ရွှေတိဂုံစေတီသို့ လာရောက်ဖူးမြော်သူ ၃၇ဦးကို ရွေးကောက်ပွဲ နှင့်ပတ်သက်၍ 7Day သတင်းစာက ကျပန်းမေးမြန်းခဲ့ရာ ၁၂ဦးကရွေးကောက်ပွဲ အေးချမ်းစွာပြီးဆုံး ရန်နှင့် ကောင်းမွန်သည့် အစိုးရတစ်ရပ်တက်လာရန် ဆုတောင်းခဲ့ပြီး ၁၀ ဦးက အမျိုးသား ဒီမိုကရေစီအဖွဲ့ချုပ် အနိုင်ရရန် ဆုတောင်းခဲ့ကြောင်းနှင့် ၁၅ ဦးက မိသားစုနှင့် ဆွေမျိုးများအတွက် ဆုတောင်း ခဲ့ကြောင်း ပြန်လည်ဖြေကြားသည်။
‘‘ပြည်သူလူထုအပေါ် တ ကယ်ကောင်းမယ့် တကယ်အ လုပ်အကျွေးပြုမယ့်၊ စိတ်ရင်းစေ တနာကောင်းမယ့်၊ ပုဂ္ဂိုလ်မျိုးကို တက်လာစေချင်တယ်။ ဒီမနက် ဘုရားမှာ ဆုတောင်းဖြစ်တာ လည်း အဲဒါပါပဲ။ နောက်တစ်ခု ကတော့ အေးအေးချမ်းချမ်း ပြီး ဆုံးဖို့ပေါ့’’ဟု လားရှိုးမြို့နေ တပ်မတော်အငြိ်မ်း စား ဦးကိုကိုမြိုင်က ပြောသည်။
ပြည်သူလူထုအများစုသည် စားဝတ်နေရေးအတွက် ရုန်းကန် နေရပြီး ရွေးကောက်ပွဲ၌ ဆူပူအုံ ကြွမှုဖြစ်မည်ကို စိုးရိမ်နေကြောင်း နှင့် အေးချမ်းတည်ငြိမ်စွာ ပြီးဆုံး စေရန် ဆုတောင်းမှုပြုလုပ်ခဲ့ ကြောင်း သင်္ဃန်းကျွန်းမြို့နယ်မှ အသက်(၃၇)နှစ်အရွယ် အမျိုး သမီးတစ်ဦးက 7Day သတင်းစာအား ဖြေသည်။
‘‘ဆူဆူပူပူဖြစ်မှာကို စိုးရိမ် တယ်။ ဒီနေ့ဘုရားလာတဲ့သူ အ များစုကလည်း အေးအေးချမ်း ချမ်းပြီးဆုံးဖို့ပဲ ဆုတောင်းကြမှာ ပါ။ အဘွားလည်း အဲဒါပဲ’’ဟု သာကေတမြို့နယ်မှ အသက် (၆၂)နှစ်အရွယ် ဒေါ်မြင့်က ပြောသည်။
ပါတီစွဲ၊ ပုဂ္ဂိုလ်စွဲမထားဘဲ ရွေးကောက်ပွဲအဆင်ပြေချော မွေ့စွာ ပြီးဆုံးရန်နှင့် နိုင်ငံနှင့်လူ မျိုးကို တိုးတက်အောင်ပြုလုပ် ပေးမည့် ပါတီအစိုးရဖွဲ့နိုင်ရန်ဆုတောင်းသူ ငါးဦးရှိခဲ့သည်။
‘‘လွတ်လပ်ပြီး တရားမျှတ စွာနဲ့ အနိုင်ရတဲ့ပါတီကို လွှဲပေး တာမျိုး ဖြစ်စေချင်တယ်။ ဘယ် သူရသွားပါစေလို့ ဆုတောင်းတာ မရှိပါဘူး။ အဓိကဆုတောင်းဖြစ် တာကတော့ ကောင်းမွန်တဲ့ အစိုး ရတက်လာဖို့ပဲ’’ဟု အသက် (၄၃) နှစ်အရွယ် ဦးသန်းလွင်က ပြော သည်။
‘‘အမေစုနိုင်ဖို့ပဲ ဆုတောင်း ပါတယ်။ နောက်တစ်ခုက အေး အေးချမ်းချမ်းနဲ့ အောင်အောင် မြင်မြင်ပြီးဆုံးဖို့ ဆုတောင်းတယ်။ တစ်မိသားစုလုံးလည်း ဒီချုပ်ကိုပဲ အားပေးတယ်’’ ဟု လမ်းမတော် မြို့နယ်နေ မမေမျိုးယဉ်ကပြောသည်။
သီတင်းကျွတ်လပြည့်နေ့ တွင် ရွှေတိဂုံစေတီသို့ လာရောက်ဖူးမြော်သူဦးရေမှာ ယမန်နှစ်က ထက် ပိုမိုများပြားပြီး ယခုနှစ်တွင် နှစ်သိန်းခန့်ရှိခဲ့ကြောင်း ဂေါပကရုံးအဖွဲ့မှူး ဦးထွန်းအောင်ငွေက ခန့်မှန်းသည်။
7 day
No comments:
Post a Comment