Israel-Hamas Update: ဂါဇာကမ်းမြောင်ကို အစ္စရေးက ပိတ်ဆို့ထားခြင်းနှင့် ယခုဖြစ်ပေါ်နေသည့် တိုက်ခိုက်မှုများ အဆုံးသတ်နိုင်ရန် ဟားမတ်စ်ပြောက်ကျားတို့က အပစ်အခတ် ရပ်စဲလိုကြောင်း ပါလက်စတိုင်း ထိပ်တန်းအရာရှိတစ်ဦးက တနင်္ဂနွေနေ့က ပြောကြားကြောင်း CNN သတင်းတွင် ဖော်ပြသည်။
ဂါဇာကမ်းမြောင်ကို ၂၀၀၇ ခုနှစ်ကတည်းက ထိန်းချုပ်ထားသည့် ဟားမတ်စ်တို့ အစ္စရေး၏ လေကြောင်းတိုက်ခိုက်မှုကြောင့် မိသားစုတစ်စုမှ အရပ်သား ၁၀ ဦးသေဆုံးကြောင်း ပြောကြားသည်။ အစ္စရေးကလည်း ဟားမတ်စ်တို့က တနင်္ဂနွေနေ့တစ်ရက်တည်းတွင် အစ္စရေးနယ်မြေထဲသို့ ဒုံးကျည် ၁၅၀ ခန့်ဖြင့် ပစ်ခတ်တိုက်ခိုက်ကြောင်း ပြောကြားသည်။
ပြီးခဲ့သည့်သီတင်းပတ် ဗုဒ္ဓဟူးနေ့က စတင်ခဲ့ပြီး ၅ ရက်ကြာမြင့်ခဲ့ပြီဖြစ်သည့် အစ္စရေးနှင့်ဟားမတ်စ် အပြန်အလှန် တိုက်ခိုက်မှုများအတွင်း ပါလက်စတိုင်း ၈၆ ဦးနှင့် အစ္စရေး ၃ ဦး သေဆုံးခဲ့ပြီးဖြစ်ကြောင်း BBC World News က ပြောကြားသည်။
No comments:
Post a Comment