ဒီကိစ္စအတွက် အင်ဒိုနီးရှားနိုင်ငံဆိုင်ရာ မြန်မာ သံအမတ်ကြီး ဦးဆန်းမြင့်ဦး အပါအ၀င် သံရုံးအရာ ရှိတွေဟာ အင်ဒိုနီးရှားရှေ့နေများအသင်းက ရှေ့နေနှစ် ဦး၊ မြန်မာအလုပ်သမားတွေကိုခိုင်းစေခဲ့တဲ့ အင်ဒိုနီးရှား ကုမ္ပဏီက တာဝန်ရှိသူတွေနဲ့ ဆွေးနွေးညှိနှိုင်းနေ ကြကြောင်း ထိုင်းနိုင်ငံထုတ်နေးရှင်းသတင်းက ဖေါ်ပြ ပါတယ်။
မြန်မာအလုပ်သမားတွေအတွက် လုပ်ခလစာကို ထိုင်းနိုင်ငံမှာရှိတဲ့ ကိုယ်စားလှယ်ရုံးကတဆင့် ပေး ခဲ့ပြီးဖြစ်ကြောင်း၊ အလုပ်သမားတွေ ရ မရ မသိရသေးကြောင်း အင်ဒိုနီးရှားကုမ္ပဏီက ပြောပါတယ်။
ဒါ့ပြင် ဘင်ဂျီနာကျွန်းပေါ်မှာ ကျန်ရှိနေသေးတဲ့ မြန်မာနိုင်ငံသား ၁၉၇ ယောက်ကို မြန်မာနိုင်ငံပြန်ပို့ရေး ကိစ္စလည်း ဆွေးနွေးခဲ့ကြပါတယ်။
ပြီးခဲ့တဲ့ မေလ ၁၄ ရက်က မြန်မာနိုင်ငံသား ၁၂၅ ယောက်၊ မေလ ၁၇ ရက်နေ့မှာ ၁၂၈ ယောက်ကို တိုင်းပြည်ပြန်ပို့ခဲ့ပြီး၊ ကျန်တဲ့ ၁၉၇ ယောက်ကို မေလ ၂၂ ရက်နေ့မှာ ပြန်ပို့ဖို့စီစဉ်ထားကြောင်း သိရပါတယ်။
အလုပ်သမားတချို့ဟာ အလုပ်လုပ်နေစဉ်အတွင်း ကိုယ်ခန္ဒာအောက်ပိုင်း ထိခိုက်ဒဏ်ရာရခဲ့ကြတဲ့အတွက် ဘီးတပ်ကုလားထိုင်တွေကို အသုံးပြုနေရပါတယ်။
မြန်မာအလုပ်သမားတွေကို ကုမ္ပဏီတွေက ထိုင်းနာမည်တွေနဲ့ မှတ်ပုံတင်ထားတဲ့အတွက် စုံစမ်းရှာဖွေဖို့နဲ့ တိုင်းပြည်ပြန်ပို့နိုင်ဖို့ အခက်အခဲဖြစ်ရတယ်လို့ မြန်မာသံရုံးကပြောပါတယ်။
RFA
No comments:
Post a Comment