အိမ်ထောင်စုဇယား အချက်အလက်များကို ထည့်သွင်းထားရုံဖြင့် နိုင်ငံသား စိစစ်ရေးကတ်ပြား ပြုလုပ်မည့်အချိန်ကို သိနိုင်

အိမ်ထောင်စုဇယား (ပုံစံ-၁၇)ရှိ အချက်အလက်များကို ထည့်သွင်းထားရုံဖြင့် နိုင်ငံသားစိစစ်ရေးကတ်ပြား (မှတ်ပုံတင်) ပြုလုပ်ရမည့်အချိန်ကိုသိရှိနိုင်မည့် E – File System Software ကို သြဂုတ်လကုန်ပိုင်းတွင် စတင်အသုံးပြုနိုင်တော့မည်ဖြစ်ကြောင်း မန္တလေးတိုင်းလူဝင်မှုကြီးကြပ်ရေး နှင့် အမျိုးသားမှတ်ပုံတင်ရေး ဦးစီးဌာနမှ တိုင်းဦးစီးမှူး ဦးသောင်းဇော်က မဇ္ဈိမကို ပြောသည်။“ဆယ်နှစ်၊ ဆယ့်ရှစ်နှစ် မှတ်ပုံတင်လုပ်ဖို့ကို ရပ်ကွက်က ပြောစရာမလိုတော့ဘဲ ဆာဗာမှာတစ်လတစ် ကြိမ် အဆင့်မြှင့်တင်မှုလုပ်တာနဲ့ ဘယ်ရပ်ကွက်မှာတော့ မှတ်ပုံတင်လုပ်ပေးဖို့လိုပြီဆိုတာကို အချက်ပေး မဲ့ ဆော့ဝဲလ်တစ်မျိုးပါပဲ”ဟု ၎င်းက ရှင်းပြသည်။အိမ်ထောင်စုဇယားတွင် ပါဝင်သောမိသားစုဝင်များ၏ အသက်၊ နေရပ်လိပ်စာ စသည့်အချက်အလက်များ ကို ကွန်ပျူတာဆာဗာတွင် ဒေတာသွင်းထားပြီး ဆာဗာမှတစ်လတစ်ခါ အဆင့်မြှင့်တင်မှုပြုလုပ်ပြီး မြို့နယ် အလိုက် မှတ်ပုံတင်ပြုလုပ်ရမည့် အချိန်ကိုသိရှိနိုင်မည့် E – File System အမည်ရှိဆော့ဝဲလ်ကို စင်ကာပူ နိုင်ငံ အခြေစိုက်ကုမ္ပဏီတစ်ခုဖြစ်သည့်  East Wind Solutions က မန္တလေးတိုင်းအတွက် ရေးဆွဲပေးခြင်း ဖြစ်သည်ဟုဆိုသည်။ဆော့ဝဲလ်ရရှိပြီးပါက မန္တလေးတိုင်းအတွင်းရှိ မြို့နယ်၂၈ ခုတွင် ၎င်းကို အသုံးပြုသွားမည်ဖြစ်ပြီး တစ်လ တစ်ကြိမ်အဆင့်မြင့်တင်မှု ပြုလုပ်သွားမည်ဖြစ်ပြီး ၎င်းမှရရှိသည့် အချက်အလက်များအတိုင်း မှတ်ပုံတင် ပြုလုပ်ရန် ကျန်ရှိသေးသည့် မြို့နယ်အတွင်းရှိ ရပ်ကွက်များကို လိုက်လံဆောင်ရွက်ပေးသွားမည်ဖြစ်သည်။

ရာအိမ်မှူး ပါဝင်သည့် လူ ၂၀ ကျော်က ဓားများကိုင်ဆောင်၍ တရားမဟောရန် ခြိမ်းခြောက်

မန္တလေးတိုင်း၊ သပိတ်ကျင်းမြို့နယ်၊ ၀က်သေကျေးရွာတွင် ဇူလိုင်လ ၂၅ ရက်က ပြုလုပ်သည့်တရားပွဲသို့ တရားလာ ဟောသော ရေပူဆရာတော်၏ ကားကို ရာအိမ်မှူး ပါဝင်သောလူ၂၀ ဦးကျော်က ဓားများကိုင် ဆောင်၍ တရားမဟော ရန်ခြိမ်းခြောက်တား မြစ်ခဲ့သည်ဟု ရေပူဆရာတော် ဦးဣန္ဒက မဇ္ဈိမကို မိန့်ကြား သည်။ထိုသို့ အကြမ်းဖက်ခြိမ်းခြောက်မှုများ လုပ်ရာတွင် ဓားကိုင်ပါဝင်သူများထဲတွင် ၀က်သေကျေးရွာမှ ရာအိမ် မှူး ကိုယ်တိုင်ပါဝင်နေသည်ဟုဆိုသည်။တရားပွဲကျင်းပရန်အတွက် မြို့နယ်သံဃနာယအဖွဲ့နှင့် မြို့နယ်အာဏာပိုင်များထံတွင်တရားဝင်စာတင် ခွင့်ပြုမိန့်ယူ၍ ရွာသူရွာသားများက ဦးဆောင်ပြုလုပ်ခြင်း ဖြစ်သည်ဟုဆိုသည်။“ကျွန်တော်တို့ သွားတိုင်တယ်။ သွားတိုင်တော့ လက်နက်ကိုင်ဆောင်ခြိမ်းခြောက်နေတဲ့ သူတွေဘယ်သူ လည်း ဘယ်ကလည်း ဘာဖြစ်တာလည်း မမေးဘဲ။မင်းတို့ဆရာတော်က ဘယ်ကလည်း ဘယ်နှစ်ပါးကြွ လာတာလည်း ဒါပဲမေးတယ်။ ဒါကို ရွာကလူတွေက မသင်္ကာဘူးဖြစ်နေတယ်။ သူတို့ ပါဝင်ပတ်သက်နေ တယ်လို့ ယူဆနေကြတယ်။ ဘာဖြစ်လို့လည်းဆိုတော့ မဖြစ်အောင်တားဆီးပေးဖို့ လာအကူအညီတောင်း တိုင်ကြားတာကို ဘာမှလုပ်မပေးတာ ဟာသေချာတယ်။ ပဋိပက္ခဖြစ်အောင် လုပ်တာပဲ”ဟု ၀က်သေကျေးရွာ မှ ကိုလွမ်းမောင်က ပြောသည်။

စိုးရိမ်စရာ အီဘိုလာ ဗိုင်းရပ်စ် ( Ebola Virus )

ကမ္ဘာကြီးမှာ ကပ်ရောဂါလို စိုးရိမ်စရာဖြစ်လာနေတာကတော့ အီဘိုလာ ဗိုင်းရပ်စ် ပြန့်ပွားလာမှုပါဘဲ။ ကမ္ဘာ့ ကျန်းမာရေး ဌာန WHO ကတော့ အရမ်းမြန်ဆန်တဲ့ နှုန်းနဲ့ ဗိုင်းရပ်စ်ပြန့်ပွားနေပြီး အန္တရာယ်ရှိတဲ့ အခြေအနေ
ရောက်နေတယ်လို့ပြောနေပါပြီ။
အခုနောက်ဆုံး သတင်းတွေအရ အနောက်အာဖရိကမှာ အီဘိုလာ ဗိုင်းရပ်စ်ကြောင့် သေဆုံးသူ စုစုပေါင်း ၇ဝဝ ဝန်းကျင် ရှိလာနေပြီလို့ သိရတယ်။

ဟင်္သာတမှာ ကျောင်းသားမိဘတွေ ဆန္ဒပြမယ်

ကျောင်းသားတွေ ဆန္ဒပြမယ် ဆိုတာ ကြားရတတ်တဲ့သတင်းဆိုပေမယ့် ကျောင်းသားမိဘတွေ ဆန္ဒပြမယ် ဆိုတာကိုတော့ ကြားဖူးကြမယ် မဟုတ်ပါဘူး။ဟင်္သာတမြို့မှာတော့ ကျောင်းသားမိဘတွေ ဆန္ဒပြဖို့ ပြင်ဆင်နေကြပါပြီ။
ဒီအကြောင်း ဧရာဝတီတိုင်းဒေသကြီးအခြေစိုက် သတင်းထောက် ဆလိုင်းသန့်စင်က  သတင်းပေးပို့ထားပါတယ်။
 ပညာရေးဌာနတာဝန်ရှိသူတွေရဲ့ လုပ်ကိုင်ဆောင်ရွက်မှုတွေအပေါ် ကျေနပ်မှု မရှိတဲ့အတွက်  ကျောင်းသားမိဘတချို့က ဟင်္သာတခရိုင် ပညာရေးမှူး၊  မြို့နယ် လက်ထောက်ပညာရေးမှူး၊ သုံးခွကျေးရွာအလယ်တန်းကျောင်းက ဆရာမ ၃ ဦးကို ဆန္ဒပြဖို့ စီစဉ်နေကြောင်း သိရပါတယ်။ဟင်္သာတမြို့နယ် တံတားဦးကျေးရွာအုပ်စု သုံးခွကျေးရွာအလယ်တန်းကျောင်းခွဲမှာ တာဝန်ကျနေတဲ့ ဆရာမ ၃ ဦးဟာ ကျောင်းသားတွေအပေါ် ဂရုတစိုက် စာပေသင်ကြားမှုနည်းပါးတယ်၊
 ကျောင်းပျက်တယ်၊ ကျောင်းချိန်နောက်ကျတယ်၊  လုပ်ဖော်ကိုင်ဖက် ဆရာ၊ ဆရာမများအပေါ် တင်းမာစွာ ပြောဆိုဆက်ဆံတယ်လို့ ဆန္ဒပြဖို့ ပြင်နေသူတွေက ပြောပါတယ်။ဒီဆရာမ ၃ ဦးကို အရေးယူဖယ်ရှားပေးဖို့ ကျောင်းသားမိဘတွေက ၂၀၁၃ ခုနှစ်ကတည်းက သက်ဆိုင်ရာ တိုင်းပညာရေးမှူးနဲ့ ဧရာဝတီတိုင်းအစိုးရအဖွဲ့အထိ တိုင်ကြားပေမယ့် အခုချိန်အထိ တစုံတရာအရေးယူဖယ်ရှားခြင်းမရှိတဲ့အတွက် ဆန္ဒဖော်ထုတ်ဖို့ စီစဉ်ရတာဖြစ်တယ်လို့ ကျောင်းအကျိုးတော်ဆောင်အဖွဲ့က ပြောပါတယ်။

အော်ရီဒူးဖုန်း မြို့ ၆၈ မြို့အသုံးပြုနိုင်မည်

အော်ရီဒူးဖုန်းကွန်ယက် ၀န်ဆောင်မှုကို ယခုလ ၁၅ ရက်နောက်ပိုင်းမှစ၍ လက်ရှိ ၀န်ဆောင်မှုရနေသည့် ရန်ကုန်၊ မန္တလေးနှင့် နေပြည်တော်မြို့များအပြင် ပြည်၊ မိထ္ထီလာ၊ မကွေးမြို့အပါအဝင် မြို့ ၆၈ မြို့တွင် အသုံးပြုနိုင်သွားမည်ဖြစ်ကြောင်း သိရသည်။
သြဂုတ် ၂ ရက်နေ့က ရန်ကုန်မြို့ ဆူးလေရှန်ဂရီလာဟော်တယ်တွင် ပြုလုပ်ခဲ့သည့် အူရီဒူး၏ သတင်းစာ ရှင်းလင်းပွဲတွင် အထက်ပါအတိုင်း ကြေညာခဲ့ခြင်းဖြစ်သည်။ အော်ရီဒူး၏ အမှုဆောင်အရာရှိချုပ် Mr.Ross Cormack က “အခု ကွန်ယက်ဖြန့်ကျက်တဲ့ ဒေသတွေကို ကျော်လွန်ပြီး သြဂုတ် ၁၄ ရက်နောက်ပိုင်းကနေ စတင်ပြီး ပြည်၊ မကွေး၊ မိထ္တီလာ အပါအ၀င် မြို့ပေါင်း ၆၈ မြို့မှာ လူများနိုင်သလောက်များများကို နောက်ဆုံးပေါ်နည်းပညာက ရတဲ့ ၀န်ဆောင်မှုတွေကို ပေးနိုင်သွားမှာ ဖြစ်ပါတယ်” ဟု ပြောသည်။
၎င်းတို့၏ စာရင်းအရ လက်ရှိဝန်ဆောင်မှုရနေသော ရန်ကုန်တိုင်းဒေသကြီး၊ မန္တလေးတိုင်းဒေသကြီးနှင့် နေပြည်တော်တို့မှ မြို့များအပြင် မကွေးတိုင်းဒေသကြီး၊  စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ ပဲခူးတိုင်းဒေသကြီး အရှေ့နှင့်အနောက်၊ ကရင်ပြည်နယ်နှင့် မွန်ပြည်နယ်ရှိမြို့များ ပါရှိကြောင်း သိရသည်။ ယခုနှစ် အကုန်တွင် လူဦးရေ စုစုပေါင်း သန်း ၆၀ တွင် ၂၅ သန်းထံ ဖုန်းကွန်ရက် ရောက်နိုင်မည်ဖြစ်ပြီး ၅ နှစ်အတွင်း ၉၇ ရာခိုင်နှုန်းထံ ရောက်ရှိမည်ဟုလည်း ကြေညာသည်။

ကျောင်းပြင်ပ မူလတန်းပညာရေး အစီအစဉ်မှတစ်ဆင့် အတန်းကျောင်းပညာရေး အထက်တန်းအဆင့် စတင်ချိတ်ဆက် တက်ရောက်နိုင်သူ ယခုပညာသင်နှစ်၌ ငါးဦးရှိ

ကျောင်းပြင်ပ မူလတန်းပညာရေး အစီအစဉ်မှတစ်ဆင့် အတန်းကျောင်းပညာရေး အထက်တန်းအဆင့်သို့ ၂၀၁၄-၂၀၁၅ ပညာသင်နှစ်၌ စတင်ချိတ်ဆက် တက်ရောက်နိုင်သူ ငါးဦးရှိနေပြီဖြစ်ကြောင်း သိရသည်။အဆိုပါ ကျောင်းပြင်ပ မူလတန်းပညာရေးကို ပညာရေးဝန်ကြီးဌာန၊ ယူနီဆက် (မြန်မာ)၊ မြန်မာနိုင်ငံ စာတတ်မြောက်ရေး အထောက်အကူပြု ပင်မဌာနနှင့် စေတနာရှင် အလှူရှင်များပူးပေါင်း၍ အသက် ၁၀ နှစ်မှ ၁၄ နှစ်အတွင်း အကြောင်းအမျိုးမျိုးကြောင့် ပညာသင်ကြားမှုအခွင့်အရေး ဆုံးရှုံးနေကြသည့် ကလေးလူငယ်များ ပညာသင်ကြားနိုင်ရေး၊ ထိုမှတစ်ဆင့် အတန်းကျောင်းပညာရေးနှင့် ချိတ်ဆက်တက်ရောက်ခွင့် ရရှိနိုင်စေရေးအတွက် အကောင်အထည်ဖော် ဆောင်ရွက်သည့် အစီအစဉ်တစ်ခုဖြစ်သည်။“ကျောင်းပြင်ပ မူလတန်းပညာရေး အစီအစဉ်ကနေ အတန်းကျောင်းပညာရေး အလယ်တန်းအဆင့်ကို ချိတ်ဆက်တက်ရောက်နိုင်သူက ဒီနှစ်မှာ ၃၀ ရာခိုင်နှုန်းကျော် ရှိနေပါပြီ။ ဒီနှစ် ပညာသင်နှစ်မှာလည်း အထက်တန်းအဆင့်မှာ တက်ရောက်နေသူ ငါးဦးရှိနေပါပြီ။ သက်ဆိုင်ရာ တိုင်းဒေသကြီးနဲ့ ပြည်နယ်အလိုက် အခြေခံပညာကျောင်းတွေမှာ တက်ရောက်သင်ကြားနေကြပါတယ်” ဟု မြန်မာနိုင်ငံ စာတတ်မြောက်ရေး အထောက်အကူပြု ပင်မဌာန (MLRC)၊ ကျောင်းပြင်ပ မူလတန်းပညာရေး (NFPE) ၏ ဗဟိုညှိနှိုင်းရေးမှူး ဦးအေးကြိုင်က ဆိုသည်။

တာမွေတရားရုံးတွင် စစ်ဆေးနေသော လန်ဒန်ဆရာတော်တို့၏ အမှုအား ရန်ကုန်တိုင်းဒေသကြီး တရားလွှတ်တော်နှင့် အရှေ့ပိုင်းခရိုင်တရားရုံးသို့ တင်သွင်းထားသောကြောင့် ငါးကြိမ်မြောက်ရုံးချိန်းကို စစ်ဆေးခြင်းမရှိခဲ့

တာမွေတရားရုံးတွင် စစ်ဆေးနေသော လန်ဒန်ဆရာတော် အပါအဝင် သံဃာငါးပါး၏အမှုအား ရန်ကုန်တိုင်းဒေသကြီး တရားလွှတ်တော်နှင့် ရန်ကုန်အရှေ့ပိုင်းခရိုင် တရားရုံးသို့ ပြင်ဆင်မှုတင်သွင်း ထားသောကြောင့် ၂ဝ၁၄ ခုနှစ် ဩဂုတ် ၁ ရက်တွင် တာမွေတရားရုံး၌ ငါးကြိမ်မြောက်ရုံးချိန်းကို စစ်ဆေးခြင်း မရှိခဲ့ကြောင်း သိရသည်။  လန်ဒန်ဆရာတော် အပါအဝင် သံဃာငါးပါးအား တိုင်းသာသနာရေးမှူးက စွဲဆိုထားသည့် အမှုနှစ်မှုအနက် သာသနာတော် ညှိုးနွမ်းစေမှု ပုဒ်မ ၂၉၅ (က)အား ချေဖျက်ပေးရန် လန်ဒန်ဆရာတော်က ရန်ကုန်တိုင်းဒေသကြီး တရားလွှတ်တော်သို့ တင်သွင်းထားကြောင်း သိရသည်။ထို့အပြင် တရားစွဲဆိုခံရသည့် သံဃာငါးပါးအနက်မှ အမှတ် ၃ ဆရာတော်၏ရှေ့နေမှ ပီနန်ဆရာတော်ဘုရားကြီး၏ သက်သေခံစာကို တင်သွင်းရာတွင် တာမွေတရားရုံးမှ လက်မခံသည့်အတွက် ရန်ကုန်အရှေ့ပိုင်းခရိုင် တရားရုံးသို့ ပြင်ဆင်မှု တင်သွင်းထားကြောင်း သိရသည်။“အမှုနှစ်မှုလုံးက ခရိုင်တရားရုံးနဲ့ တရားလွှတ်တော်တို့က အဆုံးအဖြတ်ပေးတာကို စောင့်ဆိုင်းရမှာဖြစ်တဲ့အတွက် အမှုနှစ်ခုလုံးကို ဩဂုတ် ၁၅ ရက်ကို ပြောင်းရွှေ့ချိန်းဆို ထားပါတယ်” လန်ဒန်ဆရာတော်၏ ရှေ့နေဦးနေလက ပြောကြားသည်။

အစိုးရသတင်းစာ မြန်မာ့အလင်းနှင့် အင်တာနက်ဝက်ဘ်ဆိုက်များတွင် ဖော်ပြခဲ့သည့် “ထိုင်းရှိ မြန်မာအလုပ်သမား ၂၆ ဦးမှာ လစာမရ၍ သစ်ရွက်ပြုတ် စားနေရသည့်သတင်း” မဟုတ်မှန်ကြောင်း အေဂျင်စီနှင့် အလုပ်သမားများ ရှင်းလင်း

အစိုးရပိုင် မြန်မာ့အလင်းသတင်းစာ အပါအဝင် ရွှေလုပ်သား၊ သစ်ထူးလွင်၊ ရွှေမြန်မာဂရု စသည့်အင်တာနက် သတင်းဝက်ဘ်ဆိုက်များတွင် ဖော်ပြခဲ့သည့် “ထိုင်းရှိ မြန်မာအလုပ်သမား ၂၆ ဦးမှာ လစာမရ၍ သစ်ရွက်ပြုတ် စားနေရသည့်သတင်း” မှာ မဟုတ်မှန်ကြောင်း ဩဂုတ် ၁ ရက်တွင် သက်ဆိုင်ရာအေဂျင်စီနှင့်အတူ ကာယကံရှင် အလုပ်သမားများက သတင်းစာ ရှင်းလင်းပွဲ ပြုလုပ်ခဲ့သည်။အဆိုပါသတင်းစာ ရှင်းလင်းပွဲကို ဩဂုတ် ၁ ရက် မွန်းလွဲတစ်နာရီက ရန်ကုန်မြို့၊ ဗဟန်းမြို့နယ်၊ ရွှေဂုံတိုင် ရှိ ယုဇနဟိုတယ်တွင် ကျင်းပပြုလုပ်ခဲ့ခြင်းဖြစ်သည်။ရွှေရည်ဖြိုးအောင်အေဂျင်စီမှ စေလွှတ်ခဲ့သည့် မြန်မာ အလုပ်သမား၂၆ ဦးနှင့်ပတ်သက်၍ ထိုင်းနိုင်ငံရောက် မြန်မာအလုပ်သမားအဖွဲ့(MAT) အမည်ဖြင့် အလုပ်သမား ၂၆ ဦးကို အလုပ်သမားစေလွှတ်ခွင့် ကန့်သတ်ထားသည့် ထိုင်းနိုင်ငံတောင်ပိုင်း မူစလင်လူမျိုးများ ကြီးစိုးရာနယ်မြေ စတုံမြို့သို့ ပို့ဆောင်ခဲ့ခြင်း၊ လစာငွေဖြတ်တောက်ခံရခြင်း၊ လုပ်ခလစာမရသည့်အတွက် သစ်ရွက်ပြုတ်စားနေရခြင်း အပါအဝင် အချက်ငါးချက်ဖြင့် သံရုံးသို့ တိုင်ကြားစာပေးပို့ ခဲ့ခြင်းဖြစ်ကြောင်း သိရသည်။

မိုးကောင်းသစ်ဆိပ်ဝင်း အတွင်းမှ ပြောင်းရွှေ့ရမည့် ကျူးကျော်အိမ်ထောင်စု ၂၉၇ စုက ၎င်းတို့အား မြေနေရာ အစားပြန်ပေးမှသာ ပြောင်းရွှေ့နိုင်မည်ဟုဆို

အလုံမြို့နယ် စောရန်ပိုင် အနောက်ရပ်ကွက် မိုးကောင်းသစ်ဆိပ်ဝင်း အတွင်း၌ နှစ်ပေါင်းများစွာ နေထိုင်လာခဲ့ကြသည်ဟုဆိုသော အိမ်ထောင်စု ၂၉၇ စုမှ ၎င်းတို့အား ပြောင်းရွှေ့ခိုင်းပါက မြေနေရာ အစားပြန်လည်ပေးမှသာ ပြောင်းရွှေ့ပေးနိုင်မည်ဟု ဩဂုတ် ၁ ရက်က မြန်မာဂျာနယ်လစ် ကွန်ရက်ရုံးခန်းတွင် သတင်းစာရှင်းလင်းခဲ့သည်။၎င်းရပ်ကွက်မှာ အမှတ် (၂)မြန်မာ့သစ်လုပ်ငန်းတွင် လုပ်ကိုင်နေသည့် ဝန်ထမ်းမိသားစုများ စတင်နေထိုင်ရာမှ ရပ်ကွက်တစ်ခုအသွင် ဖြစ်ပေါ်လာပြီး မကြာသေးခင်က ဝန်ထမ်းလိုင်းခန်းများကို ဖျက်သိမ်းခဲ့ကာ တိုက်ခန်းနေရာ အစားပြန်ပေးခဲ့ပြီး ကျန်သည့်ဝန်ထမ်းမဟုတ်သည့် အိမ်ထောင်စုများ အပါအဝင် ပင်စင်မိသားစုများကို အဆိုပါနေရာမှ ဖယ်ရှားပေးရန် သက်ဆိုင်ရာနှင့် ဧဒင်ကုမ္ပဏီမှ တာဝန်ရှိသူများက ဇူလိုင် ၂၅ ရက်တွင် ခေါ်ယူညှိနှိုင်းခဲ့ပြီးနောက်တွင် ယခုလို သတင်းစာရှင်းခဲ့ခြင်းဖြစ်သည်။
၎င်းရပ်ကွက်တွင် ၁၂ နှစ်ကြာနေထိုင်နေသူ တစ်ဦးဖြစ်သည့် မတင်တင်အောင်က “ကျွန်မဒီဝင်းထဲမှာ နေလာတာ ၁၂ နှစ်ရှိသွားပါပြီ။ နှစ်ရှည်လများ နေလာတဲ့လူတွေကို ကျူးကျော်လို့သတ်မှတ်ပြီး နှင်ထုတ်တာက သဘာဝမကျပါဘူး။ ကျွန်မတို့က ကျူးကျော်မဟုတ်ပါဘူး။ ဒီဝင်းထဲမှာနေကြတဲ့ မြန်မာ့သစ်လုပ်ငန်းက ဝန်ထမ်းတွေရဲ့ သားသမီး အစွယ်အပွားတွေပါ။ အခုက ကျွန်မတို့ကို လျော်ကြေးသုံးသိန်းကနေ ငါးသိန်းအထိပဲပေးပြီး ပြောင်းခိုင်းတယ်။ ဘယ်လိုမှ မဖြစ်နိုင်ပါဘူး။ ကျွန်မတို့ကို နေစရာမြေ အစားပြန်ပေးမှ ပြောင်းပေးနိုင်မှာပါ။ ဒီလိုပြန်ပေးရင်တောင် ဝါတွင်းကာလဖြစ်တာရယ် ကလေးတွေ ကျောင်းတက်နေတုန်းဆိုတော့ ချက်ချင်းကြီးပြောင်းပေးလို့ကတော့ ဘယ်လိုမှမဖြစ်နိုင်ဘူး။ ပွင့်လင်းရာသီရောက်မှပဲ ဖြစ်နိုင်လိမ့်မယ်” ဟု ဆိုသည်။

ဂျာနယ်လစ်များ နစ်နာမှုမရှိစေရန် သမ္မတ၏ လုပ်ပိုင်ခွင့်အတွင်းမှ ဥပဒေကြောင်းအရမျှတစွာ ဆောင်ရွက်ပေးမည်ဟု စာနယ်ဇင်းကောင်စီ (ယာယီ) နှင့်တွေ့ဆုံစဉ် သမ္မတ ဦးသိန်းစိန်ပြောကြား

မီဒီယာနယ်ပယ်အတွင်း ကြုံတွေ့နေရသော ပြဿနာများ၊ အခက်အခဲများအားလုံးနှင့် ပတ်သက်၍ အထူးသဖြင့် အမှုဖွင့်၊ အရေးယူ၊ ပြစ်ဒဏ်ချမှတ်ခံထားရသော ဂျာနယ်လစ်များ နစ်နာမှုမရှိစေရန် သမ္မတ၏ လုပ်ပိုင်ခွင့်အတွင်းမှ ဥပဒေကြောင်းအရ မျှတစွာ ဆောင်ရွက်ပေးမည်ဟု စာနယ်ဇင်းကောင်စီ(ယာယီ)နှင့် တွေ့ဆုံချိန်၌ သမ္မတဦးသိန်းစိန်က ပြောကြားခဲ့သည်။
သို့သော် အဆိုပါ ဆောင်ရွက်ပေးမည်ဆိုသော ကိစ္စရပ်မှာ ကန့်သတ်ချက်ဖြင့် ပြောဆိုခဲ့ခြင်းဖြစ်ပြီး “အမှုဖွင့်၊ အရေးယူ၊ ပြစ်ဒဏ်ချမှတ်ခံနေရမှုများကို တရားစီရင်ရေးကဏ္ဍ၏ လွတ်လပ်စွာ ဆောင်ရွက်မှုအား မထိခိုက်စေသော နိုင်ငံတော်သမ္မတ၏ လုပ်ပိုင်ခွင့်အတွင်းမှ မီဒီယာသမားများ နစ်နာမှုမရှိစေရန် ဥပဒေကြောင်းအရ မျှတစွာ ဆောင်ရွက်ပေးသွားမည်” ဟု ပြောကြားခဲ့ခြင်းဖြစ်သည်။
သမ္မတ ဦးသိန်းစိန်နှင့် စာနယ်ဇင်းကောင်စီ(ယာယီ) တို့ တွေ့ဆုံမှုကို ဩဂုတ် ၁ ရက်က နေပြည်တော်ရှိ သမ္မတလယ်တောအိမ်၌ ပြုလုပ်ခဲ့ခြင်းဖြစ်ကာ အချိန် ၁ နာရီနှင့် ၃ဝ မိနစ်ခန့် ကြာမြင့်စွာ ဆွေးနွေးခဲ့ကြောင်း သိရသည်။
ထိုသို့ တွေ့ဆုံဆွေးနွေးရာတွင် အချက်သုံးချက်ကို အဓိကထားဆွေးနွေးခဲ့သည်ဟု စာနယ်ဇင်းကောင်စီ(ယာယီ) အဖွဲ့ဝင် ဦးဇော်သက်ထွေးက ပြောကြားသည်။

သြဂုတ် ၁ ရက် နံနက်ပိုင်းက သမ္မတနှင့် စာနယ်ဇင်းကောင်စီ (ယာယီ) အဖွဲ့ဝင်အချို့ နေပြည်တော်၌ တွေ့ဆုံကြစဉ်

ပြစ်တင်ဝေဖန်မှုများ အပါအ၀င် နိုင်ငံရေးအကျပ်အတည်းများကို ပြည်သူလူထု၏ လိုလားချက်များအပေါ် ရှေးရှုသည့် အဖြေရှာမှုမျိုးနှင့်သာ ချဉ်းကပ်ဆောင်ရွက်ခဲ့ဟု သမ္မတပြောကြား

အစိုးရသက်တမ်း သုံးနှစ်ကျော်ကာလအတွင်း ပြစ်တင်ဝေဖန်မှုများနှင့် ကြုံတွေ့ခဲ့ရသည့် နိုင်ငံရေးအကျပ်အတည်းများ အပါအ၀င် နိုင်ငံရေး အကျပ် အတည်းများ အားလုံးကို ပြည်သူလူထု၏ လိုလားချက်များအပေါ် ရှေးရှုသည့် အဖြေရှာမှုမျိုးနှင့်သာ ချဉ်းကပ်ဆောင်ရွက်ခဲ့ကြောင်း သမ္မတဦးသိန်းစိန်က သြဂုတ် ၁ ရက်၌ အများပြည်သူသို့ပြောကြားသည့် လစဉ်ရေဒီယိုမိန့်ခွန်းတွင် ထည့်သွင်းပြောကြားသည်။

ကမာရွတ်မြို့နယ်၌ ကားနှစ်စီးလမ်းကြောင်းလုမောင်းကာ ရိုက်နှက်မှုဖြစ်ပွားခဲ့သည့် ဖြစ်စဉ်အား သက်ဆိုင်ရာက စတင်စစ်ဆေး

ကမာရွတ်မြို့နယ်၌ ကားနှစ်စီးလမ်းကြောင်းလုမောင်းကာ ရိုက်နှက်မှုဖြစ်ပွားခဲ့သည့် ဖြစ်စဉ်အား သက်ဆိုင်ရာရဲစခန်းက  စတင်စစ်ဆေးနေ ပြီဖြစ်ကြောင်း ဩဂုတ် ၁ ရက်တွင် စုံစမ်းသိရသည်။