Thursday, January 28, 2016

ကမ္ဘာ့စက်သုံးဆီဈေးကျသော်လည်း ပြည်တွင်းဈေး မကျ၍ ဈေးလျှော့ချရန် စွမ်းအင်ဝန်ကြီးဌာန ညွှန်ကြား

စက်သုံးဆီဈေး ထပ်မံ ကျဆင်းစေရေး ကြီးကြပ်ဆောင် ရွက်ရန် စွမ်းအင်ဝန်ကြီးဌာနက မြန်မာနိုင်ငံ စက်သုံးဆီတင်သွင်း ရောင်းချဖြန့်ဖြူးရေးအသင်း (MPTA)သို့ အကြောင်းကြားထားကြောင်း သတင်းရရှိသည်။ပြည်တွင်းစက်သုံးဆီ အရောင်းဆိုင်များ အမြင့်ဆုံး ရောင်းချရန် အခြေခံနှုန်းထား တစ်ခုကို MPTA က ဇန်နဝါရီ ၁၈ ရက်၌ အခြေခံသတ်မှတ်ပေးခဲ့ သော်လည်း လက်ရှိ ဆိပ်ကမ်း ရောက်ဈေးနှုန်းနှင့် နှိုင်းယှဉ်ပါက ဈေးလျှော့ချရန် လိုအပ်ကြောင်း စိစစ်တွေ့ရှိရ၍ တစ်ပြည်လုံးရှိ စက်သုံးဆီ အရောင်းဆိုင်များတွင် လက်လီရောင်းဈေးကို ထိုက်သင့်သည့် ဈေးနှုန်းအထိ ထပ်မံ ကျ ဆင်းစေရေး လိုအပ်သလို ကြီး ကြပ်ဆောင်ရွက်ရန် အကြောင်း ကြားသည်ဆိုကာ ညွှန်ကြားခဲ့ခြင်းဖြစ်သည်။

ရက်ပိုင်းအတွင်း မြောက်ကိုရီးယား တာဝေးပစ်ဒုံးကျည် စမ်းသပ်နိုင်ဟု ဂျပန်မီဒီယာ ဖော်ပြ

မြောက်ကိုရီးယားရှိ တွန်ချယ်ရီ ဒုံးကျည်စမ်းသပ်ဧရိယာကို ဝေဟင်မှ တွေ့မြင်ရစဉ်။
ရက်ပိုင်းအတွင်း မြောက်ကိုရီးယားအနေဖြင့် တာဝေးပစ်ဒုံးကျည်တစ်စီး စမ်းသပ်ပစ်လွှတ်လာနိုင်ကြောင်း ဂျပန်အခြေစိုက် ကျိုဒိုသတင်းဌာနက ဖော်ပြခဲ့သည်။
ဂျပန်၏ ကာကွယ်ရေးဌာနမှ အမည်မဖော်သည့် ထိပ်တန်းအရာရှိတစ်ဦး၏ အဆိုကို ကိုးကားပြီး မြောက်ကိုရီးယားသည် သီတင်းတစ်ပတ်မျှအတွင်း တာဝေးပစ်ဒုံးကျည် စမ်းသပ်မှုကို လက်တွေ့အကောင်အထည်ဖော် စီစဉ်လာဖွယ်ရှိနေကြောင်း ကျိုဒိုက ဆိုသည်။

ဇီကာဗိုင်းရပ်စ်နှင့် ပတ်သက်၍ မပေါ့ဆရန် WHOကို အမေရိကန် ပညာရှင်များ သတိပေး

ဇီကာဗိုင်းရပ်စ်နှင့် ပတ်သက်၍ အမြန်ဆုံး အရေးယူ ဆောင်ရွက်မှုများ ပြုလုပ်ရန် ကမ္ဘာ့ကျန်းမာရေးအဖွဲ့ကြီး (WHO) ကို အမေရိကန် သိပ္ပံပညာရှင်များက သတိပေးလိုက်သည်။
ပညာရှင်များက ခြင်မှ ကူးစက်သည့် အဆိုပါဗိုင်းရပ်စ်သည် ကမ္ဘာလုံးဆိုင်ရာ ကူးစက်ရောဂါပိုးတစ်ခုအဖြစ် ပျံ့နှံ့ရောက်ရှိနိုင်သည့် အလားအလာ ကြီးကြီးမားမားရှိနေကြောင်း ပြောကြားခဲ့သည်။ ဇီကာရောဂါပိုး ကူးစက်ခံရသည့်အခါ အပျော့စား တုပ်ကွေးဝေဒနာ လက္ခဏာများသာ ပြသလေ့ ရှိသည်။ သို့သော်လည်း ကိုယ်ဝန်ဆောင်အမျိုးသမီးများ ရောဂါပိုးကူးစက်ခံရပါက ဦးခေါင်းသေးပြီး ဦးနှောက်ဖွံ့ဖြိုးမှု အားနည်းသည့် ကလေးငယ်များ မွေးဖွားလာတတ်သည်ဟု ကမ္ဘာ့ကျန်းမာရေးသုတေသီများက ယူဆထားသည်။