မြန်မာ့သားကောင်း: ဥပဒေလေးစားရန် လိုကြောင်း ဇီးကုန်းရဲတပ်ဖွဲ့ ပြော

Friday, March 29, 2013

ဥပဒေလေးစားရန် လိုကြောင်း ဇီးကုန်းရဲတပ်ဖွဲ့ ပြော

မတ်လ ၂၇ ရက်နေ့က ဖြစ်ပွားခဲ့သည့် ပဲခူးတိုင်း အနောက်ခြမ်း ပဋိပက္ခဖြစ်စဉ်များတွင် လုံလောက်စွာဂရုစိုက်မှုမရှိဟု ပြည်သူ များ၏ ပြောဆိုချက်နှင့်ပတ်သက်၍ ဝင်ရောက်ထိန်းသိမ်းစဉ် မလိုလား အပ်သည့်အခြေအနေများ ဖြစ်ပေါ်မည်ကို စိုးရိမ်ကြောင်းနှင့် ဥပဒေ ကို လေးစားရန်လိုကြောင်း ဇီးကုန်းမြို့နယ် ရဲစခန်းမှတာဝန် ရှိသူ တဦးက မဇ္ဈိမသို့ ပြောဆိုသည်။
၎င်းက “ကျနော်တို့ ၀င်မထိန်းတာကိုပဲ မြင်ကြတာ။ တကယ်တမ်းက ၀င်ထိန်းရင်းနဲ့ တခြား မလိုလားစရာ အခြေအနေတွေကို လက်ယပ်ခေါ်သလိုဖြစ်သွားမှာပဲ။ ဘယ်သူမှဒါမျိူးကို ခန့်မှန်းမပေးနိုင်ဘူး။ ကျွန်တော် တို့ အဓိကလိုနေတာက စိတ်ဓါတ်တွေပဲ၊ ဥပဒေကို လေးစားမှုလိုသေးတယ်” ဟု မဇ္ဈိမ သို့ ပြောသည်။
မတ်လ ၂၆ ရက်နေ့မှ စတင်ပြီး ပဲခူးတိုင်း အနောက်ဖက်ခြမ်းရှိ ကြို့ပင်ကောက်၊ မင်းလှ၊ အုတ်ဖို ၊ ဇီးကုန်း အစရှိသည့် မြို့များတွင် ပုဒ်မ ၁၄၄ ထုတ်ပြန်ခဲ့သည်။
မတ်လ ၂၈ ရက်နေ့တွင် အခြေအနေများ တည်ငြိမ်သွားပြီ ဖြစ်သော်လည်း ဒေသခံများက ပဋိပက္ခများ ထပ်မံဖြစ်ပွားမည်ကို ကြောက်ရွံ့နေပြီး နီးစပ်ရာ ဘုန်းတော်ကြီးကျောင်းများတွင် ခိုလှုံနေကြကြောင်းနှင့် ပဋိပက္ခတွင် ပါဝင်သူအများစုမှာ ထွက်ပြေးနေကြသည်ဟု မင်းလှရဲစခန်းမှ တာဝန်ရှိသူတဦးက ဆိုသည်။
“ပြည်သူတွေကို ကာကွယ်ပေးတာက ထိခိုက် ပျက်စီးမှု အနည်းဆုံးဖြစ်အောင် လုပ်ရတာကို သူတို့ကို မစောင့်ရှောက်လို့ ဖြစ်တာ ပြောတာတော့ မကောင်းဘူး” ဟု အဆိုပါ တာဝန်ရှိသူက သူ့အမြင်ကို ပြော သည်။
ထို့အပြင် ပဲခူးတိုင်းအနောက်ခြမ်းအတွင်း ဖြစ်ပွားခဲ့သော ပဋိပက္ခ ဖြစ်စဉ်များမှာ မိတ္ထီလာမြို့မှ စတင် ခဲ့သော ပြဿနာ၏နောက်ဆက်တွဲ ကိစ္စများဟု ယူဆကြောင်း “ဘယ်ကိစ္စကတော့ စပြီးဖြစ်တယ် ဆို တာတော့ တိတိကျကျမရှိဘူး။ မိတ္ထီလာကစတာလို့ပဲ ပြောရမှာပဲ။” ဟု ဇီးကုန်းမြို့နယ် ရဲစခန်းမှ တာဝန် ရှိသူ တဦးက သူ့အမြင်ကို ပြောသည်။
ဆက်လက်၍ ယမန်နေ့က ဖြစ်ခဲ့သည့် ကိစ္စများအတွက် လုံခြုံရေးများက တာဝန်ယူနိုင်သလောက် ယူခဲ့ ကြသော်လည်း မလုံလောက်မှုများ ရှိကောင်း ရှိနိုင်ကြောင်း ပြောဆိုသည်။
သို့သော် မင်းလှမြို့နယ်ရဲစခန်းမှ တာဝန်ရှိသူအခြားတယောက်ကမူ မြို့၏လက်ရှိအခြေအနေမှာ ဘာမှ တိတိကျကျ မသိရသေးသည့် အချိန်ဟု ဆိုသည်။
မတ်လ၂၀ ရက်နေ့က ရွှေအရောင်းအ၀ယ် ပြုလုပ်ရာမှ ဖြစ်ပွားခဲ့သည့် မိတ္ထီလာပဋိပက္ခ ဖြစ်စဉ်ကြောင့် သက်ဆိုင်ရာမှ ဒေသအတွင်း ပုဒ်မ ၁၄၄ ထုတ်ပြန်၍ ထိန်းသိမ်းခဲ့ရပြီး မတ်လ ၂၂ ရက်နေ့တွင် အရေးပေါ်ကြေညာချက် ထုတ်ပြန်ကာ စစ်တပ်မှ ၀င်ရောက် ထိန်းသိမ်းခဲ့ရသည်။
နတ္တလင်းရဲစခန်းမှ ဒုရဲအုပ်အောင်ဇော်ဇော်က မတ်လ၂၇ ရက်နေ့တွင် ဖြစ်ပွားခဲ့သော ပဋ္ဋိပက္ခဖြစ်စဉ် များတွင် ပါဝင်ခဲ့သူဟုယူဆထားသူများကို ထိန်းသိမ်းထားကြောင်း မဇ္ဈိမသို့ ပြောသည်။
“လောလောဆယ်ကတော့ ၂ ယောက်ပဲရှိပါသေးတယ်ဗျ။ ပြန်ပြီးတော့ နောက်ဆက်တွဲ မေးမြန်းစရာ တွေ ရှိပါသေးတယ်။ ကျန်တဲ့နောက်ဆက်တွဲတွေ ကတော့ အခုလုပ်ဖို့ မရှိသေးပါဘူး။ ကျွန်တော်တို့ ထိန်းသိမ်း ထားတာက မသင်္ကာလို့ မဟုတ်ပါဘူး” ဟု ပြောဆိုသည်။
မတ်လ ၂၇ ရက်နေ့ ညနေသုံးနာရီခန့်က ပဲခူးတိုင်း မင်းလှ၊ ဇီးကုန်းအပါအ၀င် နတ္တလင်းမြို့နှင့်နီးစပ်ရာရွာ များတွင် ရာနှင့်ချီသည့် လူထုက ဘာသာရေးအဆောက်အဦများနှင့် အိမ်အတွင်းရှိပစ္စည်းများအား ဖြိုဖျက် ခဲ့ကြောင်းနှင့် ပုဒ်မ ၁၄၄ ထုတ်ပြန်ထားသော်လည်း ညနက်ချိန်အထိ ဆက်လက်ဆူပူမှု ပြုလုပ်ခဲ့ကြောင်း သိရသည်။
မဇ္ဈိမသတင်းဌာန
ZinYawNews

No comments:

Post a Comment

Subscribe to: Post Comments (Atom)