုနှင့် ပတ်သက်ခြင်း မရှိပါဟု ဆိုပါသည်။

အမေရိကန် နိုင်ငံက နိုင်ငံခြားအစိုးရများအတွက် ၀န်ဆောင်မှုပေးသည့် ကုမ္ပဏီများနှင့် နိုင်ငံခြားပိုင်အဖွဲ့အစည်း အများစုသည် အမေရိကန် တရားရေးဝန်ကြီးဌာနလက်အောက်တွင် FARA ခေါ် နိုင်ငံခြားအစိုးရများ၏ ကိုယ်စားလှယ်မှတ်ပုံတင်ခြင်းဆိုင်ရာ ဥပဒေ အရ မှတ်ပုံတင်ရသည်။
FARA ၏ ပြီးခဲ့သည့် နှစ်က စာရင်းဇယားများအရ ပိုဒက်စတာအုပ်စုသည် အမေရိကန်အစိုးရအား လော်ဘီအကျိူးဆောင်လုပ်ပေးကြသည့် ၀ါရှင်တန်ဒီစီမြို့ လယ်ရှိ ကေ လမ်းမကြီးပေါ်မှာ တည်ရှိသည့် အကျိုးဆောင်ကုမ္ပဏီများတွင် တတိယ ၀င်ငွေအများဆုံးရသည့် ကုမ္ပဏီဖြစ်ပါသည်။

ဝါရှင်တန်ဒီစီရှိ မြန်မာသံရုံးမှာ နှစ်ဖက်ကိုယ်စားလှယ်များက လတ်မှတ်ရေးထိုးခဲ့သည့် မြန်မာအစိုးရနှင့် ပိုဒက်စတာအုပ်စုအကြားက သဘောတူစာချုပ် သည် သက်တမ်း ၁၂ လ ( တနှစ်) ကြာမည်ဖြစ်ပါသည်။ မြန်မာနိုင်ငံက ဒေါ်လာ ၂၁၀၀၀၀ ကို သုံးလတကြိမ် အဆိုပါ အုပ်စုအား ပေးရမည်ဖြစ်သည်။

သူတို့ အနေဖြင့် အမေရိကန်အစိုးရနှင့် မြန်မာ အစိုးရအဖွဲ့ အကြား ဆက်ဆံမှု ခိုင်မာအားကောင်းလာစေရန် မဟာဗျူဟာမြောက်သည့် အကြံပေးဆောင်ရွက်ချက်များကို ပံပိုးပေးသွားမည် ပိုဒက်စတာအုပ်စုက အဆိုပါ စာချုပ်တွင် ပြောကြားထားသည်။

အမေရိကန်ကွန်ဂရက်၊ အုပ်ချုပ်မှုအဖွဲ့ အစည်း၊ သတင်းမီဒီယာ၊ မူဝါဒချမှတ်သည့်အသိုင်းအ၀ိုင်းအပါအ၀င် အမေရိကန်ဘက်က ပြည်သူလူထုဆီသို့ ရောက်အောင် အမေရိကန် - မြန်မာနှစ်နိုင်ငံဆက်ဆံရေးမှ အဓိက ကျသည့် ဆက်သွယ်ရေး ကိစ္စရပ်များကို သူတို့ က ကူညီပေးသွားမည်ဟု ပိုဒက်စတာအုပ်စုက အမေရိကန်တရားရေးဝန်ကြီးဌာနသို့ တင်သွင်းသည့် လျှောက်လွှာ၌
ဖော်ပြ ထားသည်။

မြန်မာအစိုးရသည် ၁၉၉၀ ခုနှစ်ကလည်း ထို့ကဲ့သို့ အကျိးဆောင်အဖွဲ အစည်းများကိုသူတို့ အတွက် စည်းရုံးပေးရန်ငှား ရမ်းခဲ့ဖူးပါသည်။ မြန်မာအစိုးရက သူငှားခဲ့သော DCI အဖွဲ့့ကို ၂၀၀၃ခုနှစ်က စပြီးရပ်ဆိုင်းခဲ့ပါသည်။၂၀၁၂ခုနှစ်က ဖျက်သိမ်းခဲ့သည့် (NCGUB) ခေါ် ပြည်ပရောက်မြန်မာညွန့် ပေါင်းအစိုးရကလည်း ထိုကဲ့ သို့ အမေရိကန် အတိုင်ပင်ခံအဖွဲ့ များကို ငှားရမ်းခဲ့ဖူးပါသည်။

လင်းလင်း
The Ladies News Journal