ခြေထောက်တွင် ဗုဒ္ဓရုပ်ပုံ တက်တူးထိုးထားသည့် ကနေဒါပါမောက္ခကို မြန်မာနိုင်ငံမှ ပြန်ထွက်ခိုင်းခဲ့

အွန်လိုင်းစာမျက်နှာပေါ် တွင် ပျံ့နှံ့ခဲ့သော ခြေထောက်တွင် ဗုဒ္ဓရုပ်ပွားတော်ပုံ ဆေးမင်ရေးထိုး ထားသည့် ကနေဒါနိုင်ငံသားက ယင်း သို့ ဆေးမင်ထိုးရခြင်းမှာ ဗုဒ္ဓဘာသာ ကို ယုံကြည်သက်ဝင်၍ဖြစ်သည်ဟု ဘန်ကောက်ပို့စ်၏ ဖုန်းဖြင့်တစ်ဆင့် မေးမြန်းမှုကို ဖြေကြားခဲ့သည်ဟုသိရ သည်။ဂျာဆန်ပိုလီအမည်ရှိ ကနေဒါ နိုင်ငံသားသည် ဟောင်ကောင်ဘက် တစ်တက္ကသိုလ်၌ အင်္ဂလိပ်စာဘာသာ သင်ကြားနေသော ပါမောက္ခ တစ်ဦး ဖြစ်သည် ဟုသိရပြီး မဟာယာနဗုဒ္ဓ ဘာသာဝင်တစ်ဦးဖြစ်သည်ဟု သိရ သည်။ ဖုန်းဖြင့် အင်တာဗျူးပြုလုပ် ရာတွင် ဂျာဆန်ပိုလီက ၄င်းတည်းခို ရာနေရာ ရန်ကုန်ရှိ အင်းလျားလိတ် ဟိုတယ်သို့ စနေနေ့ညတွင် ကမ္ဘာလှည့် ခရီးသွားလုပ်ငန်းမှ အစိုးရအရာရှိ ၁၅ဦးခန့် ပြီးခဲ့သော စနေနေ့ညက ရောက်ရှိခဲ့ပြီး ၄င်းအား ဖမ်းဆီးထိန်းသိမ်းခဲ့သည် ဟုဆိုသည်။
ထို့နောက် အရာရှိများက ၄င်းအား ခြေထောက်တွင် ဗုဒ္ဓရုပ်ပုံရေး ထိုးရသည့်အကြောင်းရင်းကိုမေးမြန်းခဲ့ပြီး ဗုဒ္ဓဘာသာကို ယုံကြည်သူမှန်း သိရှိ သောအခါ ကောင်းမွန်စွာဆက်ဆံပြောဆိုလာသည်ဟုဆိုသည်။

အင်္ဂါနေ့တွင် ဖုန်းမှတစ်ဆင့် ဂျာဆန်ပိုလီက မြန်မာအစိုးရအရာရှိများသည် ၄င်း၏တက်တူး ဓာတ်ပုံသည် အင်တာနက်တွင်ပျံ့နှံ့နေကြောင်းနှင့် ၄င်းတက်တူးကြောင့် ဘေး အန္တရာယ်ဖြစ်နိုင်ကြောင်းပြောကြားခဲ့ပြီး ဗုဒ္ဓဘာသာတွင် ဂိုဏ်းများကွဲပြားမှု ရှိကာ ခြေထောက်တွင် ဗုဒ္ဓပုံရေးထိုးခြင်းက ဗုဒ္ဓဘာသာဝင်ဒေသခံများအတွက် မသန့်ရှင်း နိမ့်ကျသောနေရာ တွင် ဆေးမင်ထိုးခြင်းကြောင့် ဘာသာရေးစော်ကား ရာရောက်ပြီး ဒေသခံများက အန္တရာယ်ပြုနိုင်သည်ဟုရှင်းပြကြောင်း ဖြေကြား ခဲ့သည်။
ထို့နောက် အရာရှိခြောက်ဦးသည် ၄င်းခြေထောက်မှ ဆေးမင်ပုံကို အ ကြိမ်ကြိမ်ဓာတ်ပုံရိုက်ကူးယူကြပြီး တနင်္ဂနွေနေ့မနက်တိုင်အောင် ဟိုတယ်ပြင်ပ ထွက်ခွာခြင်းမပြုရန်မှာ ကြားခဲ့သည်ဟုဆိုသည်။ သို့သော် တစ်နာရီခန့်ကြာပြီး နောက် မြန်မာအစိုးရ အရာရှိများသည် ပိုလီနှင့်ဟောင်ကောင်မှ ၄င်း၏ချစ်သူတို့ အတွက် အထုပ်အပိုးပြင်ဆင်ချိန် ၂ နာရီပေးပြီးနောက် လေဆိပ်သို့ခေါ်ဆောင် ခဲ့ကြသည်ဟုဆိုသည်။
ပိုလီက မြန်မာအစိုးရအရာရှိအချို့က ၄င်းကို မြန်မာနိုင်ငံမှ ထွက်ခွာခိုင်းခြင်းသည် ၄င်း၏လုံခြုံရေးအတွက် ဖြစ်သည်ဟု ရှင်းပြကြောင်းနှင့် အစိုးရအရာရှိများထဲတွင် တစ်ဦးမှာ ၄င်းကို ရိုင်းပျစွာဆက်ဆံ၍ မကျေနပ်ကြောင်း တို့ကိုလည်း ဖုန်းမှဖြေကြားခဲ့သည်ဟုသိရသည်။
မြန်မာနိုင်ငံမှ ဘာသာရေးအရ သင့်လျော်မှုမရှိ သောတက်တူးကြောင့် ပြန်လည် ထွက်ခွာစေခဲ့သော ကနေဒါပါမောက္ခ ရာဆန်ပိုလီသည် ဘန်ကောက်တွင် ရောက်ရှိနေပြီး ၄င်း၏ ကျန်ရှိနေသောအားလပ်ရက် ၂၃ ရက်ကို ထိုင်းနှင့်လာအို တို့တွင် ကုန်ဆုံးမည်ဟုဖြေကြားခဲ့ကြောင်း သိရသည်။
Yangon Media Group