ရန်ကုန်တိုင်းအတွင်းရှိ ကျူးကျော်များအားလုံးကို ဓမ္မာစရိယတန်းစာမေးပွဲများ ကျင်းပအပြီး (မတ်လအကုန်) တွင် စတင်ဖျက်သိမ်းသွားမည်ဟု ရန်ကုန်တိုင်းဒေသကြီး အစိုးရအဖွဲ့အတွင်းရေးမှူး ဦးသန်းအောင်က မဇ္စျိမကိုပြောသည်။
ဓမ္မာစရိယတန်း စာမေးပွဲများသည် မတ်လအကုန်တွင်အပြီးကျင်းပခြင်းဖြစ်ပြီး တက္ကသိုလ်ဝင်တန်းစာမေးပွဲ များ ကျင်းပပြီးချိန် တွင် ပြုလုပ်ခြင်းဖြစ်သည်။
“ရန်ကုန်က ကျူးကျော်တွေဆိုတာက တကယ်ရန်ကုန်တိုင်းထဲက မဟုတ်ဘူး။ တိုင်းအသီးသီးကနေလာပြီး ရန်ကုန်မှာ ကျူးကျော်တာတွေကို ရန်ကုန်မှာ ဘယ်လိုအားလုံးလက်ခံနိုင်မှာလဲ။ သူတို့ကို ဓမ္မာစရိယ စာမေးပွဲတွေပြီးတာနဲ့ ဖျက်မှာပါ” ဟု ဦးသန်းအောင် က ဆိုသည်။
၎င်းတို့ကို ဖျက်သိမ်းရန်အတွက် ဆောင်ရွက်သွားမည် ဖြစ်သော်လည်း ပြန်လည်နေရာချထားပေးရေးအတွက် ကိုမူ တိုင်းဒေသကြီး အစိုးရတွင် အစီစဉ်မရှိသေးဟု ဖေဖော်ဝါရီလ၂၆ရက် တိုင်းဒေသကြီး အစိုးရအဖွဲ့ရုံးတွင် ပြုလုပ်သည့် သတင်းစာရှင်းလင်းပွဲ၌ တိုင်းဒေသကြီး နယ်လုံဝန်ကြီး ဗိုလ်မှူးကြီးတင်ဝင်းက ပြောထားသည်။
ရန်ကုန်တိုင်းအတွင်း ကျူးကျော်နေထိုင်သူဦးရေသည် လူဦးရေ၏ ၁ဝရာခိုင်နှုန်း ၆သိန်းအထိရှိနေသည်။ လက်ရှိရန်ကုန်တိုင်း အတွင်း နေထိုင်နေသူ ၆သန်းထိရှိနေကာ ရန်ကုန်မြို့တော်အတွင်းရှိ မြို့နယ် ၄၅ မြို့မှ မြို့နယ် ၄၄ မြို့နယ်အတွင်း ဆောက်လုပ် ထားသည့် အဆောက်အဦးများ၏ ငါးပုံတစ်ပုံသည် ကျူးကျော်ဆောက်လုပ်ထားသော အဆောက်အဦးများဖြစ်သည်ဟု ရန်ကုန်တိုင်းဒေသကြီးလွှတ်တော် ဥပဒေကော်မတီက ၂ဝ၁၃ ခုနှစ်နှစ်အတွင်း ကျင်းပခဲ့သည့် တိုင်းဒေသကြီး လွှတ်တော် အစည်းအဝေးတွင် ဆိုထားသည်။
ကြက်ဆူစိုက်ပျိုးရေးလုပ်သားအဖြစ် လုပ်ကိုင်နေထိုင်လာသည့် ဒဂုံဆိပ်ကမ်းမြို့နယ် လက်ရှိကျူးကျော်ဟု တိုင်းဒေသကြီးအစိုးရက သတ်မှတ်ထားသည့် ၆၇ ရပ်ကွက်နေ ဦးမင်းဇော်က “ကျွန်တော်တို့ကို ဖျက်မယ်ဆိုရင်လည်း လမ်းပေါ်မှာ တက်နေမယ်လို့ပဲ အားလုံးက ပြောနေကြတယ်။ ဒီကဖျက်ပြီးရင်လည်း ဘယ်ကိုမှသွားစရာမရှိဘူး။ ကျွန်တော်တို့ ဒီမှာနေတာက ၂ဝဝ၈ ကတည်းက နေလာတာပါ” ဟု ကိုပြော မဇ္ဈိမသည်။
၆၇ ရပ်ကွက်တွင် ကျူးကျော်နေထိုင်သူဟုယူဆရသည့် အိမ်ခြေပေါင်းမှာ ၄ဝဝဝကျော်အထိ ရှိနေကာ အခြားရပ်ကွက်များဖြစ်သည့် ၆ဝ ရပ်ကွက်၊ ၆၁ ရပ်ကွက်နှင့် ၉၃ရပ်ကွက်တို့တွင်လည်း အိမ်ထောင်စုပေါင်း ၂ဝဝဝ ကျော်ထိရှိနေသည်။ ထို့အတူ လှိုင်သာယာ မြို့နယ်အတွင်းတွင် ကျူးကျော်နေထိုင်နေသည့် အိမ်ထောင်စု ၈ဝဝဝဝ အထိရှိနေပြီဖြစ်သည်ဟု လှိုင်သာယာမြို့နယ် အုပ်ချုပ်ရေးမှူး ဦးထိန်စိုးက မဇ္ဈိမကိုပြောသည်။
ရန်ကုန်တိုင်းအတွင်းရှိ ကျူးကျော်အရေအတွက်များမှ ငါးထောင်ကိုဖျက်သိမ်းပြီးဖြစ်ကာ ကျန်ရှိနေသည့် ကျူးကျော်နေထိုင်သူများ ကို ဖျက်သိမ်းမည်ဖြစ်သည်။ ကျူးကျော်များသည်ရန်ကုန်တိုင်းအတွင်း လှိုင်သာယာ၊ ရွှေပြည်သာ၊ မြောက်ဥက္ကလာ၊ ဒဂုံဆိပ်ကမ်း၊ ဒဂုံအရှေ့၊ အင်းစိန်စသည့် ဆင်ခြေဖုန်းမြို့နယ်များတွင် အများစုနေထိုင်ကြသည်။
Written by ဟိန်းကိုစိုး
Mizzima - News in Burmese
No comments:
Post a Comment