 |
| ဒေါ်အောင်ဆန်းစုကြည်နှင့် အမေရိကန် နိုင်ငံခြားရေးဝန်ကြီး ဂျွန်ကယ်ရီတို့ သြဂုတ် ၁၀ ရက်က တွေ့ဆုံစဉ် (ဓာတ်ပုံ − အင်န်အယ်လ်ဒီ) |
မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေးတွင် လိုအပ် ချက်များကို အမေရိကန်အစိုးရက ဖိအားပေး အရေးယူခြင်းဖြင့် အပြစ်ပေးမည် မဟုတ်ကြောင်း နှင့် ပြုပြင်ပြောင်းလဲမှုများတွင် အချိန်ယူရသည်ကို အမေရိကန် အစိုးရအနေဖြင့် နားလည် ကြောင်း ၎င်းကပြောကြားသည်။
သို့သော် မြန်မာနိုင်ငံနှင့် ဆက်ဆံမှုတွင် မျက်ကန်းယုံကြည် မှုမျိုးဖြင့် မဟုတ်ဘဲ လိုအပ်ချက် များကို အတူလက်တွဲလုပ်ဆောင် သွားမည်ဖြစ်ကြောင်း ၎င်းက 7 Day သတင်းစာ၏ မေးမြန်းမှု ကို ဖြေကြားခဲ့သည်။
‘‘အမေရိကန်ပြည်ထောင်စု မှာတောင် ပြုပြင်ပြောင်းလဲရေး တွေလုပ်ဖို့ အချိန်ယူခဲ့ရပါတယ်။ မြန်မာမှာ ဖြစ်နေတဲ့စိန်ခေါ်မှုတွေ ဖြစ်တဲ့ လူ့အခွင့်အရေး၊ ဒီမိုကရေ စီပြုပြင်ပြောင်းလဲရေး၊ လူမျိုး ရေး၊ ဘာသာရေးဆိုင်ရာပြဿနာ တွေမှာ စိန်ခေါ်မှုတွေရှိနေတာကို အသိအမှတ်ပြုပါတယ်။ ဒါပေမဲ့ ဒါမလုပ်လို့ ဒါတော့မလုပ်ပေးဘူး ဆိုတဲ့ ခြိမ်းခြောက်မှုမျိုးက ပြဿ နာကို မဖြေရှင်းနိုင်ပါဘူး။ နိုင်ငံ တိုင်းမှာ သူ့သမိုင်းကြောင်းတွေ ရှိကြပါတယ်။ ဒါကြောင့် အမေရိ ကန်အနေနဲ့ မြန်မာကို လက်တွဲ ကူညီသွားမှာဖြစ်တယ်’’ဟု ၎င်း ကပြောကြားသည်။
မြန်မာတွင် လက်ရှိ ရခိုင် ပြဿနာမှာ ပြုပြင်ပြောင်းလဲရေး ကိုခြိမ်းခြောက်နေပြီး မြန်မာအစိုး ရလုပ်ရန်ကျန်ရှိသည့် ရခိုင်ပြဿ နာ၊ ဖွဲ့စည်းပုံအခြေခံဥပဒေ ပြင် ဆင်ရေး၊ လူ့အခွင့်အရေးနှင့် ဥပဒေရေးရာပြဿနာ စိန်ခေါ်မှု များကို စာရင်းပြုစုထား၍ တစ်ခု ချင်းစီကို သမ္မတဦးသိန်းစိန်နှင့် တိုက်ရိုက်ဆွေးနွေးခဲ့ကြောင်း အထက်လွှတ်တော် အမတ်များ၏ မြန်မာကို ဖိအားပေးရန် ပေးပို့သည့်စာနှင့် ပတ်သက်၍ ဂျွန်ကယ်ရီက ပြောကြားသည်။
မြန်မာနိုင်ငံတွင် ဖွဲ့စည်းပုံ အခြေခံဥပဒေပြုပြင်ရေးကိစ္စကို လည်း ပြည်ထောင်စုလွှတ်တော် နာယကသူရဦးရွှေမန်းနှင့် ပြည့်စုံ စွာ တွေ့ဆုံဆွေးနွေးနိုင်ခဲ့ပြီး ဦး ရွှေမန်းကို ၀ါရှင်တန်ဒီစီသို့ လာ ရောက်ရန် ဖိတ်ကြားခဲ့ကြောင်း ဂျွန်ကယ်ရီကပြောသည်။
‘‘လွှတ်တော်ဥက္ကဋ္ဌကလည်း အမေရိကန်ရဲ့ လွှတ်တော်တွေကို လေ့လာပြီး လွှတ်တော်အမတ် တွေနဲ့ တွေ့ဆုံလိုတယ်။ အမေ ရိကန်ရဲ့ ဖွဲ့စည်းပုံအခြေခံဥပဒေ ကို ပြင်ဆင်တာကိုလည်း လေ့ လာဖို့အလွန်စိတ်ဝင်စားပါတယ်’’ ဟု ၎င်းကပြောကြားသည်။
မြန်မာနိုင်ငံ၏ သဘာဝသယံဇာတပေါကြွယ်ဝမှုမှာ တိုင်းရင်း သားအားလုံးနှင့် သက်ဆိုင်ပြီး ယင်းသယံဇာတများကို မြန်မာ အစိုးရခေါင်းဆောင်များက မှန် ကန်စွာ အသုံးချရန် ရွေးချယ်မှု ပြုလုပ်မှသာ ပြည်သူအများအ ကျိုးခံစားခွင့်ရှိမည်ဖြစ်ကြောင်း ၎င်းကဆိုသည်။
ထို့အပြင် အမေရိကန်ပြည် ထောင်စုက မြန်မာပြည်သူများ အတွက် စီးပွားရေးပိတ်ဆို့မှုများ ကို ဖယ်ရှားပေးခဲ့ပြီး လက်ရှိတစ် ဦးချင်း ပိတ်ဆို့မှုများကိုမူ ဆက် လက်ထားရှိဦးမည်ဖြစ်ကြောင်း ၎င်းကပြောသည်။
ဂျွန်ကယ်ရီ၏ ပထမဆုံး မြန်မာနိုင်ငံခရီးစဉ်အပြီး သတင်း စာရှင်းလင်းပွဲတွင် ၎င်းက မြန်မာ ကို ဘားမားဟု မိန့်ခွန်းအစတွင် သုံးနှုန်းခဲ့သော်လည်း အချို့ပြော ကြားချက်များနေရာတွင် မြန်မာ ဟု သုံးစွဲပြောကြားသွားသည်။
7Day News Journal
No comments:
Post a Comment