စစ်တွေတွင် တည်ဆောက်နေသော ကုလားတန်ရေနက် ဆိပ်ကမ်း စီမံကိန်းအတွက် မြစ်ကြောင်း တူးဖော်ခြင်း လုပ်ငန်းများကို စတင်ဆောင်ရွက်နေ ပြီဖြစ်သည်။ ကုလားတန်စီမံကိန်း စစ်တွေရေနက် ဆိပ်ကမ်းတွင် ပင်လယ်ကူး သင်္ဘောများ သွားလာနိုင်ရန် အတွက်မြစ်ကြောင်း ရှင်းလင်းခြင်း ၊သောင်တူးခြင်း လုပ်ငန်းများအား ပြီးခဲ့သည့်လမှစ၍ လုပ်ဆောင်နေခြင်းဖြစ် သည်။''စစ်တွေရေနက်ဆိပ်ကမ်းမှာ ပင်လယ်ကူးသင်္ဘောတွေ ဆိုက်ကပ်နိုင်အောင်လို့ပါ၊ သောင်တူး သင်္ဘော ကြီး တွေနဲ့ အခု ဆောက်လုပ်နေတဲ့ ဆိပ်ကမ်းအနီးမှာ သောင်တူးနေတယ်၊ အဲဒီသဲ တွေကို ပင်လယ်ပြင် မှာသွားချတယ်"ဟု အဆိုပါစီမံကိန်းတွင် အလုပ်လုပ်နေ သည့် ဒေသခံတစ်ဦးကရှင်းပြသည်။
ယခုဆောက်လုပ်နေသည့် စစ်တွေရေနက်ဆိပ်ကမ်းမှာ ပင်လယ်ကူးသင်္ဘောများ ဝင်ထွက်သွားလာရန် ခက်ခဲလာနိုင်သည့်အတွက် ဆိပ်ကမ်းအနီးရှိ မြစ်ကြောင်းများအား သောင်တူးသင်္ဘောများဖြင့် တူးဖော်နေခြင်းဖြစ် သည်။
ကုလားတန်မြစ်ဝမှာ သောင်ထွန်းမှုများဖြစ်နေသည့်အတွက် ပြည်တွင်းခရီးသွားအမြန်ရေယာဉ်များ ၊မော်တော် ဘုတ်များ ပင်သွားလာရန် ခက်ခဲနေသည်။
စစ်တွေကုလားတန်ရေနက်ဆိပ်ကမ်းသည် အိန္ဒိယနိုင်ငံ၏ အရှေ့မြောက်ပြည်နယ်များအတွက် ကုန်စည် စီးဆင်းရန်အတွက် ကြားခံဆိပ်ကမ်းတစ်ခုဖြစ်သည်။
အိန္ဒိယနိုင်ငံကလကတ္တားမှ ပင်လယ်ကူးသင်္ဘောများဖြင့် ကုန်စည်များကို စစ်တွေဆိပ်ကမ်းသို့ သယ်ယူ မည် ဖြစ်ပြီး စစ်တွေမှတစ်ဆင့် ပလက်ဝ ၊ အိန္ဒိယနိုင်ငံ မီဇိုရမ်ပြည်နယ်သို့ ကုန်စည်တင်ပို့ မည်ဖြစ်ရာ အိန္ဒိယနိုင်ငံ မီဇိုရမ်ပြည်နယ်မှတဆင့် ကုန်စည်များကို နိုင်ငံတကာသို့ တင်ပို့နိုင်ရန် လုပ်ဆောင်နေခြင်း လည်းဖြစ်သည်။
''စစ်တွေ ရေနက်ဆိပ်ကမ်းက အိန္ဒိယနိုင်ငံ အတွင်း ကုန်စည်ပို့ဆောင်ရေးအတွက် ကြားခံစခန်းတစ်ခုပေါ့၊ ဘာလို့ဆိုတော့ အိန္ဒိယ အရှေ့မြောက်ပြည်နယ်တွေကို ကုန်စည်တွေပို့တဲ့အခါ သူတို့မှာ အခက်အခဲတွေရှိ လို့နေမှာ ၊ ဘာလို့ဆိုတော့ အရှေ့မြောက်ပြည် နယ်တွေ ဟာ တောင်ထူ ထပ်တဲ့ ပြည် နယ်တွေ ဖြစ်တဲ့ အတွက် ကုန်းတွင် သွားလာရခက်ခဲတယ်၊ အကုန်အကျလည်း များတယ်၊ ဒါကြောင့်ရေကြောင်း လမ်းကို ရွေးချယ်ကြတာ နေမှာ '' ဟု စစ်တွေမြို့မှ စီးပွားရေး လုပ်ငန်းရှင်တစ်ဦးက ပြောသည်။
ပလက်ဝမှတစ်ဆင့် ကလက်ဝ၊ စက်ပင်ပြင်မြစ်ဝ အိန္ဒိယ မြန်မာနယ်စပ် မီဇိုရမ်ပြည်နယ်သို့ အဝေးပြေး ကားလမ်းမကြီးအတိုင်းကုန်စည် သယ်ယူပို့ဆောင်မည်ဖြစ်သည်။
အဆိုပါကုလား တန်ဘက်စုံဖွံ့ဖြိုးရေးစီမံကိန်းတွင် အမေရိကန် ဒေါ်လာ သန်း၁၂၀ကျော် ကုန်ကျမည်ဖြစ်ရာ ၂၀၀၈ခုနှစ် ဧပြီလအတွင်းက စာချုပ်ချုပ်ဆိုခဲ့ရာ အိန္ဒိယနိုင်ငံ Essar ကုမ္ပဏီမှ တာဝန်ယူ ဆောက်လုပ်
နေခြင်း ဖြစ်သည်။
စီမံကိန်းကို ၂၀၀၉ခုနှစ်တွင် စတင်ခဲ့ရာ ၂၀၁၃ခုနှစ်အပြီးသတ်ဆောက်လုပ်ရန်လျာထားသည်ဟု သိရ သည်။
(မြစ်မခ)
Myit Makha Mediagroup
No comments:
Post a Comment