နမ့်ခမ်းဗုံးပေါက်ကွဲမှု တစ်ဦးသေဆုံး၊ တစ်ဦးဒဏ်ရာရ
ရှမ်းပြည်နယ်မြောက်ပိုင်း၊ နမ့်ခမ်းမြို့၌ အောက်တိုဘာ(၁၆)ရက်နေ့ည
ဆယ်နာရီခွဲခန့်တွင် ဗုံးကွဲမှုဖြစ်ပွားခဲ့ပြီး လူတစ်ဦး သေဆုံးကာ
တစ်ဦးဒဏ်ရာရခဲ့ကြောင်း နမ့်ခမ်းမြို့ရဲစခန်းမှ သိရသည်။
“နမ့်ခမ်းမြို့လယ်က ဘုရားကျောင်းရှေ့မှာကွဲတာပါ။ သေးဆုံးတဲ့လူနဲ့
ဒဏ်ရရတဲ့လူကဘယ်ကလဲဆိုတာ စုံစမ်းတုန်းပဲရှိပါသေးတယ်” ဟု နမ့်ခမ်းရဲစခန်းမှ
တာဝန်ကျရဲဝန်ထမ်းတစ်ဦးက ပြောသည်။
ဗုံးကွဲမှုဖြစ်ပွားပြီးနောက် ပေါက်ကွဲသည့်ဗုံးမှာ မည်သည့်ဗုံးအမျိုးအစားဖြစ်သည်ကို စုံစမ်းနေဆဲဖြစ်သည်ဟု ၄င်းက ဆက် ပြောသည်။
“ ဗုံးပေါက်တယ်ဆိုတော့ လူတွေလန့်နေကြတာပေါ့၊ ကျွန်တော်တို့နားမှာတင်
ဖြစ်သွားတာ”ဟု နမ့်ခမ်းမြို့မှတည်းခိုခန်းပိုင်ရှင် တစ်ဦးက ပြောသည်။
ထိုဗုံးကွဲမှုမတိုင်မီ အောက်တိုဘာ(၁၁)ရက်မှ (၁၅)ရက်နေ့ထိ ဗုံးကွဲမှုဖြစ်စဉ်
(၆)ကြိမ်ဖြစ်ပွားခဲ့ပြီး တားဆီး နိုင်ခဲ့သည် ဖြစ်စဉ်(၅) ကြိမ်ရှိကြောင်း
သိရသည်။
Myit Ma Kha Media Group.
No comments:
Post a Comment