Monday, November 16, 2015
နက်ရှိုင်း အမြစ်တွယ်နေတဲ့ ပြည်တွင်းအခွန်ဦးစီးဌာန လာဘ်ပေးလာဘ်ယူ ပြဿနာ
အဂတိလိုက်စားရေးနဲ့ ပတ်သက်ပြီး မန္တလေးက ထွက်ပေါ်လာတဲ့ သတင်းတစ်ပုဒ်ဟာ အလွန် စိတ်ဝင်စားဖို့ ကောင်းပါတယ်။ မြို့နယ် အခွန်ဦးစီးဌာန စာရေး တစ်ယောက်ဟာ အိမ်ခြံမြေ တန်ဘိုးဖြတ် မယ့်ကိစ္စ တစ်ခုအတွက် ကျပ်သိန်း ၁၃၀၀ ကျော် လာဒ်ငွေ ယူခဲ့တယ်လို့ ဆိုပါတယ်။ ဒါပေမယ့် တကယ့်လက်တွေ့ အခွန်ဆောင်ဖို့ ညွှန်ကြားချက် ထွက်လာတဲ့အခါ လာဘ်ငွေပေးထားသူနဲ့ ညှိနှိုင်းထား တဲ့အတိုင်း မဟုတ်ဘဲ တန်ဘိုးများနေတဲ့အတွက် အခွန်ထမ်းက စာရေးကြီးကို ငွေပြန်ရလိုကြောင်း တောင်းဆိုပါတယ်။ စာရေးကြီးက အဲဒီငွေတွေကို အထက်အရာရှိတွေဆီ ခွဲဝေပေးလိုက်ပြီဖြစ်တဲ့ အတွက်ပြန်မပေးနိုင်တော့ဘူးလို့ ဆိုပါတယ်။ ဒီအခါ အခွန်ထမ်းက သူ့ငွေတွေကို လိမ်လည် ရယူခဲ့တယ် ဆိုပြီး လိမ်လည်မှု ပုဒ်မ ၄၂၀ နဲ့ တရားစွဲပါတယ်။ အခု အဲဒီ ကိစ္စ ဌာနဆိုင်ရာ စုံစမ်းစစ်ဆေးမှုပါ ပါဝင်လာပြီး သူ့ကို ဌာနက အရေးယူဖို့ လုပ်ပါတယ်။ ဒီ ကိစ္စနဲ့ ပတ်သက်ပြီး လာဘ်ယူမှု ဖြစ်ကြောင်းကုန်စင် ဖော်ထုတ်ဖို့ သတင်းစာ ရှင်းလင်းပွဲ တစ်ခု ကျင်းပဖို့ စီစဉ်ပြီးကာမှ သူ့ဌာနက သူ့ကို အာမခံ မရနိုင်တဲ့ ပုဒ်မ ၄၀၆ နဲ့ စွဲပြီး အချုပ်ထဲ ထည့်လိုက်တဲ့ ဖြစ်စဉ်ပါ။ ဒီကနေ့ အဲဒီအကြောင်း ဆွေးနွေးကြည့်ရအောင်ပါ။
ဒီချုပ် ရွေးကောက်ပွဲနိုင်ခြင်း၏ကောင်းကျိုး ပြည်ပရောက်မြန်မာလုပ်သားများ စတင်ခံစားရ
ရွေးကောက်ပွဲတွင် ဒေါ် အောင်ဆန်းစုကြည်၏အမျိုးသား ဒီမိုကရေစီအဖွဲ့ချုပ်အနိုင်ရရှိမှု ကြောင့် ဒေသတွင်းနိုင်ငံများသို့ သွားရောက် အလုပ်လုပ်ကိုင်နေ သော မြန်မာလုပ်သားများအပေါ် အလုပ်ရှင်များက ပြောဆိုဆက် ဆံမှုပြောင်းလဲလာပြီး လုပ်အားခ လစာ တိုးမြှင့်ပေးမှုများ ရှိနေ ကြောင်း သတင်းရရှိသည်။
မြန်မာနိုင်ငံသား အများ စုသွားရောက်လုပ်ကိုင်နေသော ထိုင်း၊ မလေးရှားနှင့် စင်ကာပူ နိုင်ငံတို့မှ အလုပ်ရှင်များက ဒီချုပ်အနိုင်ရရှိသွားကြောင်း သိရှိ၍ မြန်မာ လုပ်သားများအပေါ် ဂုဏ်ပြုစကားများ ပြောကြားပြီး ဆက်ဆံမှုများလည်း ပြောင်းလဲလာခဲ့ကြောင်း ယင်းနိုင်ငံများသို့ သွားရောက် လုပ်ကိုင်နေသောမြန်မာ လုပ်သားများက ပြောသည်။
‘‘အစ်မတို့ သူဌေးဆိုရင် ဂုဏ်ယူကြောင်း ခဏခဏ လာ ပြောတယ်။ အားလုံးကလည်း ဆက်ဆံရေး တစ်မျိုးပြောင်းလာ တယ်။ အရင်တုန်းက မြန်မာဆို ရင် မသိဘူး။ အခု အမေစုနိုင်မှ သိသွားကြတာ။ လစာတို့၊ အချိန် ပိုကြေးတို့ တိုးပေးကြတာတွေရှိ တယ်။ အစ်မတို့ ထင်တာတော့ အမေစုမျက်နှာကြောင့်လို့ ထင် တယ်။ နောက်ပြီးပြောကြတယ်။ မေးကြတယ်ပေါ့။ နင်တို့ ဒေါ် အောင်ဆန်းစုကြည်နိုင်သွားတော့ ပြန်ကြမှာပေါ့။ ပြန်မှာလားလို့မေး ကြတယ်။ ငါတို့ကလည်း အလုပ် သက်တမ်းကုန်ရင် ငါတို့နိုင်ငံပဲ ပြန်ကြမှာပေါ့။ ဒီမှာနေတယ်ဆို တာလည်း ခဏပဲနေတာပေါ့လို့ ပြောကြတယ်။ သူတို့ကလည်း ပြောကြတယ်။ နောက်ဆိုရင် နင် တို့နိုင်ငံကို ငါတို့အလုပ်လာလုပ်ရ မှာလို့ပြောတယ်’’ ဟု စင်ကာပူရှိ အိမ်တွင်းမှုသင်တန်းနှင့် အလှ အပဆိုင်ရာ ဖန်တီးမှုသင်တန်း ကျောင်း၌ အလုပ်လုပ်ကိုင်နေသူ မအိမ့်သဉ္ဇာထွန်းက ပြောကြားသည်။
ငြိမ်းချမ်းရေးကို ကုန်ပစ္စည်းလို ဈေးဆစ်လာပြန်တဲ့ TNLA
အစိုးရသဘောထားပျော့ပျောင်းတာကို အခွင့်ကောင်းယူပြီး TNLA ဟာ NCA မထိုးတဲ့အဖွဲ့တွေဘက်မှာ ရပ်တည်ခဲ့တာဖြစ်ပါတယ်။ အခု NLD အစိုးရနဲ့ ငြိမ်းချမ်းရေးဆွေးနွေးဖို့ အသင့်ဖြစ်နေပြီ ဆိုလာတော့ တတ်လည်းတတ်နိုင်တဲ့ သူပုန်အဖွဲ့ပါပဲလို့ မှတ်ချက်ပြုမိပါတယ်။ ရလေလိုလေ အိုတစ္ဆေဆိုတဲ့ ကိန်း TNLA ဆိုက်နေပါပြီ။ တစ်နည်းအားဖြင့် ငြိမ်းချမ်းရေးကို ကုန်ပစ္စည်းလို ဈေးဆစ်နေတဲ့သဘော ဖြစ်နေပါတယ်။ တစ်ခုသိထားရမှာက TNLA အနေနဲ့ နောက်တက်လာမယ့်အစိုးရကို လေဖမ်းဒန်းစီးပြီး မျက်နှာလို မျက်နှာရ ပြောနေပေမယ့် ပြည်တွင်းငြိမ်းချမ်းရေးဖြစ်စဉ်ထဲမှာ ထဲထဲဝင်ဝင်ပါနေတဲ့ တပ်မတော်က TNLA အကြောင်း အူမချေးခါးသိနေတယ်ဆိုတာပါပဲ။
ပြည်မြို့တစ်ဖက်ကမ်း ပရဟိတတောင်ကုန်းတွင် ဘာသာပေါင်းစုံငြိမ်းချမ်းရေးကျောက်စာတိုင် စိုက်ထူ
ပြည်မြို့တစ်ဖက်ကမ်း ပန်းတောင်းမြို့နယ် ရွှေဘုံသာ ကျေးရွာအုပ်စုရှိ ပရဟိတတောင် ကုန်းပေါ်တွင် နိုဝင်ဘာ ၁၅ ရက်က ဘာသာပေါင်းစုံငြိမ်းချမ်းရေး ပရဟိတကျောက်စာတိုင် စိုက်ထူခဲ့ကြောင်း သတင်းရရှိသည်။
ကမ္ဘာ့နိုင်ငံအသီးသီးတွင် ငြိမ်းချမ်းစွာနေနိုင်ရေးအတွက် ရည်ရွယ်ပြီး နာရေးကူညီမှုအသင်း ရန်ကုန်ဥက္ကဋ္ဌ ဦးကျော်သူတည် ထားကိုးကွယ်သည့် မဟာပဏ္ဍိတ ပရဟိတ အောင်တော်မူစေတီ တော်မြတ်ကြီး၏ တောင်ဘက်ရှိ အောင်မြေ၌ ဘာသာပေါင်းစုံနှင့် ပရဟိတအသင်းအဖွဲ့များတက် ရောက်ဖွင့်လှစ်စိုက်ထူခဲ့ခြင်း ဖြစ် သည်။
‘‘မြန်မာနိုင်ငံတင်မကပါဘူး။ ကမ္ဘာ့နိုင်ငံအသီးသီးက လူတွေဟာ ဗြဟ္မစိုရ်တရားတွေ ကင်းမဲ့ကြ တယ်။ စစ်ပွဲတွေ၊ လူမျိုးရေး၊ ဘာသာရေးပဋိပက္ခတွေဖြစ်ကြတယ်။ ဒါတွေ ငြိမ်းချမ်းဖို့အတွက် ကျောက်စာတိုင်လုပ်ဖို့ စဉ်းစားမိတယ်။ ဘုရားသခင်တိုင်းက ငြိမ်းချမ်းရေး ကို ချစ်တယ်။ လိုလားတယ်။ ဒါ ကြောင့် ဘာသာကြီးလေးမျိုးက ဘုရားသခင်တွေရဲ့ စကားကိုလိုက်နာပြီး ငြိမ်းချမ်းရေး ကျောက်စာတိုင်စိုက်ထူတာဖြစ်တယ်’’ဟု ဦးကျော်သူက ဆက်လက်ပြော ကြားသည်။
အိုင်အက်စ် ဌာနချုပ်ရှိရာ ရက္ကာမြို့တွင် ပြင်သစ် တိုက်လေယာဉ်များ ဗုံးကြဲ
လူပေါင်း ၁၂၉ ဦး သေဆုံးခဲ့သည့် ပါရီ အကြမ်းဖက်မှုကြီးကို မိမိတို့ ကြိုးကိုင် စီမံခဲ့ကြောင်း အိုင်အက်စ်တို့က ကြေညာခဲ့ပြီးနောက် ပြင်သစ် လေတပ်က ဗုံးမိုးရွာပြီး လက်တုံ့ပြန်ခဲ့ခြင်း ဖြစ်သည်။ ပြင်သစ် သမ္မတ
ဖရန်ဆွာဟော်လန်းက ပါရီကို အကြမ်းဖက် တိုက်ခိုက်မှုသည် မိမိတို့ကို စစ်ကြေညာခြင်းဟု ယူဆကြောင်း ကြေညာထားသည်။
ရက္ကာမြို့သည် အိုင်အက်စ်တို့ သိမ်းပိုက်ထားသည့် နယ်မြေများကို စုစည်းပြီး ကိုယ်ပိုင်နိုင်ငံ ထူထောင်ထားရာတွင် မြို့တော်အဖြစ် သတ်မှတ်ထားသည့် နေရာဖြစ်ပြီး ဂျီဟတ်ဝါဒီ အကြမ်းဖက် အဖွဲ့၏ အဓိက အကျဆုံး ခြေကုပ်စခန်း နေရာလည်း ဖြစ်သည်။ ရက္ကာကို ပြင်သစ် လေတပ်က ဗုံးကြဲခဲ့ရာတွင် ကွပ်ကဲရေး စခန်းတစ်ခု၊ လူသစ် စုဆောင်းရေးစခန်း၊ လက်နက်သိုလှောင်ရုံ၊ စစ်သင်တန်းကျောင်း တစ်ခုတို့ကို ပစ်မှတ်ထား တိုက်ခိုက်ခဲ့ကြောင်း ပြင်သစ် ကာကွယ်ရေး ဝန်ကြီးဌာနမှ အကြံပေး အရာရှိ မစ်ခေးလ် ဆိုရီရာက ပြောကြားခဲ့သည်။
နိုဝင်ဘာ ၁၅ ရက် တိုက်ခိုက်မှုတွင် တိုက်လေယာဉ် ၁၀ စီး အပါအဝင် လေယာဉ် ၁၂ စီးကို အသုံးပြုခဲ့ကြောင်းလည်း ဆိုရီရာက ဆိုသည်။ စစ်ဆင်ရေးတွင် ဗုံးအလုံးပေါင်း ၂၀ ကို ကြဲချခဲ့ပြီး ရည်စူးပစ်မှတ်အားလုံးကို ဖျက်ဆီးနိုင်ခဲ့ကြောင်းလည်း သိရသည်။
ပါရီအကြမ်းဖက်မှုအပြီး လွတ်မြောက်နေသည့် သံသယ တရားခံများကို ခြေရာခံ ရှာဖွေနေ
နိုဝင်ဘာ ၁၃ ရက် ညပိုင်းက ပါရီရှိ နေရာအတော်များများတွင် အကြမ်းဖက်သမားများက ကွန်မန်ဒိုဆန်ဆန် အသေခံ စီးနင်းတိုက်ခိုက်ခဲ့ရာ လူပေါင်း ၁၂၉ ဦး အသက်ဆုံးရှုံးခဲ့သည်။ အစောပိုင်းက အသေအပျောက် ပမာဏ ၁၅၀ ကျော် ရှိခဲ့ကြောင်း သတင်းများ ထွက်ပေါ်ခဲ့သော်လည်း နောက်ပိုင်းတွင် ၁၂၉ ဦး သေဆုံးကြောင်း ပြင်သစ် အစိုးရက အတည်ပြုခဲ့သည်။
ပြင်သစ် ရဲတပ်ဖွဲ့သည် အသက် ၂၆ နှစ်အရွယ် ဆာလား အက်ဘ်ဒီဆာလမ်ကို ယခု အကြမ်းဖက်မှု၏ အဓိက တရားခံအဖြစ် အစောပိုင်းက ယူဆခဲ့သည်။ တိုက်ခိုက်မှု ဖြစ်ပွားပြီး နာရီအနည်းငယ်အကြာ နိုဝင်ဘာ ၁၄ ရက်တွင် ၎င်းကို ကားတစ်စီးထဲတွင် ရဲတပ်ဖွဲ့က ရှာဖွေ တွေ့ရှိခဲ့သော်လည်း နောက်ပိုင်းတွင် လွတ်မြောက်သွားခဲ့သည်။
Subscribe to:
Posts (Atom)