Sunday, November 15, 2015

ပါရီတိုက်ခိုက်သူများ သုံးခဲ့ဖွယ်ရှိသည့် လက်နက်များကို စွန့်ပစ်ကားတစ်စီးအတွင်းတွေ့ရှိ

ပါရီမြို့တိုက်ခိုက်မှုများတွင် အကြမ်းဖက်သမားများ သုံးခဲ့ဖွယ်ရှိသည့် လက်နက်များကို စွန့်ပစ်ကားတစ်စီးအတွင်း တွေ့ရှိကြောင်း ပြင်သစ်တရားရေုး သတင်းရင်းမြစ်တစ်ရပ်က ပြောသည်။

ပါရီအရှေ့ပိုင်း ဆင်ခြေဖုံးရပ် မွန်တရီအူးတွင် ရပ်ထားသည့် ကားနက်တစ်စီးကို နိုဝင်ဘာ ၁၅ ရက်တွင် တွေ့ရှိခြင်းဖြစ်ပြီး တိုက်ခိုက်ရေးသမား မောင်းပြေးထားရစ်သည့် ကားဖြစ်ဖွယ်ရှိသည်။

အစောပိုင်းက သုတ်သင်လိုက်နိုင်သည့် တိုက်ခိုက်ရေးသမား ခုနစ်ဦးတွင် ပထမဆုံးတစ်ဦးကို အစ္စမေးမိုစတီဖီးဆိုသူဖြစ်သည်ဟု အတည်ပြုနိုင်သည်။ တိုက်ခိုက်မှုများနှင့် ပတ်သက်ကာ ခြောက်ဦး ဖမ်းဆီးရမိထားသည်။

ကစားချိန် ပျောက်ဆုံးသွားတဲ့ ကလေးအလုပ်သမားတွေ

အသက် ၁၂နှစ် အရွယ် ရှိပြီဖြစ်တဲ့ မမြတ်နိုးက လက်ဖက်ရည်ဆိုင်က စားပွဲဝိုင်းတွေကြားမှာ သွက်သွက်လက်လက် သွားလာပြီး လက်ဖက်ရည်မှာပေးရင်း စီးကရက်တိုတွေ ကိုလည်း တံမြက်စည်းနဲ့ လှည်းနေပါတယ်။ သူ့လို ကလေး အလုပ်သမား မျိုးတွေ အတွက် တနေ့လုပ်အားခ ကျပ် ၁ ထောင် ဝန်းကျင်လောက်သာ ရတဲ့ မြန်မာနိုင်ငံက ကမ္ဘာပေါ် က ကလေးအလုပ် သမားအများဆုံး နိုင်ငံစာရင်းမှာ ပါဝင်နေတဲ့ နိုင်ငံ တနိုင်ငံ ဖြစ်ပါတယ်။

မမြတ်နိုးလိုမျိုး လက်ဖက်ရည်ဆိုင်တွေကနေ စက်ရုံ စက်ရုံတွေ အထိ အလုပ်အမျိုးမျိုး လုပ်ကိုင် နေရတဲ့ ကလေးငယ် သန်းပေါင်းများစွာ ရှိပါတယ်။ (အရင် စစ်အစိုးရလက်ထက်မှာ ကလေးလုပ်သားတွေ အများကြီး ပေါ်လာခဲ့ပါတယ်။) ဒါပေမယ့် ကလေးလုပ်သားများတွေနဲ့ ပတ်သက်လို့ သဘောထားတွေနဲ့ ဥပဒေတွေ ပြောင်းလဲဖို့ ကတော့ ဖိအားတွေ ရှိနေပါသေးတယ်။

မြန်မာကို ဩဇာလွှမ်းရေး အမေရိကန်နှင့် အာရှနိုင်ငံကြီးများ အပြိုင်ကြိုးစား

ရွေးကောက်ပွဲ, အမေရိကန်, တရုတ်, အိန္ဒိယ, ဂျပန်
မြန်မာနိုင်ငံသည် ကြားနေဝါဒသာ ကျင့်သုံးသင့်ကြောင်း ဒေါ်အောင်ဆန်းစုကြည်က ပြောဆိုထားသည်

ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ် (NLD) ဦးဆောင် အနိုင်ရခဲ့သည့် ရွေးကောက်ပွဲသည် အရှေ့တောင်အာရှတွင် အချက်အချာကျစွာ တည်ရှိနေသည့် မြန်မာနိုင်ငံအား တရုတ်၊ အိန္ဒိယ၊ ဂျပန်နှင့် အမေရိကန် တို့ က ဩဇာလွှမ်းမိုးရန် အရူးအမူး ကြိုးစားနေမှုကို ပြန်လည်နေရာချနေရသည်။

ဒေါ်အောင်ဆန်းစုကြည်ကဲ့သို့ အောင်မြင်သည့် အတိုက်အခံခေါင်းဆောင် အနည်းငယ်မျှသာ ရှိပါသည်။ ရွေးကောက်ပွဲမကျင်းပမီ လအနည်းငယ်အလိုတွင် တရုတ်သမ္မတ ရှီကျင်ဖျင့်နှင့် အိန္ဒိယ ၀န်ကြီးချုပ် နေရိန်ဒြာမိုဒီက ဖိတ်ခေါ် တွေ့ ဆုံခဲ့သည်။ အနာဂတ်တွင် ဒေါ်အောင်ဆန်းစုကြည် အာဏာရနိုင်သည်ဟု သူတို့ ယူဆခဲ့ကြ၍ ဖြစ်သည်။ ဒေါ်အောင်ဆန်းစုကြည်၏ နေအိမ်သို့ အမေရိကန်သမ္မတ အိုဘားမား ၂ ကြိမ် လာရောက်တွေ့ဆုံခဲ့သည်။

ယခုလာမည့် ပြုပြင်ပြောင်းလဲရေး အတွက် ဒေါ်အောင်ဆန်းစုကြည်က အစိုးရတခုဖွဲ့စည်းရေးနှင့် ရာစုနှစ်ဝက်ကြာ စစ်တပ်၏ ချုပ်ကိုင်မှုကို လျှော့ချရန် ပြင်ဆင်ထားရာ တုန့်ပြန်မှုများကို သတိကြီးစွာဖြင့် ချိန်ညှိလုပ်ဆောင်သွားရန် လိုအပ်သည်ဟု လေ့လာဆန်းစစ်သူများက ပြောကြသည်။

အာဏာချောမောစွာ လွဲပြောင်းပေမည်ဟု နိုင်ငံရေးပါတီများနှင့် တွေ့ဆုံရာတွင် သမ္မတဦးသိန်းစိန် ကတိကဝတ်ပြု

ပြီးခဲ့သည့် သီတင်းပတ်က ကျင်းပပြီးစီးသည့် အထွေထွေရွေးကောက်ပွဲတွင် အနိုင်ရသည့် အတိုက်အခံခေါင်းဆောင် ဒေါ်အောင်ဆန်းစုကြည်ပါတီအား ချောမွေ့ညင်သာစွာ အာဏာလွဲပြောင်းပေးမည်ဟု နိုင်ငံရေးပါတီများနှင့် တွေ့ဆုံစဉ် သမ္မတဦးသိန်းစိန်က ကတိပေးပြောကြားသည်။

ရန်ကုန်တိုင်း အစိုးရအဖွဲ့ရုံး၌ နိုဝင်ဘာ ၁၅ ရက် နံနက်ပိုင်းက နိုင်ငံရေးပါတီများနှင့် တွေ့ဆုံပွဲတွင် ယခုကဲ့သို့ သမ္မတဦးသိန်းစိန်က ကတိပေးပြောကြားခြင်းဖြစ်သည်။

ကြေညာထားသည့် ရွေးကောက်ပွဲရလဒ်တွင် ဒေါ်အောင်ဆန်းစုကြည်၏ NLD ပါတီက ၈၀ ရာခိုင်နှုန်းနီးပါး အနိုင်ရထားသည်။

အာဏာလွဲပြောင်းပေးပြီပါက မြန်မာနိုင်ငံတွင် နှစ်ပေါင်း ၅၀ ကျော် စစ်တပ်ကျောထောက်နောက်ခံပြု နိုင်ငံရေးအုပ်ချုပ်မှု နိဂုံးချုပ်မည်ဖြစ်သည်။

နိုင်ငံပါတီပေါင်းစုံနှင့် တွေ့ဆုံရာတွင် သမ္မတဦးသိန်းစိန်က နောက်တက်မည့် အစိုးရထံ တာဝန်များအားလုံးကို အစီစဉ်တကျ စနစ်တကျ အာဏာလွဲပြောင်းပေးသွားမည်ဖြစ်ကြောင်း ပြောကြားခဲ့ခြင်းဖြစ်သည်။

"ဘာမှ စိုးရိမ်စရာမလိုဘဲ အာဏာကို ချောချောမောမောနဲ့ တည်တည်ငြိမ်ငြိမ် လွဲပြောင်းပေးသွားမှာပါ။"ဟု ဦးသိန်းစိန်က ပြောခဲ့သည်။

သူရဦးတင်ဦး (သို့မဟုတ်) NLD ရဲ့ အသင့်တော်ဆုံး သမ္မတ

အမျိုးသားဒီမိုကရေစီအဖွဲ့ချုပ်(NLD) က သမ္မတအဖြစ် တင်မြှောက်ဖို့ ရေပန်းအစားဆုံးနဲ့ အသင့်တော်ဆုံးက NLD နာယက လည်းဖြစ်၊ တပ်မတော်ကာကွယ်ရေးဦးစီးချုပ်ဟောင်းလည်းဖြစ်တဲ့ သူရဦးတင်ဦးဖြစ်တယ်လို့ NLD ပါတီ အသိုင်း အ၀ိုင်းထံမှ သိရှိရပါတယ်။

ပြည်ထောင်စုရွေးကောက်ပွဲကော်မရှင်က နိုဝင်ဘာလ ၉ ရက်နေ့ကတည်းက စတင်ပြီး ရွေးကောက်ပွဲ ရလဒ် တွေ ကို ကြေညာခဲ့ရာမှာ နိုဝင်ဘာလ ၁၃ ရက်နေ့မှာ အမျိုးသားဒီမိုကရေစီအဖွဲ့ချုပ်(NLD) က ပြည်သူ့ လွှတ် တော် ၊ အမျိုးသား လွှတ်တော် အပါအ၀င် ပြည်ထောင်စုလွှတ်တော်မှာ အမတ်နေရာပေါင်း ၃၂၉ နေရာ ရရှိပြီး အစိုးရ ဖွဲ့ခွင့်၊ သမ္မတ တင် မြှောက် ခွင့်ရရှိသွားပါတယ်။

အုပ်ချုပ်ရေး အတွေ့အကြုံမရှိသည့် NLD မည်သို့ အစိုးရ ဖွဲ့မည်ကို စောင့်ကြည့်ရမည်ဟု NDF ပါတီဥက္ကဋ္ဌ ဦးခင်မောင်ဆွေပြော

အမျိုးသား ဒီမိုကရေစီ ထိပ်ပိုင်း ခေါင်းဆောင်များတွင် ပါဝင်ခဲ့ပြီး ၁၉၉၀ ရွေးကောက်ပွဲတွင် စမ်းချောင်းမြို့နယ်၏ ရွေးကောက်ခံအမတ်ဖြစ်ခဲ့သူ ယခု အမျိုးသား ဒီမိုကရေစီအင်အားစု ပါတီ ဥက္ကဋ္ဌ ဦးခင်မောင်ဆွေက ရွေးကောက်ပွဲတွင် ပြည်သူအများစု ထောက်ခံသည့် ပါတီအနိုင်ရသွားခြင်းသည် ထူးဆန်းသည့် ဖြစ်ရပ်မဟုတ်ဟု သူက ဆိုသည်။

NLD ပါတီသည် အုပ်ချုပ်ရေး အတွေ့အကြုံ မရှိသေးသည့်အတွက် အစိုးရဖွဲ့မည်ကို စောင့်ကြည့်ရမည်ဟုလည်း ဆိုသည်။ ဦးခင်မောင်ဆွေ ဦးဆောင်သည့် အမျိုးသား ဒီမိုကရေစီ အင်အားစုပါတီသည် အမျိုးသား ဒီမိုကရေစီ အဖွဲ့ချုပ် အနိုင်ရခဲ့ခြင်းအတွက် စောစီးစွာ နိုဝင်ဘာ ၁၁ ရက်တွင် ဂုဏ်ယူပါကြောင်း ထုတ်ပြန်ကြေညာခဲ့သည်။

“ပြည်သူများ၏ NLDပါတီအပေါ် တာဝန်ပေးအပ်မှုကို ကျွန်ုပ်တို့ NDF ပါတီမှ တန်ဖိုးထား လေးစား ပါသည်။ ထို့အတူ NLD ပါတီ၏ အောင်မြင်မှုကိုလည်း ကျွန်ုပ်တို့ အမျိုးသား ဒီမိုကရေစီအင်အားစု ခမောက်ပါတီ NDFမှ ဂုဏ်ယူကြောင်း ထုတ်ပြန်ကြေညာအပ်ပါသည်” ဟု ထုတ်ပြန်ခဲ့သည်။

ဘုန်းတော်ကြီး ဒလိုင်းလားမားက ဒေါ်အောင်ဆန်းစုကြည်အား ချီးမြှောက်စကား မြွက်ကြား

တိဗက်ဘုန်းတော်ကြီး နိုဘယ်ငြိမ်းချမ်းရေးဆုရှင် ဒလိုင်းလားမားက အထွေထွေရွေးကောက်ပွဲတွင် အနိုင်ရသည့် ဒေါ်အောင်ဆန်းစုကြည်အား ဂုဏ်ပြုချီးမြှောက်စကား ပြောကြားခဲ့သည်။

တိဗက်ခေါင်းဆောင် ဘုန်းတော်ကြီး ဒလိုင်းလားမားက ပြည်သူတို့၏ လိုအင်တောင့်တဆန္ဒကို ဒေါ်အောင်ဆန်းစုကြည်က ဖြည့်ဆည်းပေးမည် မျှော်လင့်ကြောင်း ဂုဏ်ပြုသတင်းစကားပါးရာတွင် ထည့်သွင်းပြောကြားသည်။

"ယုံကြည်မှုကို အခြေတည်ပြီး ရွေးကောက်တင်မြှောက်တဲ့ ပြည်သူပြည်သားတွေရဲ့ မျှော်လင့်ချက်တွေ၊ ဆန္ဒရည်မှန်းချက်တွေကို သင့်အနေဖြင့် ဖြည့်ဆည်းပေးစွမ်းနိုင်ပါလိမ့်မယ်။"ဟု ဂုဏ်ပြုစာလွှာတွင် ဖော်ပြထားသည်။

"ယခုရွေးကောက်ပွဲကား မြန်မာနိုင်ငံအတွက် သမိုင်းမှတ်တိုင်ပင် ဖြစ်တယ်။ မြန်မာနိုင်ငံ ဒီမိုကရေစီ ထွန်းကားဖို့ အဖက်ဖက်က ကြီးစွာဆန္ဒရှိကြပြီး ကမ္ဘာအနှံ့ကလည်း ထောက်ပံ့လျက်ရှိပါတယ်။ အကျွန်ုပ်အနေဖြင့်လည်း ငြိမ်းချမ်းရေးနဲ့ ရင်ကြားစေ့ရေး စိတ်ဆန္ဒများနဲ့ ဒီအခွင့်အရေးကို ပါတီအဖွဲ့အစည်းများအားလုံးက ပါဝင်ဖော်ဆောင်သွားလိမ့်မယ်လို့ ယုံကြည်ယူဆပါတယ်။"ဟု ဘုန်းတော်ကြီးက ဆိုသည်။

အဖွဲ့သုံးဖွဲ့ခွဲကာ ပါရီကို တိုက်ခိုက်ခြင်းဖြစ်၊ သေဆုံးသူ ၁၂၉ ဦးနှင့် ဒဏ်ရာရသူ ၃၅၀ ကျော်ရှိ

ပြင်သစ်နိုင်ငံ၏ မြို့တော် ပါရီတွင် တိုက်ခိုက်ရေးအဖွဲ့ သုံးဖွဲ့ဖြင့် တိုက်ခိုက်ခဲ့ခြင်းဖြစ်ပြီး သေဆုံးသူပေါင်းမှာ ၁၂၉ ဦးနှင့် ဒဏ်ရာရသူ ၃၅၀ ကျော်ရှိကြောင်း ပြင်သစ်ရှေ့နေချုပ်ကပြောသည်။

"ဒီတိုက်ခိုက်ရေးသမားတွေရဲ့ အရင်းအမြစ်ကို ကျွန်တော်တို့ သိထားပါပြီ။ သူတို့ရဲ့ ဘဏ္ဍာငွေအထောက်အပံ့ရပ်တည်မှုကိုလည်း သိထားတယ်။"ဟု ဖရန့်စွာမိုလင်းက သတင်းထောက်များကိုပြောသည်။

တိုက်ခိုက်သူအစွန်းရောက် ခုနစ်ဦးအား သုတ်သင်နိုင်ခဲ့ရာ ၎င်းတို့သည် လက်နက်ကြီးများ ရှိထားသလို ဗုံးခါးပတ်များလည်း ပတ်ထားကြောင်း ၎င်းက ပြောသည်။

အိုင်အက်စ်တို့က ၎င်းတို့လက်ချက်ဖြစ်သည်ဟု ကြေညာထားသည့် နိုဝင်ဘာ ၁၃ ရက်က တိုက်ခိုက်မှုများမှာ ဂီတဖျော်ဖြေပွဲ၊ အားကစားရုံ၊ စားသောက်ဆိုင်များနှင့် အရက်ဘားများ တိုက်ခိုက်ခံရခြင်းဖြစ်သည်။

ပါရီတိုက်ခိုက်မှုနှင့် ဆက်စပ်သူများ ဘယ်လ်ဂျီယမ်တွင် ဖမ်းမိ

ပြင်သစ်နိုင်ငံ ပါရီမြို့တိုက်ခိုက်မှုများနှင့် ချိတ်ဆက်ပတ်သက်သူတစ်ချို့ကို နိုဝင်ဘာ ၁၄ ရက်က ဘယ်လ်ဂျီယမ်နိုင်ငံ ဘရပ်ဆဲလ်မြို့တွင် ဖမ်းမိသည်။ ဖမ်းမိသူများတွင် တစ်ဦးမှာ ပါရီတိုက်ခိုက်မှုတွင် ကိုယ်တိုင်ပါဝင်သူတစ်ဦးဖြစ်နိုင်ကြောင်း ဝန်ကြီးချုပ် ချားလ်မိုက်ကယ်က ပြောသည်။

လူ ၁၂၉ ဦးသေဆုံးသည့် ပါရီတိုက်ခိုက်မှုများကို ပြင်သစ်ရဲများ ထောက်လှမ်းစုံစမ်းရေးအရ သံသယရှိသည့် ကားများကို ဘယ်လ်ဂျီယမ်တွင် တွေ့ရှိရာမှ ယခုကဲ့သို့ ဖမ်းဆီးမိကြောင်း မိုကယ်က ပြောသည်။

ပါရီတိုက်ခိုက်မှုများနှင့် ကွင်းဆက်များသည့် ဘယ်လ်ဂျီယမ်တွင် ရှိနေနိုင်၍ ဘယ်လ်ဂျီယမ်အနေဖြင့်လည်း စစ်သွေးကြွတိုက်ခိုက်မှုများ၏ နယ်မြေဖြစ်လာလျက်ရှိနေသည်။

တောင်ကိုရီးယားသမ္မတ နှုတ်ထွက်ရေးဆန္ဒပြသူများနှင့် ရဲများ ထိပ်တိုက်တွေ့

ပြီးခဲ့သည့်နှစ်များအတွင်း အကြီးဆုံးလမ်းပေါ်ထွက် စုရုံးဆန္ဒပြမှု တောင်ကိုရီးယားနိုင်ငံ မြို့တော်ဆိုးလ်တွင် နိုဝင်ဘာ ၁၄ ရက်က ဖြစ်ပွားရာ ဆန္ဒပြသူများနှင့် လုံခြုံရေးတပ်ဖွဲ့များ ထိပ်တိုက်တွေ့ခဲ့ကြသည်။

ကွန်ဆာဗေးတစ်သမ္မတ ပတ်ဂွန်ဟေး ရာထူးမှဆင်းပေးရေး တောင်းဆိုဆန္ဒပြသူများကို မျက်ရည်ယိုဓာတ်ငွေ့များနှင့် ရေအမြောက်များဖြင့် ရဲက ဖြိုခွင်းသည်။

ဆန္ဒပြလူအုပ်မှာ ထောင်ပေါင်းများစွာ စုရုံးကြခြင်းဖြစ်ကြောင်း ရဲက ပြောသည်။

သမ္မတ၏ စီးပွားရေးမူဝါဒကို ကန့်ကွက်သည့် ကုန်သည်အဖွဲ့အစည်းများအပါအဝင် အဖွဲ့အစည်းမျိုးစုံတို့ စုဝေးမိကာ ယခုကဲ့သို့ များပြားစွာစုဝေးဆန္ဒပြကြခြင်းဖြစ်သည်။

အမျိုးသားပြန်လည်သင့်မြတ်ရေး ဒေါ်အောင်ဆန်းစုကြည်နှင့် ဦးရွှေမန်းတို့ နိုဝင်ဘာ ၁၉ရက်တွင် တွေ့မည်

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်နှင့် ပြည်ထောင်စုလွှတ်တော် နာယက သူရဦးရွှေမန်းတို့က နိုဝင်ဘာ ၁၉ရက်တွင် အမျိုးသားပြန်လည်သင့်မြတ်ရေး အခြေခံဆွေးနွေးရန်တွေ့ဆုံမည်ဟု ပြည်သူ့လွှတ်တော်ရုံး အမည်မဖော်လိုသည့် တာဝန်ရှိသူမှသိရသည်။

"သမ္မတနဲ့၊ ကာကွယ်ရေးဦးစီးချုပ်တို့နဲ့တွေ့မှာက သူတို့အစီအစဉ်နဲ့ သူတို့တွေ့မှာ၊ ၁၉ရက်နေ့ကို ဒေါ်အောင်ဆန်းစုကြည်နဲ့ ပြည်သူ့လွှတ်တော်ရုံး မှာနာယကကြီးနဲ့ တွေ့မှာပါ" ဟု ၎င်းကအတည်ပြုသည်။

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြည်ထောင်စုလွှတ်တော် နာယက သူရဦးရွှေမန်းထံ နိုဝင်ဘာ ၁၅ရက်က နံနက် ၁၀နာရီက သွားရောက်တွေ့ဆုံခဲ့သည်ဟု သူရဦးရွှေမန်းက ၎င်း၏ လူမှုကွန်ယက် စာမျက်နှာတွင် ထုတ်ပြန်ထားသည်။

The Rock Show မန္တလေးမြို့တွင် ကျင်းပမည်

၁၃၀ ပြည့်နှစ် ပါတော်မူနေ့ အထိမ်းအမှတ်အဖြစ် S.I.R The Rock Show ကို နိုဝင်ဘာ ၂၈ရက်တွင် မန္တလေးမြို့ရှိ swan hotel ၌ ကျင်းပသွားမည် ဖြစ်သည်။

The Rock Show ကျင်းပ ပြုလုပ်မည့် အကြောင်း စာနယ်ဇင်း မိတ်ဆက်ပွဲကို နိုဝင်ဘာ ၁၃ရက်တွင် ရန်ကုန်မြို့ အလံပြဘုရားလမ်းရှိ Park Royal Hotel ၌ ကျင်းပခဲ့သည်။

ထိုဖျော်ဖြေပွဲကို ၁၃၀ ပြည့်နှစ် ပါတော်မူနေ့ အထိမ်းအမှတ်အဖြစ် ကျင်းပခြင်း ဖြစ်ပြီး Nine Planets Entertainment မှ စီစဉ်ကာ Blue Mountain အချိုရည် မှ ပါဝင် ပံ့ပိုးကူညီပေးထားသည်။

အဆိုတော် ရေမွန် မှ “S.I.R ထုံးစံ အတိုင်း band တစ်ခုစီကို ၁၁ပုဒ်စီတော့ ဖျော်ဖြေဖြစ်ပါတယ်။ ပြီးတော့ အတွဲ ဖျော်ဖြေတာတွေ S.I.R vocalist တွေ အချင်းချင်း တွဲပြီးဆိုတဲ့ ဟာလေးတွေပါမယ်” ဟု ပြောသည်။