ခြောက်ပွင့်ဆိုင် အပေါ်ယံရုပ်ပြမဖြစ်စေလိုပါ

ခြောက်ပွင့်ဆိုင်ဆွေးနွေးပွဲသို့ တက်ရောက်လာသော မြန်မာ့နိုင်ငံရေးခေါင်းဆောင်များ (ဓာတ်ပုံ − Si Thu)

‘‘နှစ်နာရီကျော် တွေ့ဆုံမှုကာလအတွင်း ပါဝင်ဆွေးနွေးသူတွေအနေနဲ့ ညီအစ်ကိုမောင်နှမစိတ်ဓာတ်နဲ့ လွတ်လွတ်လပ်လပ် ပွင့်ပွင့်လင်းလင်းဆွေးနွေးခဲ့ပါတယ်။ ဆွေးနွေးပွဲပြီးတဲ့အခါမှာလည်း အောင်မြင်တဲ့ဆွေးနွေးပွဲဖြစ်တယ်လို့ အားလုံးက သဘောတူခဲ့ကြပါတယ်’’ဟု အစိုးရပြောရေးဆိုခွင့်ရှိသူ ပြန်ကြားရေးဝန်ကြီး ဦးရဲထွဋ်က ပြီးခဲ့သည့် ဧပြီ ၁၀ ရက် ခြောက်ပွင့်ဆိုင်တွေ့ဆုံမှုအပြီးတွင် သတင်းထောက်များအား ပြောကြားခဲ့သောစကားဖြစ်သည်။

ခြောက်ပွင့်ဆိုင်တွေ့ဆုံရန် ပြည်ထောင်စုလွှတ်တော်က အတည်ပြုအပြီး လေးလကျော်အကြာတွင် ပထမဆုံးအကြိမ် ခြောက်ပွင့်ဆိုင်တွေ့ဆုံမှုပြုလုပ်ခဲ့ခြင်းဖြစ်သည်။ နှစ်နာရီကျော်ကြာတွေ့ဆုံခဲ့သည့် အဆိုပါခြောက်ပွင့်ဆိုင်တွေ့ဆုံပွဲသည် နိုင်ငံရေးစိတ်ဝင်စားသူ ပြည်သူအများစုက စောင့်ကြည့်ခဲ့ရသော ပွဲတစ်ပွဲပင်။

သို့သော် တွေ့ဆုံပွဲပြီးချိန် ပြန်ကြားရေးဝန်ကြီး တာဝန်ခံရှင်းလင်းသည့် သတင်းစာရှင်းလင်းပွဲတွင် ပြောကြားချက်များမှာ လူထုမျှော်လင့်သလိုဖြစ်မလာခဲ့ပေ။ ဆွေးနွေးပွဲတွင် အချက်သုံးချက် ဆွေးနွေးသဘောတူခဲ့သော်လည်း ဆွေးနွေးချက် အသေးစိတ်များကို ၎င်းအနေဖြင့်ပြောခွင့်မရှိဟု ဦးရဲထွဋ်ကဆိုခဲ့သည်။

ဆွေးနွေးသည့် အချက်သုံးချက်သည်လည်း ပြောရေးဆိုခွင့်ရှိသူ၏ ပြောခွင့်ရသလောက် ပြန်ကြားချက်များတွင် ပြည်သူများအတွက် အားရကျေနပ်ဖွယ်မပါခဲ့။ ဆွေးနွေးပွဲ frame work တစ်နည်းအားဖြင့် ဆွေးနွေးမည့်အကြောင်းအရာများဆွေးနွေးရန် သဘောတူညီမှုရရှိခဲ့သည်ဟု ပြောရေးဆိုခွင့်ရှိသူက ပြောကြားခဲ့သည်။

ဆွေးနွေးပွဲ Frame Work တွင် အခြေခံဥပဒေပြင်ဆင်ရေး လွတ်လပ်ပြီး တရားမျှတသည့် ရွေးကောက်ပွဲကျင်းပနိုင်ရေး၊ ပြည်တွင်းငြိမ်းချမ်းရေးနှင့် ရွေးကောက်ပွဲအလွန်ကာလ တည်ငြိမ်အေးချမ်းရေးတို့အား ဆွေးနွေးခဲ့သည်ဟု ဦးရဲထွဋ်က ပြောကြားခဲ့သည်။

သူ၏ ပြောကြားချက်အရ တွေ့ဆုံပွဲသည် ယခုတစ်ကြိမ်နှင့် ပြီးပြတ်မည်မဟုတ်ဘဲ နောက်ဆက်တွဲများရှိလာနိုင်သည်ကို ထင်ထင်ရှားရှားမြင်နေရသည်။ သို့သော် လက်ရှိကြုံတွေ့နေသည့် နိုင်ငံရေးအကျပ်အတည်းများကို ဖြေရှင်းရန် အဆိုပါခြောက်ပွင့်ဆိုင်တွေ့ဆုံပွဲကို ပြုလုပ်ခြင်းဖြစ်သည်။ ၂၀၁၅ ရွေးကောက်ပွဲကျင်းပရန် ခြောက်လသာလိုတော့သည်။

ယခုတစ်ကြိမ် တွေ့ဆုံပွဲသည် အများကြီးမျှော်လင့်ရန်မဖြစ်နိုင်သော်လည်း အနည်းငယ်တိကျသည့် ဆုံးဖြတ်ချက် တစ်စုံတစ်ရာ ထွက်လာရန် မျှော်လင့်ခဲ့မိသည်ဟု နိုင်ငံရေးဆောင်းပါးရှင် ဒေါက်တာရန်မျိုးသိမ်းက ဆွေးနွေးပွဲပြီးချိန်၌ ပြောကြားခဲ့သည်။

ပထမအကြိမ် ဆွေးနွေးခဲ့သည့် ခြောက်ပွင့်ဆိုင်၏ တတိယဆွေးနွေးသည့်အချက်သည် လွှတ်တော်များပြန်စပြီး အလျဉ်းသင့်ချိန်တွင် ဒုတိယအကြိမ်ခြောက်ပွင့်ဆိုင် ထပ်မံတွေ့ဆုံမည်ဟု သဘောတူညီခဲ့ကြကြောင်း ပြန်ကြားရေးဝန်ကြီး ဦးရဲထွဋ်က ပြောကြားခဲ့သည်။ သို့သော် ထပ်မံတွေ့ဆုံမည့်အချိန်နှင့် ရက်အတိအကျကို မထုတ်ပြန်ခဲ့ပေ။

‘‘ဒီထက်ပိုပြီး ဆုပ်ဆုပ်ကိုင်ကိုင်ဖြစ်တဲ့ ရလဒ်မျိုးတော့ ထွက်လာသင့်တယ်။ ဥပမာ ခြောက်ပွင့်ဆိုင်ကို ဘယ်လိုအချိန်ဇယားနဲ့ ဘယ်လိုလုပ်မယ်ဆိုတာမျိုး ဖြစ်သင့်တယ်’’ဟု ဒေါက်တာရန်မျိုးသိမ်းက ပြောသည်။

ပထမအကြိမ် ခြောက်ပွင့်ဆိုင်တွေ့ဆုံပွဲကို ပြည်သူများက မျှော်လင့်ခဲ့ကြသော်လည်း မရေရာသည့် သတင်းစာရှင်းလင်းပွဲတစ်ခုသာ ရလဒ်ထွက်ခဲ့ပြီး ကြေညာချက်တစ်စောင်မျှပင် ထွက်ခဲ့ခြင်းမရှိပေ။

ထို့အပြင် ပါဝင်ဆွေးနွေးသူများအနက် ပြည်သူများ အားအထားဆုံးဖြစ်သည့် ဒေါ်အောင်ဆန်းစုကြည်သည် ယနေ့အထိ ခြောက်ပွင့်ဆိုင်တွေ့ဆုံခဲ့မှုနှင့်ပတ်သက်၍ ပြည်သူ့ထံသို့ တစ်ခွန်းတစ်ပါဒမျှ ထုတ်ဖော်ပြောကြားခြင်းမရှိသေးပေ။ ဆွေးနွေးပွဲအား မည်သည့်ဆွေးနွေးပွဲပင်ဖြစ်ပါစေ၊ မူအားဖြင့် ထောက်ခံကြောင်း ရှမ်းတိုင်းရင်းသားများ ဒီမိုကရက်တစ်ပါတီ အထွေထွေအတွင်းရေးမှူး ဦးစိုင်းညွန့်လွင်က ပြောသည်။

 သို့သော် ဆွေးနွေးပွဲပြီးနောက် ဘာဆက်လုပ်မည်၊ မည်ကဲ့သို့ အကောင်အထည်ဖော်မည်ဆိုသည်ကိုတော့ ပြတ်ပြတ်သားသားရှိထားရန်လိုကြောင်း ၎င်းကဆက်လက်ပြောသည်။

အပွင့်ဆိုင်တွေ့ဆုံခြင်းများ၏ အဓိကအချက်သည် အခြေခံဥပဒေပြင်ဆင်ရေးပင်ဖြစ်သည်ဟု ရခိုင်အမျိုးသားဒီမိုကရေစီအဖွဲ့ချုပ်မှ ဗဟိုကော်မတီဝင် ဦးအေးသာအောင်ကပြောသည်။ သို့သော် အခြေခံဥပဒေပြင်ဆင်ရေး၏ အဓိကကျသော အစိတ်အပိုင်းများသည် ကာကွယ်ရေးဦးစီးချုပ်နှင့် တပ်မတော်သား လွှတ်တော်ကိုယ်စားလှယ်များ၏ လက်ထဲတွင်ရှိနေသဖြင့် ဘယ်နှပွင့်ဆိုင်ပင်တွေ့စေကာမူ အခြေခံဥပဒေပြင်ဆင်ရေးသည် လွယ်ကူလာမည်မဟုတ်ဟု ၎င်းကဆက်လက်ပြောသည်။

‘‘အဓိက အပြောင်းအလဲဖြစ်ဖို့က ၂၀၀၈ အခြေခံဥပဒေပြင်ဆင်ရေးပဲဖြစ်တယ်။ လွှတ်တော်ထဲမှာလည်း အခြေခံဥပဒေပြင်ဖို့အတွက် ဟန်ရေးပြနေတာတွေ့ရတယ်။ တကယ့်တကယ်ပြင်နိုင်တဲ့ အခြေအနေမရှိဘူးဆိုတာ သိလိုက်ရတယ်’’ဟု ဦးအေးသာအောင်က ဆိုသည်။

‘‘မတ်လ ၂၇ ရက်က စစ်ရေးပြအခမ်းအနားမှာ တပ်ချုပ်ပြောတဲ့ မိန့်ခွန်းကိုကြည့်ရင် တပ်အနေနဲ့ ဖွဲ့စည်းပုံပြင်ရေးကို ဥပဒေအတိုင်းသာ ဖြစ်စေချင်ပုံရပါတယ်။ ဒါကြောင့် တပ်ချုပ်က ပုဒ်မ ၄၃၆ ပြင်ရေးကို သဘောတူမယ်မထင်ပါ။ သမ္မတကလည်း ဖွဲ့စည်းပုံပြင်ရင် ဥပဒေအတိုင်း ပြင်ကြဖို့ ထပ်ခါထပ်ခါပြောပြီးတဲ့အပြင် အပစ်အခတ်ရပ်စဲရေးစာချုပ် လက်မှတ်ရေးထိုးပြီးနောက် ဆက်လက်ပြုလုပ်မည့် ငြိမ်းချမ်းရေးဆွေးနွေးပွဲ ပြီးမြောက်အောင်မြင်မှပဲ ဖွဲ့စည်းပုံကို အကြီးစားပြင်ဆင်ချင်တဲ့ သဘောထားရှိပါတယ်။ ဒါကြောင့်မို့ လွှတ်တော်ဘက်က ပုဒ်မ ၄၃၆ ကိုမထိဘဲ တပ်ဘက်က ၂၅ ရာခိုင်နှုန်း ပါဝင်ထောက်ခံနိုင်မယ့် ပြင်ဆင်ချက်တွေကိုပဲ ဆွေးနွေးမယ်ဆိုရင်တော့ အောင်မြင်မှုရနိုင်ပါတယ်။ ၄၃၆ ပြင်ဆင်ရေးကို ဦးစားပေးဆွေးနွေးမယ် ဆိုရင်တော့ မအောင်မြင်နိုင်ပါ’’ ဟု တွေ့ဆုံပွဲများနှင့် အခြေခံဥပဒေ ပြင်ဆင်ရေးလမ်းကြောင်းများ၏ အသွားအလာကို နိုင်ငံရေးလေ့လာသူ ဦးအောင်ဒင်က သုံးသပ်သည်။

ပထမအကြိမ် ခြောက်ပွင့်ဆိုင်ဆွေးနွေးရာတွင် တိုင်းရင်းသားပါတီများ၏ အဆိုပြုချက်အတိုင်း တင်ပြခဲ့ပြီး အခြေခံဥပဒေပြင်ဆင်ရေး၊ စစ်မှန်သည့် ဖက်ဒရယ်ပြည်ထောင်စုဖြစ်ရေး၊ စစ်မှန်သည့် ဒီမိုကရေစီပုံရိပ် အောင်မြင်စွာရရှိရေးတို့ကို တင်ပြနိုင်ခဲ့သည်ဟု ခြောက်ပွင့်ဆိုင်တွင် တိုင်းရင်းသားများ ကိုယ်စားပြု ပါဝင်ဆွေးနွေးခွင့်ရခဲ့သည့် တိုင်းရင်းသားကိုယ်စားလှယ် ဒေါက်တာအေးမောင်က ပြောသည်။

 ‘‘အခြေအနေ ကောင်းပါတယ်။ တချို့ဟာတွေ ပွင့်ပွင့်လင်းလင်း ပြောပြခွင့်ရခဲ့ပါတယ်။ ဒီခြောက်ပွင့်ဆိုင်တွေ့ဆုံမှုက လေးလကြာမှ အကျဉ်းအကျပ်ကြားထဲကဖြစ်လာတဲ့ တွေ့ဆုံမှုပါပဲ။ တွေ့ဆုံမှုအာဂျင်ဒါကို သေသေချာချာ ညှိနှိုင်းထားတာမဟုတ်တာကလွဲရင် အောင်မြင်တဲ့ဆွေးနွေးမှုပါ’’ဟု ဒေါက်တာအေးမောင်က ပြောသည်။

ဒုတိယအကြိမ် ခြောက်ပွင့်ဆိုင်တွေ့ဆုံဆွေးနွေးပွဲကို မေလ ၁၁ မှ ၁၇ ရက်အတွင်း ပြုလုပ်ဖွယ်ရှိကြောင်း ဒေါက်တာအေးမောင်ကပြောသည်။

ခြောက်ပွင့်ဆိုင်တွေ့ဆုံမှုသည် နောက်တစ်ကြိမ်ရှိလာမည်ဟု ဆိုသော်လည်း ၂၀၁၅ ရွေးကောက်ပွဲမကျင်းပမီ ဆွေးနွေးချက်များ အဆုံးသတ်နိုင်ရန် အချိန်မမီတော့ကြောင်း နိုင်ငံရေးလေ့လာသုံးသပ်သူများကဆိုသည်။

‘‘နောက်တစ်ကြိမ်တွေ့ဖို့ အချိန်မမီတော့ဘူး။ ဒီပွဲကမပြီးဘူး။ နောက်တစ်ကြိမ် ဘယ်လိုခင်းကျင်းမလဲ။ ဆက်သွားနိုင်မလား။ ဆက်မသွားရင် ပွဲကပြီးပြီ။ ဆက်သွားနိုင်ဖို့ တိုင်ပင်ခဲ့တယ်ဆိုတော့ ကောင်းပါတယ်။ ဒါပေမဲ့ အချိန်မရှိတော့ဘူး’’ဟု ဦးစိုင်းညွန့်လွင်ကပြောသည်။

ဆွေးနွေးပွဲများသည် အမှန်တကယ်အလုပ်ဖြစ်ရန်လိုအပ်ပြီး ဟန်ပြအနေနှင့်မဖြစ်သင့်ကြောင်း ၎င်းကပြောသည်။ ယခုခြောက်ပွင့်ဆိုင်တွေ့ဆုံမှုသည် မြန်မာ့နိုင်ငံရေးအကျပ်အတည်းကို အမှန်တကယ်အဖြေရှာနိုင်မည့် ဆွေးနွေးပွဲတစ်ခုဖြစ်လာရန် လိုအပ်သည်။

‘‘အပြလေးတော့ မလိုချင်ဘူး။ အခုက အပြတွေများလာပြီ။ ကျွန်တော်တို့ ဘဝတစ်ခုလုံးမှာ ဒါကြီးပဲတွေ့နေရတယ်’’ဟု ဦးစိုင်းညွန့်လွင်ကပြောသည်။

7Day Daily