ဟောလီးဝုဒ် မင်းသမီးများ၏ ဗီဒီယိုများနှင့် ဓာတ်ပုံများ ပေါက်ကြားမှု ဖြစ်ပွားခဲ့သည့် iCloud account ချိုးဖောက်ခံမှု အတွက် စုံစမ်းစစ်ဆေးမှုများ ပြုလုပ်နေကြောင်း Apple က တနင်္လာနေ့တွင် ပြောကြားလိုက်သည်။
“ကျွန်မတို့အနေနဲ့ သုံးစွဲသူတွေရဲ့ ပုဂ္ဂိုလ်ရေး လွတ်လပ်ခွင့်ကို အလေးထားပါတယ်။ အခုဖြစ်ရပ်အတွက် စုံစမ်းစစ်ဆေးမှုတွေ ပြုလုပ်နေပါတယ်" ဟု Apple မှ ပြောရေးဆိုခွင့်ရှိသူ နာတာလီကာရစ်က ပြောကြားခဲ့သည်။
ပေါက်ကြားထွက်ပေါ်ခဲ့သည့် ဓာတ်ပုံများတွင် အချို့က အစစ်ဖြစ်သော်လည်း အချို့မှာ အတုဖြစ်ကြောင်းနှင့် ၎င်းတို့သည် ဂျနီဖာလောရင့်စ် ကဲ့သို့သော နာမည်ကျော် သရုပ်ဆောင်၊ မော်ဒယ်များ၏ iCloud account များမှ ထွက်ပေါ်လာခြင်း ဖြစ်ကြောင်း ဆိုကြသည်။ အဆိုပါ ဓာတ်ပုံများသည် ဓာတ်ပုံဝေမျှသည့် ဝက်ဘ်ဆိုက် ဖြစ်သော 4Chan တွင် ထွက်ပေါ်လာပြီးနောက် အင်တာနက်နှင့် Twitter, Reddit စသည့် လူမှုရေးမီဒီယာများ၌ ပျံ့နှံ့ခဲ့သည်။
လုံခြုံရေး ကျွမ်းကျင် ပညာရှင်များကမူ ဓာတ်ပုံများ ခိုးယူခံရသည့် နာမည်ကျော် သရုပ်ဆောင်၊ မော်ဒယ် တို့၏ Apple iCloud account များသည် two-factor authentication ဖြင့် ကာကွယ်ထားဖွယ်ရှိကြောင်း ပြောကြားခဲ့သည်။
Two-factor aunthentication သည် သုံးစွဲသူများအား ၎င်းတို့၏ ဖုန်းနှင့် အခြားထုတ်ကုန်များထံ ပေးပို့သည့် ကိန်းဂဏန်း code တစ်ခု ရရှိမှသာ ပုံမှန် password ကို အသုံးပြုနိုင်မည့် နည်းလမ်းဖြစ်သည်။ ကိန်းဂဏန်းများသည် အမြဲတမ်း ပြောင်းလဲနေသောကြောင့် တိုက်ခိုက်သူများ အနေဖြင့် account ကို ရရှိရန် မလွယ်ကူသလို password ကို သိရှိနိုင်ရန်လည်း အလွန်ခက်ခဲမည် ဖြစ်သည်။
သို့သော် Apple သည် two-factor aunthentication ကာကွယ်မှု နည်းလမ်းနှင့် ပတ်သက်၍ သုံးစွဲသူများ သိရှိနိုင်အောင် လူသိရှင်ကြား မပြောကြားခဲ့သလို ၎င်းနှင့် ပတ်သက်သည့် သတင်းဆောင်းပါးများကိုလည်း မနည်း ရှာဖွေရန် လိုအပ်ကြောင်း FireEye မှ ခြိမ်းခြောက်မှုဆိုင်ရာ သုတေသီ ဒါရိုက်တာဖြစ်သူ ဒါရီယန်ကင်းဒ်လန်းက ပြောကြားခဲ့သည်။
ယခုကဲ့သို့ နာမည်ကျော် သရုပ်ဆောင်များ၏ ဓာတ်ပုံများ ပေါက်ကြားမှုသည် ပထမဦးဆုံး ဖြစ်ပွားခဲ့ခြင်း မဟုတ်ပေ။ ၂၀၀၅ ခုနှစ်ကလည်း ပဲရစ်ဟီလ်တန်၏ ဓာတ်ပုံများနှင့် text message များသည် cloud storage account တစ်ခုမှ ခိုးယူခံခဲ့ရသည်။ အဆိုပါဖြစ်ရပ်နှင့် database ကုမ္ပဏီကြီး LexisNexis ကို တိုက်ခိုက်မှုကြောင့် လူငယ်အဖွဲ့တစ်ခုက တရားစွဲဆိုခံခဲ့ရပြီး အများစုမှာ ထောင်ဒဏ်ပြစ်ဒဏ် ချမှတ်ခံခဲ့ရသည်။
internetjournal
No comments:
Post a Comment