ကုလသမဂ္ဂက ပိတ်ပင်ထားသည့်စာရင်းမှ ဖယ်ရှားခံလိုက်ရပြီးနောက် ကြားဖြတ်ဖမ်းဆီးထားသည့် မြောက်ကိုရီးယားပိုင် သင်္ဘောတစ်စီးကို ဖိလစ်ပိုင်အာဏာပိုင်များက ပြန်လွှတ်ပေးလိုက်ကြောင်း သိရသည်။
လွန်ခဲ့သည့် တစ်လခန့်က ကုလသမဂ္ဂအနေဖြင့် မြောက်ကိုရီးယားအပေါ် တင်းကျပ်စွာပိတ်ပင်မှုများ ပြဋ္ဌာန်းလိုက်ပြီးနောက် မြောက်ကိုရီးယားကုမ္ပဏီတစ်ခုက ပိုင်ဆိုင်သောသင်္ဘောများကို အဟန့်အတားမရှိ စစ်ဆေးပိုင်ခွင့်ကိုပါ ထည့်သွင်းသတ်မှတ်ခဲ့သည်။ ဖိလစ်ပိုင်က ကုလသမဂ္ဂ၏ ထောက်ခံမှုဖြင့် အဆိုပါကုမ္ပဏီပိုင် သင်္ဘောတစ်စီးကို ဖမ်းဆီးခဲ့သော်လည်း တရားမဝင်ကုန်စည်များ လုံးဝတင်ဆောင်လာမှုမရှိသည့်အတွက် မတ် ၂၄ ရက်တွင် ပြန်လွှတ်ပေးလိုက်ကြောင်း တာဝန်ရှိသူများက ကြေညာခဲ့သည်။
တန်ချိန် ၇၀၀၀ နီးပါး တင်ဆောင်နိုင်သည့် Jin Teng ကုန်တင်သင်္ဘောနှင့် မြောက်ကိုရီးယားအမှုထမ်း ၂၁ ဦးကို ဖိလစ်ပိုင် တာဝန်ရှိသူများက စစ်ဆေးခဲ့သည်။ ထို့နောက်တွင်မူ လူဝင်မှု၊ အကောက်ခွန်၊ ကျန်းမာရေးနှင့် ဆိပ်ကမ်းစည်းမျဉ်းများအရ မည်သည့်ငြိစွန်းမှုမျှ မရှိကြောင်း အတည်ပြုနိုင်သဖြင့် မတ် ၂၄ ရက် ညနေပိုင်းတွင် တရုတ်သို့ ဦးတည်ခုတ်မောင်း ထွက်ခွာသွားခြင်း ဖြစ်သည်။
“မူဝါဒပိုင်းအရ Jin Teng ကုန်တင်သင်္ဘောကိုဆက်ပြီး ထိန်းသိမ်းထားစရာ မလိုတော့ပါဘူး”ဟု ဖိလစ်ပိုင်နိုင်ငံခြားရေးဝန်ကြီးဌာန ပြောရေးဆိုခွင့်ရအရာရှိ ချားလ်ဟိုဆေးက ဆိုသည်။ သင်္ဘောပေါ်တင်ဆောင်လာသည့် ကုန်စည်များကို ကုလသမဂ္ဂအဖွဲ့အစည်းများက လာရောက် စစ်ဆေးမှု လုံးဝမရှိခဲ့ချေ။