အဏုကြည့်မှန်ပြောင်းမှာ တွေ့မြင်ရတဲ့ အီဘိုလာ ဗိုင်းရပ်စ်ပိုး ပုံသဏ္ဍန် (သြဂုတ် ၈၊ ၂၀၁၄)
Ebola ရောဂါအဆိုးဆုံးဖြစ်ပွားနေတဲ့ အနောက်အာဖရိကနိုင်ငံတွေက Ebola virus ပျံ့နှံ့မှုကို တားဆီးနိုင်ဖို့ တိုးမြှင့်ဆောင်ရွက်နေကြပါတယ်။
နောက်ဆုံးသေဆုံးသူတွေထဲကတယောက်က စပိန် Catholic သာသနာပြုအဖွဲ့နဲ့ လိုက်ဘေးရီးယားမှာ လုပ်အားပေးနေတဲ့ Congo သီလရှင် တယောက်ဖြစ်ပါတယ်။ Nigeria နိုင်ငံမှာလည်း Ebola ကြောင့် သေဆုံးသူ ၂ ယောက်ထက် မနည်းရှိပါပြီ။
ရောဂါပြဿနာကို ကိုင်တွယ်နိုင်ရေး နောက်ထပ်ဘဏ္ဍာငွေသုံးစွဲနိုင်ဖို့ လိုက်ဘေးရီးယား၊ Sierra Leone၊ ဂီနီနဲ့ Nigeria နိုင်ငံတွေမှာ အရေးပေါ် အခြေအနေတွေ ထုတ်ပြန် ကြေညာထားပါတယ်။ အနောက်အာဖရိကမှာ အခုပျံ့နှံ့နေတဲ့ Ebola ရောဂါကူးစက်မှုဟာ အရင်ဒီ Virus ကြောင့် ကူးစက်မှုတွေအားလုံးထက်ကို ပိုပြီး မြန်ဆန်တဲ့နှုန်းနဲ့ ကူးစက်နေတာဖြစ်ပါတယ်။ ဒီရောဂါကုသနိုင်ဖို့ ကုသနည်းရော ဆေးဝါးပါ မရှိသေးပါဘူး။
ဗွီအိုအေ (မြန်မာဌာန)
No comments:
Post a Comment