ကာကွယ်ရေးဝန်ကြီးသေဆုံးသွားတဲ့ ဆီးရီးယားအကြမ်းဖက်မှု

ဆီးရီးယားနိုင်ငံမှာ အသေခံ ဗုံးခွဲသမားတစ်ယောက်ရဲ့ တိုက်ခိုက်မှုကြောင့် သမ္မတ အာဆတ် အစိုးရအဖွဲ့က ထိပ်တန်းအရာရှိကြီးတွေအတော်များများ သေဆုံးတာ၊ ဒဏ်ရာရတာတွေရှိခဲ့တယ်လို့ ဆီးရီးယားနိုင်ငံပိုင် ရုပ်မြင်သံကြားက ကြေညာခဲ့ပါတယ်။

ဒမားစကပ်စ်မြို့တော်က အမျိုးသား လုံခြုံရေးဌာနချုပ်ကို အသေခံ ဗုံးခွဲခဲ့တဲ့အတွက် သေဆုံးသူတွေထဲမှာ ကာကွယ်ရေးဝန်ကြီး Daoud Rajiha ပါဝင်ပါတယ်။ ဒါ့အပြင် သေဆုံးသူတွေထဲမှာ ဆီးရီးယားနိုင်ငံရဲ့ လုံခြုံရေးနဲ့ ပတ်သက်လို့ အလွန် သြဇာတိက္ကမကြီးမားခဲ့တဲ့ သမ္မတ အာဆတ်ရဲ့ ယောက်ဖတော်စပ်သူ Assef Shawkat လည်း ပါဝင်ပါတယ်။

ဆီးရီးယားထောက်လှမ်းရေးအကြီးအကဲ Hisham Ikhtiar နဲ့ ပြည်ထဲရေးဝန်ကြီး Mohammad Ibrahim al-Shaar တို့လည်း ထိခိုက်ဒဏ္ဍရာ ရခဲ့ကြပါတယ်။ အစိုးရအဖွဲ့ဝင်ဝန်ကြီးတွေနဲ့ ထိပ်တန်းလုံခြုံရေးအရာရှိတွေ အစည်းအဝေး ပြုလုပ်နေစဉ် အသေခံဗုံးခွဲရေးသမားက တိုက်ခိုက်ခဲ့တာပါ။

ဒီဖြစ်ရပ်ဟာ ဆီးရီးယား အစိုးရအတွက် အတော့်ကို အထိနာစရာဖြစ်ရပ်ပါ။ ပြည်ပက အကွက်ချ ခိုင်းစေမှု အတိုင်း ကြေးစားရာဇ၀တ်သမားတွေ လိုက်လုပ်တဲ့ အဲဒီဗုံးခွဲတိုက်ခိုက်မှုအတွင်းမှာ တခြားအစိုးရတာဝန်ရှိ ပုဂ္ဂိုလ်တွေလည်း ဒဏ်ရာရခဲ့တယ်လို့ ကာကွယ်ရေးဝန်ကြီးဌာနရဲ့ ကြေညာချက်ထဲမှာ ဖော်ပြထားပါတယ်။

လက်နက်ကိုင် အကြမ်းဖက်သမားတွေကို အမြစ်ဖြုတ် ချေမှုန်းဖို့ ဆီးရီးယားအစိုးရက စိတ်ပိုင်းဖြတ်ထားမှုဟာ အခုလို ကာကွယ်ရေးဝန်ကြီးနဲ့ သူ့လက်ထောက်တို့ သေဆုံးခဲ့မှုကြောင့် ပိုတိုးလုပ်သွားဖို့ပဲ ရှိတယ်လို့လည်း အဲဒီ ကြေညာချက်ထဲမှာ ဖော်ပြထားပါတယ်။