ဗုဒ္ဓဘာသာဝင် မြန်မာလူမျိုးများအကြား ဘိုးမင်းခေါင်
သည် အလွန် ထင်ရှားသူဖြစ်ပေသည်။ ဘိုးတော် မယ်တော် (သို့တည်းမဟုတ်)
ဝိဇ္ဇာများကို ယုံကြည်ကိုးကွယ်သူများအနေဖြင့် ဘိုးမင်းခေါင် သည်
အလွန်အရေးပါသော ထွက်ရပ်ပေါက်ဘိုးတော်တပါးဖြစ်သည့်ပြင်
အလွန်တန်ခိုးကြီးသည်ဟု ယုံကြည်နေ ကြသည်။ဘိုးမင်းခေါင်နှင့်ပတ်သက်သည့်
သက်သေ အထောက် အထားများကလည်း အ ထင်အရှား ရှိနေသည်က ယင်းတို့ယုံကြည်မှုကို
ပိုမိုခိုင်မြဲစေ၏။
ရန်ကုန်မြို့ ၀င်ဒါမီယာရပ်ရှိ ဗောဓိကုန်းတွင် ဗောဓိကုန်းစေတီတော်မြတ်ရှိသည်။ ထိုစေတီ တော် အတွင်းတွင် ဘိုးမင်းခေါင်အိပ်ခဲ့သော သလွန် ဘိုးမင်းခေါင်အသုံးပြုခဲ့သော ရေနွေးပန်းကန် များနှင့် အခြားအသုံးအဆောင်များက ယခုတိုင်ရှိနေသေးသည်။ ဘိုးမင်းခေါင်သည် ထိုနေရာမှပင် ထွက်ရပ်ပေါက်ခဲ့သည်ဟု ယုံကြည်ကြ၏။(ထွက်ရပ်ပေါက်သည်ဆိုသောစကားနှင့် ထိုဘိုးတော်များ ၏ သဘောသဘာဝများကို ရှည်မည်စိုးသဖြင့်မရေးတော့ပါ) ထိုမျှမက ထင်ရှားသော ပုပ္ပားတောင် တော်တွင်လည်း ဘိုးမင်းခေါင်နေထိုင်သွားသည့် နေရာ အမှတ်အသားများ ရှိနေပေ သည်။ရန်ကုန်မြို့ သင်္ကန်းကျွန်းလမ်း ဆုံ(အသင်းတိုက်)အနီးရှိ ရွှေနားပန်ဘုရားဝင်းနှင့် ကပ်လျှက်တွင် ဘိုးမင်းခေါင် ကျောင်းနှင့် ဘိုးမင်း ခေါင်တည်ထားခဲ့သော ကြက်ဘုရားခေါ်စေတီတဆူကလည်း ကြက်ရုပ်များ နှင့်အတူ ယခုတိုင်ရှိနေ သည်က အထင်အရှားဖြစ်ပါ၏။
အမှန်တော့ ဘိုးမင်းခေါင် သည် ပထမံဘိုးမင်းခေါင်ပင်ဖြစ်သည်။ ပထမံထွက်ရပ်ဂိုဏ်းကြီ၏ အကြီးအကဲပင်ဖြစ်သည်။ ပထမံဂိုဏ်းဆိုသည်မှာလည်း မြန်မာရာဇ၀င်တွင် ဘိုးတော်ဦးဝိုင်းအုပ်စိုးစဉ် အချိန်က အလွန်အစွမ်းထက်သည့် ပထမံဘိုဘိုးအောင်ပေါ်ပေါက်သည့် အချိန်မှစ၍ပေါက် လာခဲ့ခြင်း ဖြစ်ပေသည်။ ဘိုးဘိုးအောင်သီချင်းများ ဘိုးဘိုးအောင်ကိုတင်စားသောတေး သီချင်းများပေါ်ပေါက်လာ သည်အထိ မြန်မာတို့အကြား ဘိုးဘိုးအောင်က သြဇာကြီးမားခဲ့သည်။ ဘိုးဘိုးအောင် မရှိသည့်(ထွက် ရပ်ပေါက်ပြီးသည့်)နောက် နှစ်အတန်ကြာတွင် ဘိုးမင်းခေါင်က ဘိုးဘိုးအောင်နေရာတွင် ၀င် ရောက် လာပြီး ဘိုးဘိုးအောင်ကဲ့သို့ပင် လူအများ၏ ကိုးကွယ်ခြင်းခံခဲ့ရသည်။
ဘိုးမင်းခေါင်သည် ၁၃၀၀ ပြည့်နှစ်တွင် ပုပ္ပားတောင်ကလပ်သို့ကြွလာကြောင်း။ ပုပ္ပားတောင် ကလပ်သို့မကြွမီတွင် ကချင်ပြည်နယ် မြစ်ကြီးနားမြို့အနီး တောထဲတွင်နေခဲ့ကြောင်းဘိုးမင်းခေါင်သည် မြစ်ကြီးနားတွင် နေ့စဉ်က ချောင်းထဲတွင်သစ်တုံးကြီးတတုံးက ကန့်လန့်ခံ ကာပိတ်ဆို့နေသည်ကို ကချင်တိုင်း ရင်းသားများက တွန်းထုတ်ဖယ်ရှားကြသော်လည်း မရပေ။ ထိုနေ ရာသို့ ဘိုးမင်းခေါင်ရောက် လာပြီး သစ်တုံးပေါ်တက်ကာ လက်မှဒုတ်ကလေးတချောင်းကိုမြှောက်ပြီး အမိန့်ပေးလိုက်ရာ သစ်တုံးကြီးက ရေဆန်တက်ကာရွေ့သွားကြောင်း အထောက်အထားများ အရသိရှိရသည်။ (၁၃၀၀ ပြည့်နှစ်မှစတင် ထုတ်ဝေသော ပထမံတရားမဂ္ဂဇင်းများ) ။
ဝိဇ္ဇာဂိုဏ်းဆရာကြီးများ တနည်းအားဖြင့် ဂိုဏ်းဝင်များက မြန်မာပြည်အနှံ့အပြားတွင် ဓာတ် ခန်းများဖွင့်လှစ်ခဲ့ကြရာ ယနေ့တိုင်ပင် ရှိနေကြသေးသည်။ ရန်ကုန်မြို့တွင်လည်း ၀ိဇ္ဇာဓာတ်ခန်းများ များစွာရှိခဲ့ရာ ထိုအနက်မှ ရန်ကုန်မြို့ တာမွေမြို့နယ် ကျားကွက်သစ် မလွှကုန်းလမ်းရှိ စာရေးဆရာ ဆရာရာဇဂဏီ ဓာတ်ခန်းသည်လည်း တခုအပါအ၀င်ဖြစ်သည့်အပြင် ရန်ကုန်မြို့ရှိဓာတ်ခန်းများအနက် အကြီးမားဆုံး အခမ်းနားဆုံးဓာတ်ခန်းဟု လက်ခံထားကြ၏။
ဆရာ ရာဇဂဏီသည် “လူသူတော် ယောင်တစောင်း” လုံးခြင်းဝတ္ထုနှင့် အခြားစာအုပ် များကိုပါရေး သားခဲ့သူဖြစ်ပြီး “ရွေပင့်ကူ ရုပ်ရှင်ထုတ်လုပ်ရေး”ကိုပါထူထောင်ကာ လူသူတော်ယောင် တစောင်း စာအုပ်ကို ရုပ်ရှင်ရိုက်ကူးခဲ့သည်။ထိုမျှမက “ဂမ္ဘီရသိပ္ပ မဂ္ဂဇင်း”ကိုပါထုတ်ဝေခဲ့သေးသည်။ ထိုမဂ္ဂဇင်းတွင် အယ်ဒီတာများအဖြစ် ဦးအေးသိန်း(၀ါးခယ်မ)၊ဒါရိုက်တာမျိုးဇော်အောင်နှင့် စာရေးဆ ရာရှင်မိုးထွေးတို့ကတာဝန်ယူဆောင်ရွက်ခဲ့သည်။ဦးအေးသိန်း(၀ါးခယ်မ)သည် ဝေဒမဂ္ဂဇင်းတွင် “ဗုဒ္ဓ¨ ယတြာ”ဆောင်းပါးနှင့် အခြားဆောင်းပါးများကိုရေးသားခဲ့သည့်အပြင် “ရတနာမွန်” “မြတ်မွန်ရတနာ” နှင့် အခြားဘာသာရေးစာစောင်များတွင်လည်း ဘာသာရေးဆောင်းပါးများရေးသား သူဖြစ်၏။ ဒါရိုက်တာ မျိုးဇော်အောင်မှာ ဂီတလောကတွင် နံမည်ကျော်ကြားသူ အေ၀မ်းကြည်အေး (ရုပ်ရှင်နယ်တွင် ဒါရိုက် တာသန်းကျော်ဌေး အဖြစ်အောင်မြင်ခဲ့သူ)၏သားဖြစ်ပါ၏။သူသည် သူ့ဖခင်ရိုက်ကူးသည့်ရုပ်ရှင်ကား အချို့တွင်သရုပ်ဆောင်ခဲ့ပြီး ကိုယ်တိုင်လည်း ရုပ်ရှင်ကားကြီးနှင့် ဗိဒီယိုကားများကို ဒါရိုက်တာအဖြစ် ရိုက်ကူးခဲ့သူဖြစ်သည်။
ရှင်မိုးထွေးကတော့ကဗျာ ဆောင်းပါး ၀တ္ထု တိုများရေးသားသူဖြစ်သည်။ ထိုအယ်ဒီအဖွဲ့တွင် အတိုင်ပင်ခံအယ်ဒီတာအဖြစ် ကျော်လင်းနိုင်က ဆောင်ရွက်၏။ကျော်လင်းနိုင်က ၀န်ထမ်းဖြစ်သဖြင့် ညနေဘက်အချိန်များနှင့် ရုံးပိတ်ရက်တွင်လာ ရောက်သည်။ ဆရာသုတေသီမြင့် ထွန်း၊ တက္ကသိုလ် မောင်စေတနာ၊ နေသွေးနီနှင့် မှတ်ကျောက်(စာ ပေဗိမာန်စာပေဆုရ)တို့လည်း အမြဲမပြတ်ဝင်ထွက် နေကြသည်။စာရေးဆရာမ သန်းမြင့်အောင် (နာရေးကူညီမှုအသင်းနှင့် ဆည်းဆာ ရိပ်ဘိုးဘွား ရိပ် သာ)သည်လည်း ကျော်လင်းနိုင်နှင့်ခင်မင်သဖြင့် ရောက်လာတတ်၏။ ထိုမျှမကပါ ပုသိမ်မောင်ထွေး ညို နှင့် မြတ်လွန်းတို့လည်း ကျော်လင်းနိုင်ထံဝင်လာတတ်၏။ ဆရာအီကြာကွေးကမူ တလတခေါက် မှန်မှန်ရောက်၏။ဆရာအီကြာကွေးက လဆန်းပိုင်းတွင်ရောက်လာတတ်၏။ အကြောင်းမှာ ကျောက် မြောင်းရပ်ရှိ မဂ္ဂဇင်းနှင့်စာစောင်များတွင် စာမူခလာထုတ်ရင်း ၀င်လာခြင်းဖြစ်သည်။ ဆရာအီကြာကွေး ရောက်လာတိုင်းပင် အားလုံးလဘ္ဖက်ရည်ဆိုင်ထိုင်လေ့ရှိကြ၏။ ကျောက်မြောင်းတွင် စာပေတိုက်များ ပေါ၏။ ဆရာရာဇဂဏီအိမ်ရှေ့တွင် သင့်ဘ၀ဦးလေးကြီးဦးတင်မောင်၏ သင့်ဘ၀မဂ္ဂဇင်းတိုက်။သင်္ဂဟ လမ်းတွင် တိုင်းရင်းမေဂျာနယ်၊သြဘာလမ်းတွင် သောကြာ ဦးမောင်ကလေး၏ သောကြာစာစောင်၊ အောင်မင်္ဂလာလမ်းတွင် ဦးအောင်သိန်း၏ ရုပ်ရှင်မျက်မှန်မဂ္ဂဇင်းတိုက် (ဦးအောင်သိန်း၏သားက စာရေးဆရာ မောင်ရွှေစွန်ဖြစ်သည်)ကျောက်မြောင်း လမ်းတွင်မူ မောင်ယဉ်ကျော်၏ ဂျာနယ်တိုက်တို့ အသီးသီးရှိရာ ဆရာအီကြာကွေးက စာမူခ လာထုတ်တာဖြစ်၏။
ဆရာရာဇဂဏီဓာတ်ခန်းတွင် ဘိုးမင်းခေါင်ပုံက လူတယောက်ကဲ့သို့ကြီးမားပြီး ပွဲများအဆောင် အယောင်များကလည်း ပြည့်စုံခမ်းနားလှသည်။ တပါတ်တခါ ပူဇော်ပသပွဲကျင်းပသည်။ ဘိုးမင်းခေါင် မွေးနေ့ပွဲကို နှစ်စဉ် ၀ါခေါင်လဆန်း ၁၄ ရက်နေ့တွင် မြန်မာပြည်နေရာအချို့တွင် ကျင်းပလေ့ရှိသည်။ ဓာတ်ခန်းရှိသည့်နေရာများတွင်လည်းကောင်း ဂိုဏ်းဝင်တို့ရှိသည့်နေအိမ်နှင့် အခြားသင့်လျော်ရာ နေရာ များတွင် ကျင်းပပြုလုပ်လေ့ရှိကြသည်။နတ်ကတော်(ကနားစီး)များကလည်း ဘိုးမင်းခေါင်ကို လေးစားကိုးကွယ်ကြ၏။
တနေ့တွင် ဆရာရာဇဂဏီက အယ်ဒီတာရုံးခန်းဘက်သို့ရောက်လာပြီး ဦးအေးသိန်း၊ ရှင်းမိုး ထွေးနှင့် မျိုးဇော်အောင်တို့ကို အောက်ပါအတိုင်းပြောလိုက်သည်။
“နက်ဖြန်မှာ ဒေါပုံဓာတ်ခန်းမှာ အဘဘိုးမင်းခေါင်ပူဇော်ပွဲရှိတယ် ကျနော်တို့ကို ဖိတ်ထား တယ်။ အဲဒါ ဆရာတို့သုံးယောက်သွားပေးပါ”ဦးအေးသိန်းက အောက်ပါအတိုင်းပြန်ပြောလိုက်သည်။
“ဆရာ ကျနော်တို့သွားရင် ပြသနာတခုတော့ ပေါ်နိုင်တယ်ဆရာ”ဆရာရာဇဂဏီက “အဲဒါကြောင့် သွာခုိင်းတာပါဆရာ” ဟုပြန်ပြောသဖြင့် ဦးအေးသိန်းတို့ ဘာမှပြန်မပြောကြတော့ပေ။
အမှန်က ဦးအေးသိန်းထံတွင် ပထမံမဂ္ဂဇင်းအမှတ်(၁)မှစကာ ၂ နှစ်စာ စာအုပ်များရှိသည်။ ထို့ကြောင့်ဦးအေးသိန်းသည် ပထမံဂိုဏ်းနှင့် ဘိုးမင်းခေါင်အကြောင်း အတော်အတန်သိရှိထားသည့် ပြင် သူကိုယ်တိုင်ပင် ဘိုးမင်းခေါင်အကြောင်းပြုစုထားသည့်စာမူမှာ လက်နှိပ်စက်ဖြင့် စာမျက်နှာ ၈၀ ခန့်ရှိနေသည်။ ယခုလိုဘိုးမင်းခေါင်ပွဲများလုပ်ရာတွင် ဘိုးမင်းခေါင်အကြောင်း ဘာမှမသိပဲ ရမ်းလုပ်ပြီး မသိနားမလည်သူများကို လိမ်စားနေသူ ဘိုးတော်အတုများစွာရှိနေသည်။ ထိုပွဲများနှင့်ကြုံသောအခါ တွင် ဘိုးမင်းခေါင်ဝင်ပူးသူ (ဓာတ်စီးသူ)ကို ဦးအေးသိန်းက ဘိုးမင်းခေါင်အကြောင်းမေး တတ်သည်။ ဖြေနိုင်လျှင်ဘာမှမဖြစ်ပါ မဖြေနိုင်လျှင်တော့ လူပုံအလယ်တွင်အရှက်ကွဲတတ်ပါသည်။
ထို့ကြောင့်ပင် ဦးအေးသိန်းက ပြသနာပေါ်နိုင်သည်ဟုဆိုခြင်းဖြစ်ရာ၊ သဘောပေါက်သော ဆရာရာဇဂဏီ ကလည်း အစစ်လားအတုလားသိချင်လို့ ဆရာတို့ကို လွှတ်တာဆိုသည့် သဘော ပြောခြင်းဖြစ် ပါသည်.။
သို့နှင့်ပင် ဘိုးမင်းခေါင်ပူဇော်ပွဲလုပ်သည့် ပထမနေ့တွင် ဦးအေးသိန်းတို့သုံးယောက်သွားကြ သည်။ ဦးအေးသိန်းတို့ရောက်သွားချိန်တွင် ပွဲကစတင်နေပြီဖြစ်သည်။ ဘိုးမင်းခေါင်ဝင်ပူးနေသူ(ဓာတ် စီးနေသူ) ဘိုးတော်ဆိုသူက ခေါင်းရင်းတွင်ထိုင်ကာ ဓာတ်စီးရင်းဟောပြော(အမိန့်တော်ချမှတ်)နေ၏။ ဦးအေးသိန်းတို့ သုံးယောက် အဆောက်အဦးထဲသို့ဝင်သွားရာ ဓာတ်စီးသူက လှမ်းကာအမိန့်ပေးပါ တော့သည်။
“ဟိုကောင်သုံးယောက် နောက်မှာထိုင် ဘိုးတော်မှန်း ဘာမှန်း မသိတဲ့ကောင်တွေ”ဦးအေးသိန်းက စိတ်ထဲမှာ ထောင်းခနဲဖြစ်သွားသော်လည်း ပရိတ်သတ်က နှစ်ရာခန့်ရှိနေ၏ ယင်းပရိသတ်သည် ဘိုးတော်ကိုယုံကြည်သောပရိတ်သတ်ဖြစ်သည် ဘိုးတော်နှင့်ပဋိပက္ခဖြစ်လျှင် ပရိတ်သတ်နှင့် ထိပ်တိုက် တိုးမည်ကို သိသဖြင့် သီးခံကာ နောက်ပိုင်းတွင်ထိုင်နေလိုက်ကြသည်။ ဘိုးတော်ဆိုသူက သူ့ရှေ့မှမုန့်များကို ယူကာ ပါးစပ်နားကပ်ကာ မန်းမှုတ်ပြီး ပရိတ်သတ်ကိုကျွေး နေသည် ပရိသတ်က အလုအယက်ယူစားနေကြ၏။ ရှေ့ကငွေရောင်ဖလားထဲတွင်မူ ပိုက်ဆံတို့က ၀င်လာမစဲ တသဲသဲဖြစ်နေတော့သည်။ သို့ဖြင့် ပွဲပြီးသွားသဖြင့် ဦးအေးသိန်းတို့ပြန်လာကြသည်။
“စိတ်ထဲမှာ မကျေနပ်ဘူး နက်ဖြန်တော့ အစွမ်းပြရတော့မယ်”ဆရာရာဇဂဏီဓာတ်ခန်းရှိရာ အယ်ဒီတာခန်းသို့ရောက်ပြီး ကိုယ့်စားပွဲတွင် အသီးသီးထိုင်လိုက် ကြပြီးနောက် ဦးအေးသိန်းအသံက ထွက်ပေါ်လာသည်။
“ဟုတ်တယ်ဗျာ ကျနော်တို့ကို ဆရာရာဇဂဏီဆိကလာတဲ့ အယ်ဒီတာတွေမှန်းသိလို့ ရောက် ရောက်ချင်း ဖမ်းနှိမ်လိုက်တာပဲ သူလိမ်တာပေါ်မှာစိုးလို့ စောစောနှိပ်ကွပ်ထားလိုက်တာ”
ရှင်မိုးထွေးကထောက်ခံလိုက်သည်။တဆက်တည်းမှာပင် မျိုးဇော်အောင်က မေးလိုက်ပြန်။၏။ “ဆရာက ဘယ်လိုလုပ်ဖို့စိတ်ကူးထားသလဲ” မျိုးဇော်အောင်၏ အမေးကို ဦးအေးသိန်း ချက်ချင်းအဖြေပေးလိုက်၏။ “ကျနော်က ရှေ့ကဦးဆောင်သွားမယ် အခြေအနေကြည့်ပြီး လုပ်သင့်တာကို မြန်မြန်လုပ်လိုက် ကြပါ။ ရှင်မိုးထွေးသဘောပေါက်ပါတယ် ပွဲတွေကြုံခဲ့ပြီပဲ ဘိုးမင်းခေါင်နဲ့ပတ်သက်လို့ ကျနော် အများကြီး လေ့လာထားတာ ခင်ဗျားတို့အသိပဲ”
ရှင်မိုးထွေးက သူ့နှုတ်ခမ်းမွှေးအောက်က ပါးစပ်ကိုဖြဲကာ ရယ်လိုက်၏။ မျိုးဇော်အောင်က တော့ ထုံးစံအတိုင်း လှပသောအပြုံးဖြင့် သဘောတူကြောင်းပြသနေသည်။ ကျနော်တို့ကိုကြည့်နေ သော ဆရာရာဇဂဏီကလည်း ကျေနပ်သောအပြုံးဖြင့် နက်ဖြန်ပွဲကို စိတ်ဝင်တစား စောင့်စားကြည့် မည့် ပုံ ပေါ်နေပါတော့သည်။
သည်လိုနှင့်ပင် ဘိုးမင်းခေါင်ပူဇော်ပွဲသို့ အယ်ဒီတာများ နောက်တကြိမ်ရောက်လာကြပြန်သည် သည်တကြိမ်တွင်တော့ ပရိတ်သတ်များအံ့သြတုန်လှုပ်စရာ အဖြစ်အပျက်တခုက မမျှော်လင့်ပဲဖြစ်ပေါ် လာတော့သည်။
. ဦးအေးသိန်းတို့ဝင်လာသည်ကိုမြင်လိုက်သည်နှင့် ဘိုးမင်းခေါင်ဓာတ်စီးနေသော ဘိုးတော်ဆို သူက ထုံးစံအတိုင်း အမိန့်ပေးလိုက်သည်။
“ဟိုကောင်သုံးယောက် နောက်မှာထိုင်”ထိုသူအော်သံဆုံးသည်နှင့် ဦးအေးသိန်းက ပြန်အော်လိုက်သည်။
“မထိုင်ဘူးကွာ”ဦးအေးသိန်းသည် အော်ပြောရင်းမှပင် ပရိတ်သတ်ရှေ့သို့ခပ်သွက်သွက်သွား လိုက်၏။နောက်မှ မျိုးဇော်အောင်နှင့်ရှင်မိုးထွေးတို့ တပါတည်းကပ်ပါလာကြသည်။ ဘိုးတော်ရှေ့ရောက်သည်နှင့် ဦးအေး သိန်းက အလုပ်စတော့သည်။
“ဟေ့ကောင် မင်းဘိုးမင်းခေါင် အစစ်ဆိုရင် ဘိုးမင်းခေါင်က ဆံပင်အတိုလား အရှည်လားပြော စမ်း”
ဦးအေးသိန်း၏ အမေးကို ဘိုးတော်က ချက်ချင်းဖြေလိုက်၏။
“ဟေ့ကောင် ဘိုးမင်းခေါင်က ဆံပင်အတိုလည်းထားတယ် တခါတလေ အရှည်လည်းထား တယ်ကွ”
ဘိုးတော်ကဖြေလိုက်သည်။ တကယ်လည်း ဘိုးမင်းခေါင်ပုံများမှာ ထိုင်လျှက် ရပ်လျှက်ပုံများ တွင်အချို့က ကတုံးဆံတောက်ဖြစ်ပြီး အချို့ကဆံပင်ရှည်နှင့်ပုံများဖြစ်သည်ကို ဘိုးတော်ကအပိုင်ဖြေ လိုက်ခြင်းဖြစ်သည်။ ဦးအေးသိန်းက တချက်ရယ်မောလိုက်ပြီး ပြောလိုက်၏။
“လူညာ ဘိုးမင်းခေါင်က ဆံပင်အတိုပဲထားတယ်။ ဆံပင်အရှည်နဲ့ပုံက ကချင်ပြည်နယ် မြစ်ကြီးနား မြို့မှာနေစဉ်က ကချင်တွေက သစ်တုံးကြီးရွှေ့ပေးလို့ ယုံကြည်ကိုးကွယ်ကြရာမှာ ကချင်နတ်ကြီးဆိုပြီး သူတို့လူမျိုးလို ဆံပင်အရှည်ကြီးနဲ့ရုပ်ထု ထုပြီးကိုးကွယ်တာ မင်းမှတ်ထား”
ဦးအေးသိန်းနှင့် ဘိုးတော်တို့ အပြန်အလှန်ဖြစ်နေကြသည်ကို သည်အဖြစ်မျိုး တခါမှမကြုံဘူး မမြင်ဘူးသောပရိတ်သတ်က ငြိမ်သက်စွာကြည့်နေကြသည်။ ဦးအေးသိန်းက နောက်မေးခွန်းတခုမေး လိုက်ပြန်သည်။
“နောက်တခုမေးမယ် ဘိုးမင်းခေါင် ၁၃၀၀ ပြည့်မှာ ကချင်ပြည်နယ်ကနေ ပုပ္ပားတောင်တော် ဆီကိုကြွတဲ့အချိန်မှာ ဘိုးမင်းခေါင်ရွတ်တဲ့ အောင်မြေနင်းဂါထာ ရသလား မင်းရွတ်ပြစမ်း”
ဘိုးတော်ငြိမ်ကျသွားသည် နဖူးကချွေးနည်းနည်းစို့လာ၏။ အတန်ကြာသောအခါမှဦးအေးသိန်း အသံကထွက်လာပြန်သည်။
“ဟေ့ကောင်မှတ်ထား၊ အောင်ဆန်းထူး၊ မှန်းသိုက်ဝင်၊ကျော်ထက်ဝှန်း၊ သောင်းဇမ္ဗူ မင်းရသ လား ဆိုပြစမ်း”
ဘိုးတော်ခင်ဗျာ စောစောက ပူးနေသလိုဖြစ်ကာ တုန်နေသော သူ့ကိုယ်ကောင်ကြီးက သစ်တုံး လိုငြိမ်နေတော့သည်။ ဦးအေးသိန်း ပစ်မှတ်ကိုအထိနာအောင် နောက်ဆုံးကျည်ဆန်တတောင့်ပစ်ထဲ့ လိုက်တော့သည်။
“ကဲ မင်းကိုနောက်ဆုံး တခုမေးမယ် မင်းဖြေပါ ဘိုးမင်းခေါင်ရှိတုန်းက ဘိုးမင်းခေါင်ကို ဝေယျာ ၀စ္စလုပ်ပေးခဲ့တဲ့ အဖွားကြီးက အခုဒေါ်သုဓမ္မစာရီဘွဲ့နဲ့သီလရှင်ဝတ်နေတယ် ဘယ်မှာလဲ မင်းသိလား”
ဘိုးတော်ဆိုသူ ခေါင်းက ငိုက်စိုက်ကျသွားသည် ကိုယ်ကောင်ကလည်း ရှေ့သို့ကိုင်းညွတ်ကျ လာတော့သည်။ သည်အချိန်တွင် အတွေ့အကြုံရှိသော ရှင်မိုးထွေးက သူ့လုပ်ငန်းကို မဆိုင်းမတွပင် စတင်လိုက်ပါတော့သည်။ ရှင်မိုးထွေးပါးစပ်မှ မာဂဓစကားလိုအသံများထွက်လာသည် သူ့ကိုယ်ကြီး ကလည်း သွက်သွက်ခါနေသည်။ဘိုးတော်ဆိုသူ၏လည်ပင်းကို နှိမ့်ကာ ကျောကုန်းကို တအုံးအုံးဆက် တိုက်ထုလိုက်ပြီး ပါးစပ်က အော်လိုက်သည်။
“ဟေ့ကောင် လူလိမ်ထွက်သွား”
ရှင်မိုးထွေးအော်သံဆုံးသည်နှင့် ဘိုးမင်းခေါင်ပူးနေသော သူသည် နေရာမှထကာ အိမ်အပြင် သို့ပြေးထွက် သွားတော့သည်။ ရှင်မိုးထွေးက တင်ပြင်ခွေထိုင်ကာ ဆက်လက်ပူးဝင် အမိန့်ပေးနေပါ တော့သည်။ ရှင်မိုးထွေးရှေ့မှ ဖလားကြီးသည် အလှူငွေများပြည့်လျှံကျလာသည်အထိ တိုးဝှေ့ လှူဒါန်း နေကြ။၏။ နာရီအတော်ကြာအောင်ပင် ရှင်မိုးထွေက သရုပ်ဆောင်လိုက်ရင်း အောက်ပါအ တိုင်း အမိန့်ပေး လိုက်ပါသည်။
“မှတ်ထား ဘိုးမင်းခေါင်ဆိုတိုင်း ရမ်းသမ်းမကိုးကွူယ်ကြနဲ့ ချွေနှီးစာလေးတွေကုန်ပြီး ဘာမှ ဖြစ်မှာ မဟုတ်ဘူး သတိနဲ့ စီစစ်လုပ်ကြ ငါကြွမယ်”
ရှင်မိုးထွေးသည် တဖြေးဖြေးငြိမ်သက်သွားသည် (ဘိုးတော်ထွက်သွားခြင်းဖြစ်၏) နဖူးမှချွေးများ ကိုသုတ်ရင်း အားလုံးချမ်းသာကြပါစေ ဒီအလှူငွေတွေကို ပရိတ်သတ်အားလုံး လာဘ်လာဘ ရွှင်အောင် ရွှေမိုးငွေမိုးရွာပါမယ်။ ဟုပြောပြီးသည်နှင့် ဖလားထဲမှငွေများကို ပရိတ်သတ် အပေါ်သို့ကြဲနေပါတော့ သည်။
ဖိုးသူတော် (www.phothutaw.com)
Credit: မောင်မြေသစ်(၀ါးခယ်မ)
No comments:
Post a Comment