ရှမ်းပြည်နယ်တောင်ပိုင်းရှိ မြို့နယ်အချို့တွင် ရွေးကောက်ပွဲ မကျင်းပတော့ဟု ကြေညာပြီး နောက်တစ်နေ့၌ မိုင်းရှူးနှင့် ကျေးသီးမြို့နယ်တို့တွင် တိုက်ပွဲများ ပိုမိုပြင်းထန်လာပြီး ရွေးကောက်ပွဲကော်မရှင်၏ အဆိုပါကြေညာချက်ကို ရှမ်းအမျိုးသားဒီမိုကရေစီအဖွဲ့ချုပ်ပါတီ(SNLD) နှင့် ဒေသခံများကကန့်ကွက်နေကြသည်။ လွတ်လပ်ပြီး တရားမျှတသော ရွေးကောက်ပွဲကျင်းပရန် အခြေအနေမရှိဟုဆိုကာ ရှမ်းပြည်နယ်တောင်ပိုင်းရှိ မိုင်းရှူး ကျေးသီးမြို့နယ်နှင့် ရှမ်းပြည်နယ်မြောက်ပိုင်း တန့်ယန်းမြို့နယ်မှ ကျေးရွာအုပ်စု ရှစ်အုပ်စု၊ ဟိုပန်မြို့နယ်မှ ကျေးရွာအုပ်စု ၄၂ အုပ်စုတွင် ရွေးကောက်ပွဲ မကျင်းပနိုင်တော့ဟု ရွေးကောက်ပွဲကော်မရှင်က အောက်တိုဘာ ၂၇ ရက်၌ သတင်းထုတ်ပြန်ခဲ့သည်။
ယင်းနေ့တွင်ပင် SNLD က အဆိုပါ ထုတ်ပြန်ချက်အပေါ် တရား ၀င်ကန့်ကွက်ခဲ့သည်။
SNLD အထွေထွေအတွင်း ရေးမှူး ဦးစိုင်းညွန့်လွင်က ၎င်းတို့ ပါတီနိုင်ရန် သေချာနေသည့် မဲဆန္ဒနယ်များကို တမင်အကြောင်းပြပြီးရွေးကောက်ပွဲ မပြုလုပ်နိုင်ရန်ပြုလုပ်ခြင်းဖြစ်ကြောင်း ပြော ကြားထားသည်။ ထို့ပြင် ပြည်ထောင်စုလွှတ်တော်၌ လွှတ်တော်ကိုယ်စားလှယ် ၇၅ ရာခိုင်နှုန်း ပြည့်မီခြင်းမရှိစေရန် တမင်ကြံရွယ်လုပ်ဆောင်ရာ ရောက်သည်ဟု SNLD က ကြေညာချက် ထုတ်ပြန်သည်။
ဒေသတွင်း ရွေးကောက်ပွဲ စောင့်ကြည့်လေ့လာရေး အရပ် ဘက်အဖွဲ့အစည်းတစ်ခု ဖြစ်သည့် ရှမ်းလူငယ်ကွန်ရက်မှ စိုင်းလွယ်ခမ်းက ရွေးကောက်ပွဲကော်မရှင်အနေဖြင့် ဒေသတွင်း အခြေအနေကို သေချာမလေ့လာဘဲ တစ်ဖက်သတ်ဆုံးဖြတ်ခြင်းဖြစ်ပြီး ဒေသခံ မဲဆန္ဒရှင်များ အလွန်နစ်နာရသည်ဟု ပြောသည်။
‘‘မဲဆန္ဒရှင်တစ်ဦးချင်းက နိုင်ငံသားတစ်ယောက်အနေနဲ့ ရွေးကောက်ပွဲတစ်ခုနဲ့ တစ်ခု စောင့်ရဖို့ဆိုတာ ငါးနှစ်ဆိုတာ နည်းတဲ့အချိန် မဟုတ်ဘူး။ သူတို့ အတွက် တိုင်းရင်းသားကိုယ်စား လှယ်ရွေးချယ်ခွင့် မရှိတော့ ပြည် သူတွေ အများကြီးနစ်နာတယ်’’ ဟု ၎င်းကပြောသည်။
အမှန်တကယ် တိုက်ပွဲဖြစ် သည့် နေရာမှာ မိုင်းရှူးနှင့် ကျေး သီးမြို့နယ် အစွန်အဖျားနေရာ များသာဖြစ်ပြီး မြို့နယ်နှစ်ခု စလုံး ရွေးကောက်ပွဲ မကျင်းပတော့ခြင်း သည် SNLD ပါတီအနိုင်ရနိုင်သည့် ဒေသများကို ရည်ရွယ်ချက်ရှိရှိ ပိတ်ပင်ခြင်းဖြစ်သည်ဟု စိုင်း လွယ်ခမ်းက သုံးသပ်ပြောကြား သည်။
ရှမ်းပြည်နယ်မြောက်ပိုင်း ရွေးကောက်ပွဲကော်မရှင်အဖွဲ့ခွဲ ရွေးကောက်ပွဲအရာရှိ ဦးနှစ်ဆန်း ဦးက တန့်ယန်းမြို့နယ် ကျေး ရွာအုပ်စု ရှစ်အုပ်စုသည် SSA ၀မ်ဟိုင်းဌာနချုပ်နှင့် နီးကပ်သော ကြောင့်ဖြစ်ပြီး ဟိုပန်မှာမူ ‘၀’ ဒေသဖြစ်သောကြောင့် လုံခြုံရေး အခြေအနေအရ မကျင်းပနိုင် တော့ခြင်း ဖြစ်သည်ဟု ရှင်းပြ သည်။
‘‘တန့်ယန်းမှာဆို ကျေးရွာ အုပ်စု ရှစ်အုပ်စု။ အဲဒါကလည်း SSA ၀မ်ဟိုင်းနဲ့ ထိတွေ့မှုဖြစ်ပွား နေတဲ့ ဌာနချုပ်နဲ့ ကပ်လျက်နေရာ တွေ ဖြစ်တယ်။ ဟိုပန်ထဲက ကျန် တဲ့ကျေးရွာအုပ်စုတွေက မဲစာ ရင်း မကောက်နိုင်တာပေါ့။ ဟို ပန်တော့ ဟိုပန်ပဲ။ ဒါပေမဲ့ ‘၀’ ဒေသဖြစ်နေတာလေ။ ရပ်ကျေး ကော်ခွဲတွေလည်း မဖွဲ့နိုင်တော့ မဲစာရင်းမကောက်နိုင်တာ’’ဟု ပြောသည်။
မည်သည့် အခြေအနေ ကြောင့်ပင်ဖြစ်စေ ဒေသခံမဲဆန္ဒ ရှင်များ ယခုရွေးကောက်ပွဲတွင် မဲပေးခွင့်ရရန် ရွေးကောက်ပွဲ ကော်မရှင်က ဆောင်ရွက်ပေး သင့်သည်ဟု ရှမ်းပြည်တောင်ပိုင်း လူငယ်ကွန်ရက်မှ ကိုဝင့်ထည် ကောင်းမြတ်က တိုက်တွန်း သည်။
မြန်မာ့တပ်မတော်နှင့် ရှမ်း ပြည်တပ်မတော် မြောက်ပိုင်း (SSPP/SSA) တို့ တိုက်ပွဲသည် အောက်တိုဘာ ၂၈ ရက်တွင် ပိုမို ပြင်းထန်လာပြီး မိုင်းရှူးမြို့ထဲအ ထိပင် ရောက်ရှိလာသည်ဟု သ တင်းကြားနေရ၍ ဒေသခံများ အန္တရာယ်မဖြစ်စေရန် အဆိုပါအခြေအနေကို ကန့်ကွက်မည်ဟုရှမ်းလူမှုရေးအဖွဲ့အစည်းများထံမှ သတင်းရရှိသည်။
မိုင်းရှူးမြို့နယ် ၀မ်ဆော့ရွာ တွင် အောက်တိုဘာ ၂၇ ရက်က တိုက်ပွဲအပြင်းထန်ဆုံး ဖြစ်ပွားခဲ့ ပြီး တိုက်ပွဲအတွင်း ဒေသခံရွာ သားများ ပိတ်မိနေသည်ဟု ရှမ်း လူငယ်ကွန်ရက်မှ စိုင်းလွယ်ခမ်း က ပြောသည်။ ကယ်ဆယ်ရေး အဖွဲ့များကိုလည်း မိုင်းရှူးဒေသ ရောက် မြန်မာ့တပ်မတော်တာဝန် ရှိသူများက ၀မ်ဆော့ကျေးရွာသို့ သွားရောက်ခွင့် ပိတ်ပင်ထား သည်ဟု ၎င်းကဆိုသည်။ ဒေသ တွင်း လုံခြုံရေးတာဝန်ယူထား သည့် တပ်မတော်အရာရှိ တစ်ဦး ကမူ အရပ်သားများ လုံခြုံရေးအ တွက် ခေတ္တပိတ်ပင်ထားခြင်း ဖြစ် ကြောင်း ပြောသည်။
7 day
No comments:
Post a Comment