မြန်မာ
လူမျိုးတွေဟာ မုန်လာဥနီကို ကြော်စားတာပဲ ဖြစ်ဖြစ်၊ အစိမ်းလိုက် သုပ်စားတာ ပဲ
ဖြစ်ဖြစ် ၊ ခေါက်ဆွဲကြော်၊ ကြာဇံကြော်တွေထဲမှာ ထည့်ကြော်စားတာပဲ ဖြစ်ဖြစ်
ပုံစံမျိုးစုံနဲ့ စားသောက်တတ် ကြပါတယ်။
မုန်လာဥနီကို
ပုံမှန် စားသုံးပေးလျှင် သင့်ရဲ့အသည်း ကျန်းမာရေး အတွက် အထောက်အကူ
ပေးပါ လိမ့်မယ်။ မုန်လာနီမှာ ဗီတာမင်အေ ကြွယ်ဝစွာ ပါဝင်ပါတယ်။
အသည်း
ကျန်းမာရေးအတွက် ကောင်းမွန်စေတဲ့ အပြင် မျက်လုံး အမြင်အားကို လည်း
ကောင်းစေ ပါတယ်။ မုန်လာဥနီ ဖျော်ရည် ကို သောက်ပေးခြင်းဖြင့်
ကိုယ်အလေးချိန်ကို ကျဆင်းအောင် ကူညီ ပေးပါလိမ့်မယ်။ မဂ္ဂနီဆီယမ်၊
ဘီတာကယ်ရိုတင်း ပါဝင်တဲ့ အပြင် ပိုတက်ဆီယမ် ဓာတ်လည်း ကြွယ်ဝစွာ
ပါဝင်ပါတယ်။ ဗီတာမင်စီ ပါဝင်တာမို့ အသားအရေ ကောင်းမွန်ဖို့ အတွက်လည်း
အထောက် အကူ ပေးပါတယ်။ ကင်ဆာရောဂါ ဖြစ်ပွားခြင်း ကိုလည်း ကာကွယ် ပေးပါတယ်။
တကယ်လို့ သင်ဟာ ဝမ်းချုပ် တတ်သူ တစ်ယောက် ဆိုရင်တော့ မုန်လာဥနီ အစိမ်းကို
တို့စရာ၊ ဒါမှမဟုတ် ဒီအတိုင်း ကိုက်စားပေးပါ။ အကျိုး ရှိပါလိမ့်မယ်။
မုန်လာဥနီ
ဖျော်ရည်ကို နွေရာသီ အချိန်မှာ သောက်သုံး ပေးမယ်ဆိုရင် နေလောင်ဒဏ်ကြောင့်
အသားအရေ ပျက်စီးခြင်းကို ထိန်းပေး ပါလိမ့်မယ်။ သင့်ခန္ဓာကိုယ် အတွက်
အင်အားတွေ တိုးစေပါ လိမ့်မယ်။ မုန်လာဥနီဟာ တကယ့်ကို စားကောင်းတဲ့ အစားအစာ
တစ်ခုပါ။ မုန်လာဥ ဖျော်ရည်သာမက မုန်လာဥနီကို အစိမ်းပဲ ဖြစ်ဖြစ်၊ ဟင်းအဖြစ်
ချက်စားတာမျိုးပဲ ဖြစ်ဖြစ် စားသုံးသင့် ပါတယ်လို့ အကြံကောင်းလေး
ပေးလိုက်ပါရစေ။
မြ၀တီ
No comments:
Post a Comment