Monday, March 18, 2013

မန်း မဟာမုနိဘုရားကြီးဝန်းအတွင်း ၀ိုင်းဝန်းရိုက်နှက်မှုဖြစ်ပွား

ကလေးချီထားသောအမျိုးသမီးတစ်ဦးအား မန်းမဟာမုနိဘုရားကြီးဝန်းအတွင်း အမျိုးသမီး ၆ယာက် ၇ယောက်ခန့်က မတ်၁၅ ရက်တွင် ၀ိုင်းဝန်းရိုက်နှက်မှုဖြစ်ပွားခဲ့ကြောင်းသိရသည်။
ဖြစ်စဉ်မှာ ယခုလ ၁၅ရက် နေ့ မနက် ၉နာရီခန့် ကိုအောင်နိုင်စိုးနှင့် မအေးမြဝေတို့မှာ ဘုရားကြီး အရှေ့ဘက်စောင်းတန်းရှိ မိမိ ဆိုင်ခန်းတွင် ဆိုင်ဖွင်ရန်လာရောက်ရာတွင် မိမိဆိုင်ဝန်းကျင်ရှိ အမျိုးသမီး တစ်ချို့မှ ရိုက်နှက်ခဲ့ရာ ကိုအောင်နိုင်စိုးမှာ ထွက်ပြေး ခဲ့ကြောင်း မအေးမြဝေတစ်ဦးတည်းသာ ကျန်ရစ်ခဲ့ပြီး ၀ိုင်းဝန်း ရိုက်နှက်ကြကြောင်း ရိုက်နှက်စဉ် မအေးမြဝေတွင် ၉လသား အရွယ်ကလေးတစ်ဦးပါရှိပြီး ရိုက်နှက်ခံရမှုကြောင့် ဦးခေါင်းပေါက်ပြဲနှင့် တခြားပွန်းပဲ့ဒဏ်ရာများရရှိခဲ့ကာ မန်းလေးပြည်သူ့ဆေး ရုံကြီး ဦးနှောက်နှင့် အာရုံကြော ဌာနသို့ ဆေးရုံတက်ခဲ့ရကြောင်း ကိုအောင်နိုင်စိုးက ပြောသည်။ 
အဆိုပါဖြစ်စဉ်မဖြစ်ပွားမီ မတ်၁၄ရက်နေ့ညနေပိုင်းတွင် ကိုအောင်နိုင်စိုးမှာ အရက်သေစာသောက်စားပြီး ပတ် ၀န်ကျင်အား ကြမ်း တမ်းသောစကားလုံများ၊ ဆဲဆိုကြိမ်းမောင်းနေသောကြောင့် ပတ်ဝန်းကျင်မှ အမျိုးသမီး များက ၀ိုင်းဝန်းရိုက်နှက်မှုကြောင့် ထွက်ပြေးခဲ့သေးကြောင်းနောက်နေ့မနက်ဆိုင်လာဖွင့်ချိန်တွင်ပတ်ဝန်းကျင် မှ အခဲမကြေဖြစ်ကာ ထပ်မံရိုက်နှက်ခဲ့ခြင်းဖြစ်ကြောင်း ရိုက်နှက်ရာတွင် အမျိုးသားများမပါဝင်ကြောင်း မျက်မြင် တွေ့ရှိသူတစ်ချို့ က ပြောသည်။ 
သူက အဲ့နေ့ညက ဆဲဆိုနေတာ မိုက်မိုက်ရိုင်းရိုင်းပဲ။ သားပျိုသမီးပျိုတွေ မကြားဝံမနာစာတွေချည်းပဲ။ အဲ့တော့ ပတ်ဝန်းကျင်က ဘယ်သည်း ခံနိုင်ပါ့မလဲ။ အဲ့တော့ ၀ိုင်းရိုက်ကျတော့ပေါဟု တွေမြင်ခဲ့သူ တစ်ဦး က ပြောသည်။ 
ကိုအောင်နိုင်စိုးမှာ မဟာမြတ်မုနိဘုရားကြီးတွင် လုံခြုံရေးတာဝန်ထမ်းဆောင်ဖူးကြောင်း ဘုရားလူကြီး များ ဖင့် အဆင်ပြေသောကြောင့် မိမိအားမနာလို ရိုက်နှက်ကျခြင်းဖြစ်ကြောင်း မိမိအမျိုးသမီးအား မဆိုင်ဘဲ ရိုက်နှက်ကျသောကြောင့် တရားဥပဒေကြောင်းအရ အရေးယူသွားမည်ဖြစ်ကြောင်း ကိုအောင်နိုင်စိုး ပြော သည်။
အဆိုပါဖြစ်စဉ်နှင့်ပတ်သက်ပြီး အမှတ် ၁၀ရဲစခန်းတွင် နှစ်ဦးနှစ်ဖတ် အပြန်လှန်တရားစွဲဆိုထားကြာင်း ရဲစခန်းမှ ပ/၇၅(၂၀၁၃)ပုဒ်မ ၂၉၄ဆဲရေးတိုင်းထွာမှု၊ ပုဒ်မ ၃၂၅ရိုက်နှက်မှု၊ ပုဒ်မ ၅၀၆ ကြိမ်းဝါးမှု စသည့် အမှုများဖြင့် နှစ်ဖတ်လုံးအား အမှုဖွင့်ပေး ထားကြောင်း အမှုအား နှစ်ဦးနှစ်ဖတ် စစ်ဆေးဆဲဖြစ်ကြောင်း တာဝန်ကျရဲမှူးက ပြောသည်။

ref:Popular Myanmar News Journal

No comments:

Post a Comment