သမ္မတ Xi Jinping အပါအ၀င် တရုတ်နိုင်ငံက ထိပ်တန်းခေါင်းဆောင်နဲ့ နီးစပ်တဲ့ ဆွေမျိုးသားချင်းတွေဟာ သူတို့ရဲ့ ဧရာမ ချမ်းသာကြွယ်ဝမှုတွေကို ဖုန်းကွယ်ဖို့ ကြိုးစားတဲ့အနေနဲ့ ပြည်ပနိုင်ငံတွေမှာ ကုမ္ပဏီတွေ တည်ထောင်ထားကြတယ်လို့ အမေရိကန်အခြေစိုက် သတင်းထောက်တွေ ပြုလုပ်ခဲ့တဲ့ စုံစမ်းစစ်ဆေး မှုမှာ ဖော်ပြ ထားပါတယ်။
သမ္မတ Xi Jinping ရဲ့ ယောက်ဖနဲ့ အရင် ၀န်ကြီးချုပ်ဟောင်း Wen Jiabao ရဲ့သားတို့လည်း အဲဒီ စာရင်းထဲမှာ ပါဝင်တယ်လို့ ဆိုပါတယ်။ သမ္မတဟောင်း Hu Jintao၊ ၀န်ကြီးချုပ်ဟောင်း Li Pen နဲ့ ကွယ် လွန်သူတရုတ်ခေါင်းဆောင်ဟောင်း Deng Xiaoping တို့ရဲ့ ဆွေမျိုးသားချင်းတွေ ပြည်ပနိုင်ငံတွေမှာ ဦးပိုင် စီးပွားရေးလုပ်ငန်းတွေ ပိုင်ဆိုင်ထားတဲ့ စာရင်းလဲပါဝင်တယ်လို့ အဲဒီ အစီရင်ခံစာမှာ ဖော်ပြထားပါတယ်။
ဗုဒ္ဓဟူးနေ့မှာ ICIJ ရဲ့ အင်တာနက် ၀ဘ်ဆိုက်ကို တက်ကြည့်လို့မရအောင် တရုတ်အစိုးရက ပိတ်ပင် ကန့်သတ် ထားလိုက်တာကလွဲလို့ ဒီအစီရင်ခံစာနဲ့ ပတ်သက်လို့ အစိုးရဘက်က တရားဝင် တုံ့ပြန် ပြောဆို တာမျိုးမရှိပါဘူး။
ဗွီအိုအေ (မြန်မာပိုင်း)
No comments:
Post a Comment