Tuesday, December 17, 2013

ဆိပ်ကမ်းရောက်ကား (၂၂) စီးကို တိုက်ကြေကားဟု ယူဆ၍ အကောက်ခွန်မှ စိစစ်နေ

ပြည်ပမှ မော်တော်ယာဉ်များကို တင်သွင်းခွင့်ပြုခဲ့ရာတွင်မော်တော် ယာဉ်တင်သွင်းသူအချို့သည် ပြည်ပမှ တိုက်ကြေကားများကို တင်သွင်းလာ မှုများရှိနေသည့်အတွက် အကောက် ခွန်ဦးစီးဌာနမှ စိစစ်လျက်ရှိရာ ယခု အခါတွင် ပြည်ပမှတင်သွင်းလာပြီး ဆိပ်ကမ်းရောက်နေသည့် မော်တော် ယာဉ်များအနက် ယာဉ် (၂၂) စီးကို တိုက်ကြေကားဟုယူဆ၍ အကောက် ခွန်ဦးစီးဌာနမှ စိစစ်လျက်ရှိကြောင်း သိရသည်။

ဤကဲ့သို့ တိုက်ကြေကားများ တင်သွင်းလာမှုကို စနစ်တကျသတ် မှတ်၍ စိစစ်လျက်ရှိခြင်းကြောင့် တိုက်ကြေကား တင်သွင်းမှုများလျော့ ကျလာကြောင်းသိရှိရသည်။ တိုက် ကြေကားတင်သွင်းမှု စီစစ်ခြင်းကို ဇန်န၀ါရီ လလယ်လောက်မှစတင်၍ တိုက်ကြေကားများတင်သွင်းမှုရှိလာ သည့်အတွက် ပြုလုပ် ခဲ့ ရခြင်းဖြစ် ကြောင်းသိရှိရသည်။

ယခင်က ပြည်ပမှတင်သွင်း လာသည့် မော်တော်ယာဉ်များတွင် တိုက်ကြေများဟု ယူဆ ရသော မော် တော် ယာဉ်များ စိစစ်ရာတွင် ပထမ အကြိမ်အဖြစ် တိုက်ကြေကား (၂၇) စီး၊ ဒုတိယ အကြိမ်တွင် (၄၂) စီး၊ တတိယ အကြိမ်တွင် (၃၂) စီး၊ စတုတ္ထအကြိမ်တွင် (၂၈) စီး စသည် တို့ကို စိစစ်၍ တိုက်ကြေကားစုစု ပေါင်း (၁၂၉) စီးကို ပြည်သူ့ဘဏ္ဍာ အဖြစ် သိမ်းဆည်းခဲ့ကြောင်း သိရှိရ သည်။ ထို့အပြင် တိုက်ကြေကား တင်သွင်းသည့် ကုမ္ပဏီလုပ်ငန်းရှင် များကိုလည်း ကားတင်သွင်းခွင့်တစ် နှစ် ပိတ်ပင် ခဲ့သည်။

Auto World Journal

No comments:

Post a Comment