ရှမ်းပြည်နယ် (တောင်ပိုင်း) ကလော မြို့နယ်အတွင်း ယနေ့မှ စတင်၍ ပြည်သူများက
CDMA 800-MHz မိုဘိုင်းလ်ဖုန်းများအား ဝယ်ယူခွင့်ရရှိရေး ကလောမြို့နယ်
အထွေထွေအုပ်ချုပ်ရေး ဦးစီး ဌာနရုံး၌ လျှောက် ထားလျက် ရှိကြောင်း သိရသည်။
အဆိုပါ CDMA 800-MHz မိုဘိုင်းလ်ဖုန်းအား ဧပြီ ၂ဝရက် နှင့်၂၁
ရက်တွင် လျှောက်လွှာ၊ မှတ်ပုံတင် မိတ္တူ၊ အိမ်ထောင်စု စာရင်းတို့ဖြင့်
လျှောက်ထားနိုင်ပြီး ဧပြီ ၂၂ ရက်တွင် လျှောက်လွှာ အရေအတွက်ပေါ် မူတည် ၍
မဲနှိုက် ပေးမည်ဖြစ်သည်။ကလောမြို့နယ် အတွင်း CDMA 800-MHz မိုဘိုင်းလ်ဖုန်း ၄၂ဝဝ လုံး ရောင်းချပေးမည် ဖြစ်၍ မဲပေါက်သော ပြည်သူ ၄၂ဝဝ ဦးအား ဧပြီ ၂၄ ရက် တွင် စတင် ရောင်းချ ပေးသွားမည် ဖြစ်၍ CDMA 800-MHz မိုဘိုင်းလ် ဖုန်းများအား တောင်ကြီး၊ ကလော၊ ဗထူး၊ ခိုလမ်၊ အောင်ပန်း၊ ဆီဆိုင်၊ ဟိုပုံး၊ မိုင်းပန်၊ လင်းခေး မြို့များတွင် မဲစနစ်ဖြင့် ရောင်းချ ပေးသွားမည် ဖြစ်ကြောင်း သတင်း ရရှိသည်။
မြ၀တီ
No comments:
Post a Comment