ခွေးသားစားခြင်းအား ပိတ်ပင်ရန် ကမ္ဘာက တောင်းဆိုမှု မြင့်တက်

(သွေးထွက်သံယို ဓာတ်ပုံများပါသည်/ Content Warning)

တရုတ်ပြည် တောင်အလယ်ပိုင်းဒေသက Yulin (ယုလင်) မြို့မှာ နှစ်စဉ် ယခုကာလမှာ ခွေးသားစားပွဲတော် (Dog meat festival) ပြုလုပ်ပါတယ်။ နှစ်စဉ် ယင်း ပွဲတော်အပေါ် ဆန့်ကျင်တားဆီးမှုများပေမယ့် ယခုနှစ်ကတော့ အများဆုံး ဖြစ်ပါတယ်။

ယင်းသတင်းနဲ့ ပက်သက်လို့ ယခုတလော လူ Share များနေကြတော့ သိတဲ့သူများလည်း သိပြီးသား ဖြစ်မှာပါ။ Dog meat festival ကို တရုတ်ပြည် အစိုးရမှ တရားဝင် ပိတ်ပင်ခြင်းက ယခင် နှစ်နှစ်လောက်က စတင်ခဲ့ပေမယ့် တရားဥပဒေ စိုးမိုးမှု နည်းနေပါသေးတယ်။ ဒါကြောင့်မို့ ခွေးသားစား ပွဲတော်ဟာ ရပ်တန့်မသွားသေးပဲ ဆက်ဖြစ်နေပါတယ်။ Bonus အနေနဲ့ ကြောင်များ နဲ့ အခြား အိမ်မွေး တိရစ္ဆာန် အချို့တောင် ပါဝင်လိုက်ပါသေးတယ်။ ယင်းဒေသခံများရဲ့ အယူအရ ခွေးသားစားခြင်းဖြင့် စီးပွားတက်ကြောင်း၊ ကျန်းမာကြောင်း အစရှိသဖြင့် ယုံကြည်ချက် အမျိုးမျိုးများဖြင့် စားသုံးနေခြင်း ဖြစ်ပါတယ်။

ယင်းကို အစိုးရ ဥပဒေ စိုးမိုးမှု နည်းနေတာကြောင့် အခြားသော ဒေသနဲ့ ယုလင်မှ ဆန့်ကျင့်သူများက သပိတ်မှောက်ခြင်း၊ ဆန္ဒပြခြင်းတို့ ပြုလုပ်ပါတယ်။ နိုင်ငံတကာရဲ့ ကူညီမှုများပါ ရှိလာပြီး ခွေးသားစားခြင်းကို နိုင်ငံရေးအရ အရေးယူ ပိတ်ဆို့မှုများ ရယူရန် ကမ္ဘာအနှံ့မှ ခွေးချစ်သူများနဲ့ တိရစ္ဆာန် ထိန်းသိမ်းရေးအဖွဲ့များက စတင်လာပါတယ်။ ဒါကြောင့်မို့ Online Petition ပြုလုပ်ထားပြီး ထောက်ခံမဲ ပေးခြင်း ပြုလုပ်ချင်ရင်https://www.change.org/p/president-geun-hye-park-take-dog-c… မှာ ပြုလုပ်နိုင်ပါတယ်။

မစားသင့်တဲ့ အစားအသောက်ထဲမှာ ခွေးသားလည်း ပါဝင်ပါတယ်။ လူတွေဟာ တစ်ချိန်တုန်းက အသားပေါင်းမြောက်များစွာ စားသုံးတဲ့ အရိုင်းများ ဖြစ်ခဲ့ပြီး စားသုံးရန် အသားအမျိုးအစား နည်းလာလေလေ ပိုပြီးတော့ ယဉ်ကျေးလာလေလေ ဖြစ်တယ်ဆိုတာကို အားလုံးလည်း မြင်တွေ့နိုင်မှာ ဖြစ်ပါတယ်။ ဘယ်လိုအကြောင်းပြချက်နဲ့ပဲ စားစား ခွေးစားဆိုတာ မစားထိုက်ပါဘူး။ မြန်မာပြည်ကနေလည်း တရုတ်ပြည်ကို ခွေးများ ရောင်းချ ကုန်သွင်းတာမျိုးတွေ ရှိပါတယ်။

နှစ်စဉ် ခွေးပေါင်း တစ်သောင်းကျော်မက ပွဲတော်တွင် သေဆုံးရကြောင်း သိရပါတယ်။

.

အောင်ခမ်း (ရိုးရာလေး)