အုပ်စုဖွဲ့ အနိုင်ကျင့်တိုက်ခိုက်မှုများအတွက်၊ ဘင်္ဂလားဒေ့ရ်ှအစိုးရ ထိရောက်စွာတားဆီးရန်လိုအပ်

စက်တင်ဘာလ ၂၉ ရက်နေ့က မြန်မာ၊ ဘင်္ဂလားဒေ့ရ်ှနယ်စပ်အနီး ရာမူးနဲ့ ကော့ဘဇားမြို့တွေမှာ ဆူပူအကြမ်းဖက်သူအများစုက လူနည်းစုဗုဒ္ဓဘာသာဝင် ရခိုင်တိုင်းရင်းသားတွေအပေါ် အနိုင်ကျင့်တဲ့လုပ်ရပ်တွေ ဆောင်ရွက်ခဲ့ကြပါတယ်။ ရာပေါင်းများစွာပါတဲ့ လူအုပ်ကြီးဟာ ဘုန်းကြီးကျောင်းတွေ၊ သိမ်တွေနဲ့ ရခိုင်လူမျိုးတွေရဲ့ အိမ်တွေကို အကြမ်းဖက်ဖျက်ဆီးခဲ့တာဖြစ်ပါတယ်။ ဒီလိုအကြမ်းဖက်မှုကိစ္စမှာ

ပါဝင်ပတ်သက်နေသူတွေအပေါ် အရေးယူမှုအားနည်းနေတဲ့ ဘင်္ဂလားဒေ့ရ်ှအာဏာပိုင်တွေကို တွန်းအားပေးနိုင်ဖို့နဲ့ လူနည်းစု ရခိုင်ဗုဒ္ဓဘာသာဝင်တွေကို အကာအကွယ်ပေးဖို့အတွက် ဒါကာတက္ကသိုလ်ကျောင်းသား၊ ရာဂဏန်းလောက်ဟာ အောက်တိုဘာလ ၃ ရက်နေ့မှာ ချီတက်ဆန္ဒပြခဲ့ကြပါတယ်။ သူတို့ကအကြမ်းဖက်တိုက်ခိုက်မှုပြုလုပ်သူတွေကို ချက်ချင်းဖမ်းဆီးအရေးယူဖို့ အိုးအိမ်ပျက်စီးဆုံးရှုံးသွားသူတွေအတွက် ထိုက်တန်တဲ့လျော်ကြေးတွေပေးဖို့ တောင်းဆိုခဲ့ကြပါတယ်။

အကြမ်းဖက်သူများဟာ အုပ်စုဖွဲ့တိုက်ခိုက်မှုတွေ ဆက်တိုက်လုပ်ဆောင်လာကြောင်း အခုဖြစ်ရပ်တွေက ဖော်ပြနေပါတယ်။ ဒီလိုဆောင်ရွက်လာနိုင်တာဟာ ဘင်္ဂလားဒေ့ရ်ှအစိုးရတာဝန်ရှိသူတွေရဲ့ ထိန်းသိမ်းနိုင်မှု အားနည်းခြင်းကြောင့်ဆိုတာ ထင်ရှားလျက်ရှိပါတယ်။ ဒီလိုအကြမ်းဖက်မှုတွေအတွက် လူ နှစ်ရာ၊ သုံးရာလောက်က ဆန္ဒပြရုံနဲ့ မတားဆီးနိုင်ပါဘူး။ ဘင်္ဂလားဒေ့ရှ် အစိုးရနဲ့ ဒေသတွင်းအာဏာပိုင် အဖွဲ့အစည်းတွေအနေနဲ့ တရားခံတွေကို မျှော့သွေးတိုးစမ်းသလို မထိတထိလုပ်မနေဘဲ ပြတ်ပြတ်သားသား ကိုင်တွယ်သွားဖို့လိုအပ်ပါတယ်။ ဒီလိုမှမကိုင်တွယ် နိုင်ရင် လူအုပ်နဲ့အနိုင်ကျင့်တဲ့ လုပ်ရပ်တွေ၊ ဆက်လက်ပေါ်ပေါက်လာနိုင်ဖွယ်ရှိပြီး ရာမူးနဲ့ ကော့ဘဇားဒေသက လူနည်းစု ဗုဒ္ဓဘာသာဝင် ရခိုင်လူမျိုးတွေရဲ့ အသက်အိုးအိမ်စည်းစိမ်တွေအပေါ် ကြီးမားတဲ့ခြိမ်းခြောက်မှုတွေ ဖြစ်လာပါလိမ့်မယ်။

          ဘင်္ဂလားဒေ့ရ်ှအစိုးရအနေနဲ့ ဒီကိစ္စမှာ ဘင်္ဂလားဒေ့ရ်ှထဲကို တရားမ၀င်လာရောက်နေထိုင်သူ ရိုဟင်ဂျာတွေကို အဓိကတာဝန်ရှိသူအဖြစ် သံသယဖြစ်မိကြောင်း လက်ညှိုးထိုးနေပါတယ်။

တစ်ဘက်မှာလည်း မလေးရှားအခြေစိုက် ရိုဟင်ဂျာလူ့အခွင့်အရေးအဖွဲ့ ဥက္ကဋ္ဌ Zafar Ahmad bin Abdul Ghani က ရိုဟင်ဂျာတွေဟာ တခြားဘာသာကိုသွားပြီးနှိပ်စက်ဖို့ စိတ်ထဲမှာမရှိကြောင်း၊ အခုကိစ္စဟာ ဘင်္ဂလားဒေ့ရှ် ပြည်သူတွေနဲ့ ဘင်္ဂလားဒေ့ရ်ှအစိုးရနဲ့သာဆိုင်ကြောင်း တုန့်ပြန်ပြောဆိုလျက်ရှိပါတယ်။

ဘင်္ဂလားဒေ့ရ်ှအစိုးရနဲ့ ရိုဟင်ဂျာလူ့အခွင့်အရေးအဖွဲ့တို့ အပြန်အလှန်စွပ်စွဲနေရုံနဲ့ ပြဿနာပြေလည်သွားမှာ မဟုတ်ပါဘူး။ လူ ၂၀၀၊ ၃၀၀ လောက်ဆန္ဒပြတာဟာလည်း တောမီးကို နို့ဆီခွက်ထဲကရေနဲ့ ငြိမ်းဖို့ကြိုးစားသလို အရာထင်လှမယ်မဟုတ်ပါဘူး။ ဘင်္ဂလားဒေ့ရ်ှအစိုးရက ရသေ့စိတ်ဖြေအနေနဲ့ ရာမူးမြို့ ရဲစခန်းမှူးကိုရာထူးက ဖယ်ရှားခဲ့ပါတယ်။ ရာမူး စခန်းမှူးရာထူးက နှုတ်ထွက်သွားခဲ့လဲ နောက်စခန်းမှူးက သူထက်သူ လူစွမ်းကောင်းဆိုရင် အခြေအနေပိုဆိုးလာဖို့ပဲရှိပါတယ်။ ရာမူးမှာဖြစ်ခဲ့တဲ့ အကြမ်းဖက်မှုတွေကြောင့် နှစ်ပေါင်းရာနဲ့ချီပြီး တည်ရှိနေခဲ့တဲ့ ဘုန်းတော်ကြီး ကျောင်းတွေအပါအ၀င် ကျောင်းပေါင်း ၂၂ ကျောင်းနဲ့ တန်ဖိုးမဖြတ်နိုင်တဲ့ ဘုရားဆင်းတုတော် တွေလည်း ပျက်စီးဆုံးရှုံးခဲ့ရပါပြီ။ အဲ့ဒီအတွက် ရဲစခန်းမှူးအဆင့်လောက်မှာတင်ပဲ တာဝန်ရှိတာလား၊ ဘင်္ဂလားဒေ့ရှ် အစိုးရမှာ တာဝန်မရှိတော့ဘူးလားလို့ မေးခွန်းထုတ်ချင်ပါတယ်။

လစ်ဗျားနိုင်ငံ ဘန်ဂါဇီမြို့က အမေရိကန်သံရုံးကို လူအုပ်ကြီးက အနိုင်ကျင့်ချေမွခဲ့သလို၊ မြန်မာနိုင်ငံ ရခိုင်ဒေသက အင်အားနည်း ဗုဒ္ဓဘာသာဝင်တွေကို အင်အားများလွန်းလှတဲ့ဘင်္ဂလီတွေက လူအုပ်နဲ့ဖိပြီး အနိုင်ယူအကြမ်းဖက်ခဲ့သလို၊ အခုလဲ ရာမူးနဲ့ ကော့ဘဇားမြို့တွေမှာ ဒီလိုမျိုးအလားတူ အုပ်စုဖွဲ့ တိုက်ခိုက်တဲ့ လုပ်ရပ်တွေကို လုပ်ဆောင်လာခဲ့ပြန်ပါပြီ။ ရခိုင်ဒေသအရေးအခင်းမှာတုန်းက မြန်မာအစိုးရက မျက်နှာမလိုက်ဘဲ ပြတ်ပြတ်သားသား အရေးယူကိုင်တွယ်တာကြောင့် ထိခိုက်သေဆုံးမှုအနည်းဆုံးနဲ့ တည်ငြိမ်အောင် ထိန်းချုပ်နိုင်ခဲ့ ပါတယ်။ ဘင်္ဂလားဒေ့ရ်ှအစိုးရကလည်း မြန်မာအစိုးရလို သမာသမတ်ကျကျဖြေရှင်းဖို့၊ အဆင့်ဆင့်သော အုပ်ချုပ်ရေးဆိုင်ရာ တာဝန်ရှိတွေက တရားခံတွေကို တိကျပြတ်သားစွာအရေးယူဖို့ အထူးပဲလိုအပ်ပါတယ်။

 OIC အနေနဲ့လည်း အခြေအနေမှန်ကို ရှင်းရှင်းလင်းလင်းသိအောင် ဆောင်ရွက်သင့်ပါတယ်။ ပဋိပက္ခဖြစ်နေတဲ့ အုပ်စုနှစ်စုကြားမှာ ဘယ်ဘက်ကိုမှမယိမ်းဘဲ တည့်မတ်စွာရပ်တည်ဖို့လိုအပ်တဲ့အပြင် အကြမ်းဖက်တိုက်ခိုက်မှုတွေကို ပြတ်ပြတ်သားသားကိုင်တွယ်ဖြေရှင်းသွားဖို့ ဘင်္ဂလားဒေ့ရ်ှအစိုးရကို ဖိအားပေးတောင်းဆိုသွားရန်လည်း လိုအပ်နေပြီ ဖြစ်ပါကြောင်း၊ ဒေသတွင်းတည်ငြိမ်အေးချမ်းမှုကို ရှေ့ရှုပြီး ရေးသားလိုက်ပါတယ်။

ပဋိပက္ခများချုပ်ငြိမ်းစေလိုသူတစ်ဦး