Friday, November 15, 2013

အထက်မင်းလှ မလွန်မြိ့ဟောင်းမှ မဟာဗန္ဓုလ အရိုးဂူ စေတီ

Photo: အထက်မင်းလှ မလွန်မြိ့ဟောင်းမှ မဟာဗန္ဓုလ အရိုးဂူ စေတီ
Friday, 15 November 2013

မကွေးတိုင်း ဒေသကြီး အထက်မင်းလှ မလွန်မြို့ဟောင်း မြသပိတ်စေတီ၏ တောင်ဘက် ဆင်ခြေလျှောတွင် စစ်သူကြီး သတိုးသုဓမ္မ မဟာဗန္ဓုလ၏ ဗိမာန် ကြေးရုပ်ကြီးနှင့် အတူ အရိုးဂူ စေတီကိုလည်း တွေ့ရသည်။ စစ်သူကြီး မဟာဗန္ဓုလ၏ ဗိမာန်တွင် ကမ္ပည်းစာတန်း ထိုးထားပြီး ကြေးရုပ်၏ အနောက်ဘက်တွင် မဟာဗန္ဓုလ၏ ''အရိုးဂူစေတီ'' ကို တွေ့မြင်ရသည်။

စစ်သူကြီး မဟာဗန္ဓုလသည် ရွှေထီးအောက်၌ တိုက်ခိုက်မှု အရေးအရာများကို ညွှန်ကြား ကွပ်ကဲနေစဉ် ဗုံးဆန်များ ကျရောက်လာကာ၊ စစ်သူကြီး မဟာဗန္ဓုလ မြေပေါ် ပုံကျ သွားခဲ့လေ၏။ တပ်ပျက်သွားမည် စိုးသဖြင့် အနီးရှိ စစ်ကဲ၊ တပ်မှူးများက တိုက်ခိုက်ရေးကို စီမံကွပ်ကဲလျက် ဗန္ဓုလ၏ အလောင်းကို ၃၂ ခန်း ရှိသော ဗန္ဓုလ၏ တပ်တွင်းရှိ အိမ်တော်သို့ ယူဆောင် သွားကြ၏။ ထိုနေ့ကား သက္ကရာဇ် ၁၁၈၆ ခုနှစ် နှောင်း တန်ခူးလဆန်း ၁၄ ရက် ခရစ်နှစ် ၁၈၂၅ ဖြစ်သည်။

စစ်ကဲကြီး၊ အတွင်းဝန်ကြီး မင်းလှရာဇာနှင့် မြို့လတ်ဝန်မင်းကြီး မဟာမင်းလှမင်းခေါင် တို့က ဗန္ဓုလ၏ အလောင်းကို ရွှေထီးဖြင့် ဖြန့်မိုးကာ ဓနုဖြူ ခံတပ်မှာပင် ချက်ချင်း မီးသင်္ဂြိုဟ် လိုက်သည်။

ထို့နောက် အရိုးအိုးကို ကောက်ယူ၍ စစ်မက်တော်များ အုပ်စည်းမပျက် ဓနုဖြူခံတပ်မှ ဆုတ်ခွာကြသည်။ စစ်သည် ဗိုလ်မှူးတို့သည် ဗန္ဓုလ အရိုးစုကို ရွှေအိုးဖြင့် ထည့်ကာ ယာယီ ဂူသွင်း၍ ထားရှိ ခဲ့ကြသည်။

အထက်မင်းလှမြို့ မလွန်စခန်းသို့ ရောက်ရှိစဉ် အရိုးအိုးကို ဗိုလ်မှူး မင်းရဲခေါင်က ဂူသွင်း ထိန်းသိမ်းထားစဉ် နေပြည်တော်မှ တပ်များ အမြန်ဆုတ်ခဲ့ရန် အမိန့်ကြောင့် အရိုးဂူမှာ မလွန်မြို့၌ ကျန်ခဲ့သည်။ မင်းလှ ခံတပ်မှ ဗလမင်းထင်နှင့် အခြား ဗိုလ်မှူးများက အရိုးဂူ မပျက်စေရန် အပေါ်စေတီ တည်ထားခဲ့သည်။ မူလ ခွေးလင်း ပန်းချောင်းကမ်းပါးပေါ်၌ တည်ရှိရာ ကမ်းပါးပြိုကျမှု ရှိသဖြင့် ၁၉၆၄ ခုနှစ်တွင် ရှေးဟောင်း သုတေသန အဖွဲ့က ရေလွတ်ရာ မလွန် မြသပိတ်စေတီ ကုန်းတော် စောင်းတန်း၏ တောင်ဘက်၌ မူလ ပုံအတိုင်း ပြန်လည် တည်ဆောက် ထိန်းသိမ်းထားကြောင်း သိရသည်။

မကွေးလှမြင့် - မြ၀တီသတင်း
မကွေးတိုင်း ဒေသကြီး အထက်မင်းလှ မလွန်မြို့ဟောင်း မြသပိတ်စေတီ၏ တောင်ဘက် ဆင်ခြေလျှော တွင် စစ်သူကြီး သတိုးသုဓမ္မ မဟာဗန္ဓုလ၏ ဗိမာန် ကြေးရုပ်ကြီးနှင့် အတူ အရိုးဂူ စေတီကို လည်း တွေ့ ရသည်။
စစ်သူကြီးမဟာဗန္ဓုလ၏ ဗိမာန်တွင် ကမ္ပည်းစာတန်း ထိုးထားပြီး ကြေးရုပ်၏ အနောက်ဘက်တွင် မဟာဗန္ဓုလ ၏ ''အရိုးဂူစေတီ'' ကို တွေ့မြင်ရသည်။

စစ်သူကြီး မဟာဗန္ဓုလသည် ရွှေထီးအောက်၌ တိုက်ခိုက်မှု အရေးအရာများကို ညွှန်ကြား ကွပ်ကဲနေစဉ် ဗုံးဆန်များ ကျရောက်လာကာ၊ စစ်သူကြီး မဟာဗန္ဓုလ မြေပေါ် ပုံကျ သွားခဲ့လေ၏။ တပ်ပျက်သွားမည် စိုးသဖြင့် အနီးရှိ စစ်ကဲ၊ တပ်မှူးများက တိုက်ခိုက်ရေးကို စီမံကွပ်ကဲလျက် ဗန္ဓုလ၏ အလောင်းကို ၃၂ ခန်း ရှိသော ဗန္ဓုလ၏ တပ်တွင်းရှိ အိမ်တော်သို့ ယူဆောင် သွားကြ၏။ ထိုနေ့ကား သက္ကရာဇ် ၁၁၈၆ ခုနှစ် နှောင်း တန်ခူးလဆန်း ၁၄ ရက် ခရစ်နှစ် ၁၈၂၅ ဖြစ်သည်။

စစ်ကဲကြီး၊ အတွင်းဝန်ကြီး မင်းလှရာဇာနှင့် မြို့လတ်ဝန်မင်းကြီး မဟာမင်းလှမင်းခေါင် တို့က ဗန္ဓုလ၏ အလောင်းကို ရွှေထီးဖြင့် ဖြန့်မိုးကာ ဓနုဖြူ ခံတပ်မှာပင် ချက်ချင်း မီးသင်္ဂြိုဟ် လိုက်သည်။

ထို့နောက် အရိုးအိုးကို ကောက်ယူ၍ စစ်မက်တော်များ အုပ်စည်းမပျက် ဓနုဖြူခံတပ်မှ ဆုတ်ခွာကြသည်။ စစ်သည် ဗိုလ်မှူးတို့သည် ဗန္ဓုလ အရိုးစုကို ရွှေအိုးဖြင့် ထည့်ကာ ယာယီ ဂူသွင်း၍ ထားရှိ ခဲ့ကြသည်။

အထက်မင်းလှမြို့ မလွန်စခန်းသို့ ရောက်ရှိစဉ် အရိုးအိုးကို ဗိုလ်မှူး မင်းရဲခေါင်က ဂူသွင်း ထိန်းသိမ်း ထားစဉ် နေပြည်တော်မှ တပ်များ အမြန်ဆုတ်ခဲ့ရန် အမိန့်ကြောင့် အရိုးဂူမှာ မလွန်မြို့၌ ကျန်ခဲ့သည်။ မင်းလှ ခံတပ်မှ ဗလမင်းထင်နှင့် အခြား ဗိုလ်မှူးများက အရိုးဂူ မပျက်စေရန် အပေါ်စေတီ တည်ထားခဲ့သည်။ မူလ ခွေးလင်း ပန်းချောင်းကမ်းပါးပေါ်၌ တည်ရှိရာ ကမ်းပါးပြိုကျမှု ရှိသဖြင့် ၁၉၆၄ ခုနှစ်တွင် ရှေးဟောင်း သုတေသန အဖွဲ့က ရေလွတ်ရာ မလွန် မြသပိတ်စေတီ ကုန်းတော် စောင်း တန်း၏ တောင်ဘက်၌ မူလ ပုံအတိုင်း ပြန်လည် တည်ဆောက် ထိန်းသိမ်းထားကြောင်း သိရသည်။

မကွေးလှမြင့် - မြ၀တီသတင်း

No comments:

Post a Comment