ပြည်သူ့ လွှတ်တော် ဆိုင်ရာ နည်းဥပဒေ ၁၆၇ အရ အမျိုးသား လွှတ်တော်တွင်
စတင်တင်သွင်း၍ အတည်ပြုပြီး ဖြစ်သော မြေသိမ်း (သတ္တုတွင်းများ) အက်ဥပဒေကို
ရုပ်သိမ်းသည့် ဥပဒေကြမ်းကို လွှတ်တော်က ၂၁-၈-၂၀၁၂ ရက်နေ့တွင်
လက်ခံရရှိခဲ့ပါတယ်။
ယင်းဥပဒေကြမ်း၏ မိတ္တူများ ကို ပြည်သူ့လွှတ်တော် ဥပဒေကြမ်း
ကော်မတီထံ စိစစ်နိုင်ရန်နှင့် ကိုယ်စားလှယ်များ ထံ လေ့လာနိုင်ရန်
ဖြန့်ဝေထားပြီး ဖြစ်ပါတယ်။ ဥပဒေကြမ်း ကော်မတီ အနေနဲ့ ယင်းဥပဒေကြမ်းကို
စိစစ်ပြီး ကော်မတီရဲ့ အစီရင်ခံစာ နှင့်အတူ လွှတ်တော်တွင် ဆွေးနွေးနိုင်ရန်
တင်သွင်းရမှာဖြစ် ပါတယ်။ ဆွေးနွေးလိုတဲ့ ကိုယ်စားလှယ်များကရှိပါ က
ဆွေးနွေးလိုတဲ့ အပိုဒ်၊ အပိုဒ်ခွဲ၊ အကြောင်းအရာ၊ အချက်အလက်များကို တိကျစွာ
ဖော်ပြ၍ ၃၁-၈-၂၀၁၂ ရက်နေ့ ၁၃း၀၀ နာရီ နောက်ဆုံး ထားပြီး ပြည်သူ့လွှတ်တော်
ဒုတိယ ညွှန်ကြားရေးမှူးချုပ်ထံ အမည်စာရင်း ပေးရန်ဖြစ်ကြောင်း အသိပေး
ကြေညာပါတယ်။
No comments:
Post a Comment