ဂျပန် Daiwa နည်းပညာ ကုမ္ပဏီ ဒေါ်လာ သန်း ၃၈၀ ရင်းနှီးမြှုပ်နှံမည်

ရန်ကုန် (မဇ္ဈိမ) ။        ။ ဂျပန်နိုင်ငံ နည်းပညာ ကုမ္ပဏီတခုဖြစ်သည့် Daiwa သည် မြန်မာနိုင်ငံတွင် ကွန်ပျူတာ နည်းပညာဆိုင်ရာ ကဏ္ဍတွင် အမေရိကန်ဒေါ်လာ သန်းပေါင်း ၃၈၀ ရင်းနှီးမြှုပ်နှံမည် ဖြစ်ကြောင်း မြန်မာနိုင်ငံ ကွန်ပျူတာ လုပ်ငန်းရှင်အသင်း တာဝန်ရှိသူက ပြောသည်။



“Daiwa ရင်းနှီးမြှုပ်နှံမှု အစီအစဉ်မှာ မြန်မာအစိုးရ ရဲ့ အစိုးရပိုင်းဆိုင်ရာ လုပ်ငန်းစဉ်တွေ၊ ကွန်ပျူတာ နည်းပညာဆိုင်ရာ လုံခြုံရေးဆောင်ရွက်ဖို့နဲ့ ပုဂ္ဂလိက နည်းပညာ ကုမ္ပဏီတွေနဲ့ ကွန်ပျူတာနည်းပညာ၊ ဆော့ဖ်ဝဲနဲ့ ပစ္စည်းကိရိယာ ရင်းနှီးမြှုပ်နှံမှုတွေ ပါဝင်မှာ ဖြစ်တယ်” ဟု အသင်း၏ အလုပ်အမှုဆောင် ဦးသောင်းတင် က ပြောသည်။

ရင်းနှီးမြှုပ်နှံမှု၏ ပထမဆုံး အစီအစဉ်အဖြစ် နေပြည်တော်နှင့် ရန်ကုန်မြို့များရှိ မြန်မာနိုင်ငံဗဟိုဘဏ်၏ အွန်လိုင်းဘဏ် စနစ်နှင့် နည်းပညာလုံခြုံရေးဆိုင်ရာ လုပ်ငန်းကို စတင်ဆောင်ရွက်သွားမည် ဖြစ်သည်။

အဆိုပါ ရင်းနှီးမြှုပ်နှံမှုကို ၂၀၁၂ ခုနှစ် စက်တင်္ဘာလ ပထမပတ်မှ စတင် အကောင်အထည် ဖော်မည်ဖြစ်ပြီး သြဂုတ်လ နောက်ဆုံးပတ်တွင် Daiwa အုပ်စုနှင့် မြန်မာ ရင်းနှီးမြှုပ်နှံမှု ကော်မရှင်၊ ကွန်ပျူတာလုပ်ငန်းရှင်အသင်းနှင့် ပုဂ္ဂလိက လုပ်ငန်းရှင်များ ပါဝင်သော လုပ်ငန်းသဘောတူစာချုပ် လက်မှတ်ရေးထိုးမှု ပြုလုပ်မည်ဖြစ်ကြောင်း ရိုက်တာ သတင်းဌာန သတင်းတရပ်တွင်လည်း ဖော်ပြထားသည်။

ထို့အတူ ဂျပန်ကုမ္ပဏီများဖြစ်သည့် ပင်နာဆိုးနစ် ကော်ပိုရေးရှင်း၊ တိုရှီဘာ၊ ဟီတာရှီ၊ NEC နှင့် KDDI စသည့် ကုမ္ပဏီများကလည်း ပူးပေါင်းပါဝင်ဖို့ရှိကြောင်း သိရသည်။

ယခု ရင်းနှီးမြှုပ်နှံမှုသည် အမေရိကန်နိုင်ငံမှ မြန်မာနိုင်ငံသို့ စီးပွားရေးပိတ်ဆို့မှု ဖယ်ရှားအပြီး ပထမဆုံးအကြိမ် နည်းပညာဆိုင်ရာ ရင်းနှီးမြှုပ်နှံမှုဖြစ်ကြောင်း ကွန်ပျူတာလုပ်ငန်းရှင်များ ဗဟိုအလုပ်အမှုဆောင် ဦးအောင်ဇော်မြင့် က ဆိုသည်။

အဆိုပါ ရင်းနှီးမြှုပ်နှံမှု အစီအစဉ်အတွက် ပြည်တွင်းရှိ ကွန်ပျူတာနှင့် နည်းပညာ ကုမ္ပဏီပေါင်း ၃၀ ကျော်ကို အကျိုးတူ ပူးပေါင်းဆောင်ရွက်နိုင်ရန် ကမ်းလှမ်းထားသည်။

“Daiwa အုပ်စုနဲ့အတူ နည်းပညာဆိုင်ရာ အခြားနာမည်ကြီးကုမ္ပဏီတွေလည်း ပါမှာမို့ ကျနော်တို့ဘက်က အကျိုးတူ ပူးပေါင်းတဲ့အခါ နည်းပညာပိုင်း အကျိုးအမြတ် ရှိမှာ သေချာပါတယ်။ ငွေရေးကြေးရေးကတော့ ဖြည်းဖြည်းချင်း
ဆောင်ရွက် အကောင်အထည် ဖော်ရမယ် ထင်ပါတယ်” ဟု ဦးအောင်ဇြော်မင့် က ဆိုသည်။

Daiwa ၏ စီမံကိန်းထဲတွင် ‘cloud’ ခေါ် ကွန်ပျူတာစနစ်သစ်တရပ်ကို အစိုးရ ဝန်ကြီးဌာန အားလုံးအပြင် ကျောင်းများ
နှင့် ဆေးရုံများအား ချိတ်ဆက်ပေးမည့် အစီအစဉ်ဖြစ်ပြီး ၎င်းအတွက် ဒေါ်လာ ၃၈၄ သန်း ကုန်ကျမည် ဖြစ်သည်။

မြန်မာနိုင်ငံကဲ့သို့ လျှပ်စစ်စွမ်းအားနှင့် ကွန်ယက် အင်ဂျင်နီယာ ရှားပါးလှသည့် နိုင်ငံမျိုးတွင် ဤ ‘cloud’ ကွန်ပျူတာ စနစ်သည် အစဉ်အလာ ဆာဗာအခြေခံ စနစ်နှင့်စာလျှင် ပို၍ ဈေးသက်သာ၍ ပိုမိုလျှင်မြန်စွာ ဆက်သွယ်နိုင်မည်ဟု ဆိုသည်။

ဤစနစ်ကို နေပြည်တော်၊ ရန်ကုန်နှင့် မန္တလေး မြို့ကြီးများတွင် စတင်အသုံးပြုသွားမည် ဖြစ်ကြောင်း Daiwa သုတေသနဌာန ဥက္ကဋ္ဌ Takashi Fukai က ထုတ်ဖော် ပြောကြားသွားသည်။