၂၀၀၈ ခုနှစ် ဖွဲ့စည်းပုံအခြေခံ ဥပဒေတွင် ပြင်ဆင်ရမည့် အချက်များ
အများအပြားရှိနေပြီး အဆိုပါပြုပြင်ရမည့် အချက်များ အား
ပြန်လည်ပြင်ဆင်နိုင်ရန် စစ်တမ်းများ ကောက်ယူထားပြီး အခွင့်သာသည့်အ ချိန်၌
ပြင်ဆင်သွားမည်ဖြစ်ကြောင်း ပြည်
သူ့လွှတ်တော် တရားစီရင်ရေးနှင့်
ဥပဒေရေးရာကော်မတီ ဥက္ကဋ္ဌ သူရ ဦးအောင်ကိုက ပြောကြားခဲ့သည်။
အဆိုပါ ပြောကြားချက်အား ဖေဖော်ဝါရီလ ၂ ရက်က ရန်ကုန်မြို့ရှိ
ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်ရုံးတွင်
ပြည်သူ့လွှတ်တော် တရားစီရင်ရေးနှင့် ဥပဒေရေးရာ ကော်မတီ၊ မြန်မာနိုင်ငံ
စာနယ်ဇင်းကောင်စီနှင့် ရှေ့နေများကွန်ရက်တို့ တွေ့ဆုံဆွေးနွေးခဲ့သည့်
မြန်မာနိုင်ငံအတွင်း လက်ရှိဖြစ်ပွားနေသည့် တရားစီရင်ရေးနှင့်
ဥပဒေရေးရာများအကြောင်း ဆွေးနွေးပွဲတွင် ပြောကြားခဲ့ခြင်းဖြစ်သည်။
ဒီမိုကရေစီနိုင်ငံအဖြစ် ကူးပြောင်းပြီးနောက် အဓိကအကျဆုံးဥပဒေအဖြစ်
ရပ်တည်နေသည့် ၂၀၀၈ ခုနှစ် ဖွဲ့စည်းပုံအခြေခံဥပဒေနှင့် ပတ်သက်၍
သူရဦးအောင်ကိုက ''ဖွဲ့စည်းပုံအ ခြေခံဥပဒေထဲမှာ ပြင်ဆင်ရမယ့် ဥပဒေတွေ
အများကြီးရှိနေပါတယ်။ ဒီလို မဖြစ်မနေ ပြင်ဆင်သင့်တဲ့ ဖွဲ့စည်းပုံ
အခြေခံဥပဒေတွေကို စုပေးပါ။ စုပြီး ပြင်ဆင်နိုင်အောင် ကြိုးပမ်းပါ့မယ်''ဟု
ပြောကြားခဲ့သည်။
အဆိုပါဖွဲ့စည်းပုံ အခြေခံဥပဒေ အား ပြင်ဆင်မည်ဆိုပါက
ဒီမိုကရေစီနိုင်ငံများ၌ အဓိကကျသည့် မဏ္ဍိုင်သုံးရပ်အပြင်
အဆိုပါမဏ္ဍိုင်သုံးရပ်အား စောင့်ကြည့်သည့် အခန်းကဏ္ဍ နေရာတွင် ရှိနေသော်လည်း
ဖွဲ့စည်းပုံ အခြေခံဥပဒေတွင် ပါဝင်မှုမရှိသည့် စတုတ္ထမဏ္ဍိုင်ဆိုသည့်
စကားစုနှင့် တာဝန်များအား ဖွဲ့စည်းပုံအခြေခံ ဥပဒေ၌ပင် ထည့်သွင်းသင့်ကြောင်း
တက်ရောက်သူတစ်ဦးက ဆွေးနွေးခဲ့သည်။
ဖွဲ့စည်းပုံ အခြေခံဥပဒေတွင် မဖြစ်မနေ ပြင်ဆင်ရန် လိုအပ်နေသည့်အချက်အဖြစ်
ဖွဲ့စည်းပုံအခြေခံဥပဒေ ပုဒ်မ ၃၅၄ အား ပြန်လည်သုံးသပ် ပြင်ဆင်ရန်
လိုအပ်ကြောင်းလည်း တရားလွှတ်တော် ရှေ့နေဦးကိုနီက ပြောကြားခဲ့သည်။
အဆိုပါပုဒ်မတွင် နိုင်ငံသားများအနေဖြင့် မိမိတို့၏ ယုံကြည်ချက်၊
ထင်မြင်ယူဆချက်များအား လွတ်လပ်စွာ ထုတ်ဖော်ပြောဆိုခွင့်၊
ရေးသားဖြန့်ဝေခွင့်၊ လက်နက်မပါဘဲ ငြိမ်းချမ်းစွာ စုဝေးခွင့်၊
စီတန်းလှည့်လည်ခွင့် စသည့်အချက်များနှင့် အခြားအချက်များအား
ထည့်သွင်းဖော်ပြထားသော်လည်း ၂၀၁၂ ခုနှစ်အတွင်း ပြဋ္ဌာန်းခဲ့သည့်
ငြိမ်းချမ်းစွာ စုဝေးခြင်းနှင့် ငြိမ်းချမ်းစွာ စီတန်းလှည့်လည်ခွင့်
နည်းဥပဒေပါပုဒ်မအချို့မှာ ဖွဲ့စည်းပုံအခြေခံဥပဒေနှင့်
ဆန့်ကျင်ဘက်ဖြစ်နေကြောင်း ဦးကိုနီက ဆိုပါသည်။
''ဖွဲ့စည်းပုံအခြေခံဥပဒေမှာ လွတ်လပ်စွာ လုပ်ကိုင်နိုင်ဖို့
အခွင့်ပေးထားပေမယ့် ငြိမ်းချမ်းစွာ စုဝေးခြင်း နှင့် ငြိမ်းချမ်းစွာ
စီတန်းလှည့်လည်ခွင့် နည်းဥပဒေမှာက ဆန္ဒပြချင်ရင် မြို့နယ်ရဲတပ်ဖွဲ့မှူးဆီ
တင်ပြရတယ်။ ဒီလိုကိုယ့်ကို ဖမ်းမယ့်သူတွေကို တင်ပြရတော့
ဘယ်လိုပဲဥပဒေနဲ့အညီပဲတင်တင် ခွင့်မပြုဘူး။ အပြည်ပြည်ဆိုင်ရာ
ငြိမ်းချမ်းရေးနေ့မှာဆို ငြိမ်းချမ်းစွာ လမ်းလျောက်တဲ့ လူငယ်တွေကို
မြို့နယ် ၁၀ မြို့နယ်က အမှုဖွင့်တယ်။ ဖွဲ့စည်းပုံအခြေခံဥပဒေမှာ
လွတ်လပ်စွာပဲပါတယ်။ ရဲမှူးဆီတင်ပြရမယ်လို့ မပါပါဘူး''ဟု ဦးကိုနီက
ပြောကြားခဲ့သည်။
ထိုသို့ ငြိမ်းချမ်းစွာ စုဝေးခြင်းနှင့် ငြိမ်းချမ်းစွာ
စီတန်းလှည့်လည်ခွင့် နည်းဥပဒေပါ ပုဒ်မအချို့အတွက်
ဆွေးနွေးမှုများပြုလုပ်ခဲ့စဉ်က ပြည်ထဲရေးဝန်ကြီးဌာနအနေဖြင့်
လုံခြုံရေးအတွက်သာ ထည့်သွင်းခဲ့ခြင်းဖြစ်ပြီး ဖွဲ့စည်းပုံ အခြေခံဥပဒေနှင့်
ကိုက်ညီမှုမရှိသည့် ပုဒ်မအချို့အား ပြင်ဆင် နိုင်ရန် ပြန်လည်တင်ပြမည်ဟု
ပြည်သူ့လွှတ်တော် တရားစီရင်ရေးနှင့် ဥပဒေရေးရာ ကော်မတီမှ ဦးခင်မောင်ဝင်းက
ပြောကြားခဲ့သည်။
၂၀၀၈ ခုနှစ် ဖွဲ့စည်းပုံအခြေခံ ဥပဒေတွင် ဒီမိုကရက်တစ်တန်ဖိုးများနှင့်
ကိုက်ညီမှုမရှိသည့် ပုဒ်မများ အား ပြင်ဆင်လိုကြောင်းနှင့် ပြင်ဆင်လိုသည့်
ပုဒ်မများရှိနေကြောင်း အမျိုးသားဒီမိုကရေစီအဖွဲ့ချုပ်ဥက္ကဋ္ဌ ပြည်သူ့လွှတ်တော်
ကိုယ်စားလှယ် ဒေါ်အောင်ဆန်းစုကြည်က ဇန်န၀ါရီလ ၂၅ ရက်က အမေရိကန်နိုင်ငံ
ဟာဝိုင်ယီပြည်နယ်ရှိ East-West Center တွင် ပြောကြားခဲ့သည်။
ထို့ပြင် ဒေါ်အောင်ဆန်းစုကြည်က တစ်ဦးတစ်ယောက်အား ရည်ရွယ်ရေးဆွဲထားသည့်
မည်သည့်ဖွဲ့စည်းပုံ အခြေခံဥပဒေကိုမဆို တရားမျှတသည်ဟု မထင်ကြောင်းနှင့်
ဒီမိုကရက်တစ် မဖြစ်ကြောင်းလည်း ပြော ကြားခဲ့သည်။
''ဖွဲ့စည်းပုံအခြေခံဥပဒေထဲမှာ ပါနေတဲ့ နိုင်ငံသား တိုင်းရင်းသား
အခွင့်အရေးတွေ အပြည့်အ၀မရ ဖြစ်နေတာတွေကိုလည်း
အပြည့်အ၀ရရှိအောင်ဆောင်ရွက်ပါမယ်။ အခြေခံဥပဒေပါ အချက်တွေကို
ပြင်နိုင်ဖို့အတွက် ပြင်သင့်တာအားလုံး စုစည်းပေးကြပါ''ဟုလည်း
သူရဦးအောင်ကိုက ပြောကြားခဲ့သည်။
အဆိုပါ ဖွဲ့စည်းပုံအခြေခံဥပဒေအား ပြင်ဆင်မည်ဆိုပါက ပြင်ဆင်သည့်
ဥပဒေမူကြမ်းအား ပြည်ထောင်စုလွှတ်တော်တွင် တင်သွင်းရန် လိုအပ်ပြီး
လွှတ်တော်တွင်း ဆွေးနွေးနိုင်ရန် ပြည်ထောင်စုလွှတ်တော်ရှိ လွှတ်တော်
ကိုယ်စားလှယ် စုစုပေါင်း၏ ၂၀ ရာ ခိုင်နှုန်း၏ ထောက်ခံမှုရရှိရန်
လိုအပ်ကြောင်း ၂၀၀၈ ခုနှစ် ဖွဲ့စည်းပုံ အခြေခံဥပဒေအရ သိရသည်။
ဖွဲ့စည်းပုံ အခြေခံဥပဒေများထဲမှ အခန်း ၁ ပုဒ်မ ၁ မှ ၄၈ အထိ၊ အခန်း ၂
ပုဒ်မ ၄၉ မှ ၅၆ အထိ၊ အခန်း ၃ ပုဒ်မ ၅၉၊ ၆၀၊ အခန်း ၄ ပုဒ်မ ၇၄၊ ၁၀၉၊ ၁၄၁၊
၁၆၁၊ အခန်း ၅ ပုဒ်မ၂၀၀၊ ၂၀၁၊ ၂၄၈၊ ၂၇၆၊ အခန်း ၆ ပုဒ်မ ၂၉၃၊ ၂၉၄၊ ၃၀၅၊ ၃၁၄၊
၃၂၀၊ အခန်း ၁၁ ပုဒ်မ ၄၁၀ မှ ၄၃၂ အထိ၊ အခန်း ၁၂ ပုဒ်မ ၄၃၆ ရှိ
ပြဋ္ဌာန်းချက်များအား ပြင်ဆင်မည်ဆိုပါက ပြည်ထောင်စုလွှတ်တော်
ကိုယ်စားလှယ်အားလုံး၏ ၇၅ ရာခိုင် နှုန်းကျော်က ပြင်ဆင်ရန် သဘောတူရမည်ဖြစ်ကာ
ပြည်လုံးကျွတ်ဆန္ဒ မဲခံယူ၍ မဲပေးခွင့်ရှိသူ အားလုံး၏ ထက်ဝက်ကျော်
ထောက်ခံမဲရရှိမှသာ ပြင်ဆင်နိုင်မည်ဖြစ်ကြောင်း ၂၀၀၈ ခုနှစ်
ဖွဲ့စည်းပုံအခြေခံဥပဒေအရ သိရသည်။
EMG
No comments:
Post a Comment