ယင်းကဲ့သို့ စာစစ်နေစဉ်ကာလအတွင်း စာစစ်လွှာများ လုံခြုံရေးအတွက် ရန်ကုန်တက္ကသိုလ်နှင့် ဒဂုံတက္ကသိုလ်အတွင်းရှိ စားသောက်ဆိုင် (ကန်တင်း) များကို မေလကုန်အထိ ပိတ်ထားရကြောင်းနှင့် ရန်ကုန်တက္ကသိုလ်ရှိ တောင်ငူဆောင်၊ ရာမညဆောင်များကို သွပ်ပြားများဖြင့် ပတ်လည်ကာရံထားပြီး နေ့လယ်စာစားချိန်တွင် ဆရာ၊ ဆရာမများအတွက် စားသောက်နိုင်ရန် စာစစ်ဌာနထိပ်ရှိ ဒဂုံလမ်းပေါ်၌ လမ်းဘေးဈေးသည်အချို့က ထမင်းဟင်းလျာများ လာရောက်ရောင်းချကြောင်း ရန်ကုန် တက္ကသိုလ်ရှိ ဝန်ထမ်းအချို့ထံမှ သိရသည်။
"ကျွန်တော်တို့ ဒဂုံတက္ကသိုလ်မှာ ပဲခူးတိုင်းကလာတဲ့ ဆရာ၊ ဆရာမတွေရှိတယ်။ ကြို့ပင်ကောက် တို့၊ ပြည်တို့ကလာတဲ့ ဆရာ၊ ဆရာမတွေဆို တော်တော်ဒုက္ခရောက်ကြတယ်။ ဟိုတုန်းကလို မသမာမှုတွေ ရှိမှာစိုးလို့ ကျောင်းကိုလုံခြုံရေးအရ မနက် ၈ နာရီကနေ ၄ နာရီခွဲအထိ ပိတ်ထားတယ်။ မြို့ထဲဘက် ပြန်ရတဲ့၊ ဆရာ၊ ဆရာမတွေအတွက် ကားတွေကခပ်ကျဲကျဲဖြစ်သွားတော့ နောက်ကျတာတွေဖြစ် တယ်။ ဆရာ၊ ဆရာမတွေ ထမင်းချက်ရတာလည်း အရမ်းပဲခက်ခဲကြတယ်" ဟု ဒဂုံတက္ကသိုလ် ရူပဗေဒဌာနမှ ဆရာဦးဇော်မျိုးလှိုင်က လူထုပုံရိပ်သို့ပြောသည်။
ထို့အပြင် ဆရာ၊ ဆရာမများအတွက် ပိုမိုအဆင်ပြေလွယ်ကူပြီး တိုကင်ဖြင့်စားသုံးနိုင်သော အခမဲ့စား ရိပ်သာများ၊ စီစဉ်ပေးသင့်ကြောင်း ၎င်းကဆိုသည်။
"ဆရာ၊ ဆရာမတွေ စိတ်ပင်ပန်းနေရင် စာစစ်တဲ့အခါမှာလည်း စိတ်ပညာအရ အနည်းနဲ့အများ ထိခိုက်မှု ရှိနိုင်တယ်။ စာစစ်တဲ့ error မတက်အောင် စာစစ်သူတွေကို စိတ်ကျေနပ်အောင် ထားပေး သင့်တယ်" ဟုအငြိမ်းစား စိတ်ပညာပါမောက္ခတစ်ဦးက မှတ်ချက်ပြုပြောကြားသည်။
စာစစ်ဆရာ၊ ဆရာမများသည် စာစစ်ကြေးရရှိသော်လည်း ဘာသာရပ်အလိုက်မူတည်၍ ခရီးစရိတ်၊ စားစရိတ်ရရှိမှု မတူညီကြောင်းနှင့် ယခုနှစ် စာစစ်ကြေးသည် ယခင်နှစ်များထက်ပိုရကြောင်း ရန်ကုန် တက္ကသိုလ်မှ ပါမောက္ခတစ်ဦးကဆိုသည်။
စာစစ်ရာတွင် ရန်ကုန်တိုင်းဒေသကြီးအတွင်းရှိ ကျောင်းများမှ အဖြေလွှာများကို ရန်ကုန်တိုင်းအတွင်း စစ်ဆေးပြီး ပဲခူးတိုင်းဒေသကြီးရှိကျောင်းများမှ အဖြေလွှာများကို ရန်ကုန်မြို့ ဒဂုံတက္ကသိုလ်အတွင်း စစ်ဆေးလျက်ရှိကြောင်း သိရသည်။ ဘာသာရပ်ဌာနတစ်ခုလျှင် တက္ကသိုလ်ဆရာများနှင့် အထက်တန်း ပြစုစုပေါင်း နှစ်ရာကျော်ရှိကြောင်း ဒဂုံတက္ကသိုလ်မှ သိရသည်။
ယင်းကိစ္စနှင့်ပတ်သက်၍ အဆင့်မြင့်ပညာဦးစီးဌာန (အောက်မြန်မာပြည်) ညွှန်ကြားရေးမှူးချုပ် ဦးဇော်ဌေးထံသို့ တယ်လီဖုန်းဖြင့် ဆက်သွယ်မေးမြန်းရာ "မင်းတို့ကြားရင် ကြားတဲ့အတိုင်းရေး၊ မင်းတို့ ကိုဘယ်သူပြော တာလဲ၊ ပြောတဲ့လူရှိရင် ရေးလိုက်" ဟု ၎င်းကပြန်လည်ဖြေကြားသည်။
လူထုပုံရိပ် ဂျာနယ်
မောက္ခ မဂ္ဂဇင်း
No comments:
Post a Comment