ရန်ကုန်နည်းပညာတက္ကသိုလ်တွင် ဆရာကို ကျောင်းသားက ဝေဖန်သည့်စနစ် စတင်ကျင့်သုံးနေပြီဟုဆို

ရန်ကုန်နည်းပညာတက္ကသိုလ် ကျောင်းသား၊ ကျောင်းသူများ အား တွေ့ရစဉ်။

 ရန်ကုန် နည်းပညာတက္ကသိုလ်တွင် ယခုပညာ သင်နှစ်ကစပြီး ဆရာကို ကျောင်း သားက ဝေဖန်သည့်စနစ်ကို စတင် ကျင့်သုံးနေပြီဖြစ်သည်။
အဆိုပါစနစ်သည် ဘွဲ့လွန်၊ ဘွဲ့ ကြိုကျောင်းသားတွေက ဆရာ၊ ဆရာ မတွေကို သင်ကြားမှုနှင့်ပတ်သက်ပြီး ဝေဖန်အကြံပြုသည့်စနစ်၊ တစ်နည်း အားဖြင့် သင်ကြားသူဆရာနှင့်သင် ယူသူကျောင်းသားတို့အကြား နား လည်မှုလွဲ၊ သဘောထားကွဲလွဲသည့် သင်ကြားရေးပုံစံ တို့ကိုပြုပြင်ရန် ကျောင်းသားလိုချင်သည့် သင်ကြားမှု ပုံစံ၊ ကျောင်းသားနှင့် အံဝင်ခွင်ကျ သည့် သင်ကြားရေးပုံစံရအောင် ကျောင်းသားများက ဝေဖန်အကြံပြု ရသည့်စနစ်ဖြစ်သည်။
ယင်းစနစ်သည် ကျောင်းသား ၏ ပညာသင်ကြားရေးကို ပိုမိုအ ထောက်အကူပြုစေမည်ဟုလည်း သိရသည်။ ရန်ကုန်နည်းပညာ တက္ကသိုလ်အနေဖြင့် နိုင်ငံတကာ အဖွဲ့အစည်းများ၏အသိအမှတ်ပြုခံ ရရေးနှင့် နောက်ဆုံးအဆင့်အမေရိ ကန်နိုင်ငံ၊ ဝါရှင်တန်သဘောတူညီ ချက် (ဝါရှင်တန် ဗခခသမိ) တွင် ပါ ဝင်လက်မှတ်ရေးထိုးနိုင်ရန် ယခု ကဲ့သို့စနစ်မျိုး ကျင့်သုံးရခြင်းဖြစ် ကြောင်း သိရသည်။
''နိုင်ငံတကာအသိအမှတ်ပြု လက်မှတ်ရဖို့ လုပ်ဆောင်ရတဲ့အထဲ မှာ Quality Management System - QM မှာပါတဲ့အချက်တစ်ချက် အနေနဲ့ ကျောင်းသားရဲ့အရည်အချင်း တိုးတက်အောင်၊ လုပ်ရတဲ့စနစ်ပေါ့။ ဆရာကတော့ ကျောင်းသားနားလည် အောင် နည်းမျိုးစုံနဲ့သင်မှာပဲ။ ဒါပေမဲ့ ကျောင်းသားအနေနဲ့ကျတော့ ဘယ် လိုသင်တာကတော့ အဆင်မပြေဘူး။ ဘယ်လိုဆိုရင်တော့ အဆင်ပြေတယ် ဆိုတာမျိုးသိရအောင် ဒီစနစ်ကို လုပ်ရတာပါ''ဟု ရန်ကုန်နည်းပညာ တက္ကသိုလ်မှပါမောက္ခဌာနမှူးဒေါက် တာဥာဏ်မြင့်ကျော်က ပြောသည်။
ရန်ကုန်နည်းပညာတက္ကသိုလ် အနေဖြင့် ထိုဝါရှင်တန် သဘောတူ ညီချက်မှာ ပါဝင်လက်မှတ်ရေးထိုးနိုင် ပြီဆိုပါက မြန်မာနိုင်ငံ၏ အင်ဂျင် နီယာပညာရေးသည် နိုင်ငံတကာ အသိအမှတ်ပြုခြင်းခံရမည်ဖြစ်ပြီး ဒီတက္ကသိုလ်က မွေးထုတ်ပေးလိုက် သည့် ကျောင်းသား၊ ကျောင်းသူများ အနေဖြင့်လည်း နိုင်ငံတကာအင်ဂျင် နီယာလောကတွင် အလုပ်အကိုင် အခွင့်အလမ်းများရရှိရန် ပိုမိုလွယ်ကူ လာမည်ဟု သိရသည်။
ယင်း QM လက်မှတ်ရဖို့ အချိန် သိပ်မစောင့်ရဘဲ ယခုနှစ်မကုန်ခင် ရရှိနိုင်မည်ဖြစ်ပြီး QM လက်မှတ် သက်တမ်းသည်သုံးနှစ် (သို့မဟုတ်) ငါးနှစ်သက်တမ်းရှိသည့်အတွက် အ ဆိုပါသက်တမ်းအတောအတွင်းတွင် အဖွဲ့အစည်း၏ လာရောက်စစ်ဆေး ခြင်းခံရမည်ဖြစ်ကြောင်းနှင့် နောက် ဆုံးအဆင့်နိုင်ငံတကာအသိအမှတ် ပြုခံရဖို့ဆိုလျှင်တော့ အနည်းဆုံး နှစ်နှစ်ကျော်ခန့် ကြာမြင့်ကြောင်း သိရသည်။
"QM လက်မှတ်ရပြီးသွားရင် ဒီအတိုင်းနေလို့ မရဘူး။ တောက် လျှောက် လေ့ကျင့်မှုတွေ လုပ်နေရ မှာ။ လက်မှတ်ရပြီဆိုပြီး ရပ်နေလို့ မရဘူး။ သူတို့လာစစ်လို့ သတ်မှတ် ချက်တွေနဲ့ ကိုက်ညီမှ နိုင်ငံတကာ အသိအမှတ်ပြုခံရဖို့ အချိန်မကြာ မှာ''ဟု ဒေါက်တာဥာဏ်မြင့်ကျော် က ဆက်လက်ပြောသည်။
လက်ရှိဝါရှင်တန် Accord မှာ မလေးရှား၊ စင်ကာပူနှင့် သီရိလင်္ကာ နိုင်ငံတို့ ပါဝင်လက်မှတ်ထိုးထားပြီး ဘင်္ဂလားဒေ့ရ်ှနိုင်ငံသည်ပင် ပါဝင် လက်မှတ်ထိုးနိုင်ရေးအတွက် ကြိုး ပမ်းပြင်ဆင်နေကြသည်မှာခရီးတစ် ဝက်ပင်ရောက်နေပြီဟုသိရသည်။မြန်မာနိုင်ငံ၏ ပတ်ဝန်းကျင်နိုင်ငံများ အားလုံးနီးပါး ထိုဝါရှင်တန် Accord တွင် ပါဝင် လက်မှတ် ထိုးနေကြပြီ ဖြစ်သည့်အတွက် မြန်မာနိုင်ငံအနေ ဖြင့်လည်း နောက်ကျကျန်ခဲ့ခြင်းမရှိ အောင် အမီလိုက်ရန် ပြင်ဆင်နေခြင်း ဖြစ်သည်ဟု သိရသည်။
တစ်ဖက်တွင်လည်း ယခုကဲ့သို့ စာသင်ကြားပေးသည့်ဆရာကို ကျောင်း သားမှ ပြန်လည်ဝေဖန်သည့်စနစ် သည် မြန်မာလူမျိုးတို့၏ ယဉ်ကျေး မှုဓလေ့ထုံးစံအရ ဂါရဝတရားနှင့် ကိုက်ညီခြင်းမရှိဟု ဝေဖန်မှုများလည်း ရှိနေသည်။
စင်စစ်အားဖြင့် ယခုကဲ့သို့ သင် ဆရာကိုဝေဖန်သည့် စနစ်ဆိုသည် ထက် ကျောင်းသား၏သင်ယူမှုဖြင့် အံဝင်ခွင်ကျရှိစေရန် လိုအပ်ချက်ရှိ သည့်ဆရာ၊ ဆရာမများကိုအကြံပြု ပြောကြားသည်ဟုဆိုလျှင်ပို၍ မှန်မည် ဟုသိရသည်။ ယင်းစနစ်မျိုးသည် ကျွန်ုပ်တို့ဘိုးဘွားများလက်ထက်မှ ဆရာသမားများကိုယ်တိုင် ကျင့်သုံး လာခဲ့ပြီး တွင်ကျယ်စွာကျင့်သုံးခဲ့ခြင်း မရှိသောကြောင့် မျိုးဆက်ပြတ်ခဲ့ပြီး ယခုမှ စနစ်အသစ် တစ်ခုသဖွယ် ဖြစ် နေသည်ဟုလည်း ဒေါက်တာဥာဏ် မြင့်ကျော်က သုံးသပ်ပြောကြားသည်။
တချို့ကလည်း ပုဂ္ဂိုလ်ရေးအရ ဝေဖန်မှုများဖြစ်ပွားလာမည်ကို စိုးရိမ် နေကြပြီး သည်စနစ်အမှန်တကယ် အောင်မြင်မည်လားဆိုသည်ကို စောင့် ကြည့်လေ့လာနေကြသူများလည်းရှိ နေသည်။ တဖန်ကျောင်းသားများ ဘက်မှလည်း တောင်းဆိုမှုများ၊ ဝေ ဖန်အကြံပြုချက်များ အတိုင်းလိုက် လျောပေးမည်လား၊ ကျောင်းသား၏ ပညာသင်ကြားရေးကို အမှန်ထင်သာ မြင်သာရှိအောင် အထောက်အကူ ပြုပံ့ပိုးပေးနိုင်မည်လား စသည်ဖြင့် မေးခွန်းများထုတ်လျက်ရှိကြသည်။
''အဲဒီလိုဆရာကို ဝေဖန်အကြံ ပြုနိုင်တယ်ပဲထားပါတော့။ ကျွန်တော် တို့အကြံပြုတဲ့အတိုင်း သူတို့ကထင် သာမြင်သာရှိအောင် ပြုပြင်ပေးမှာ လား။ နောက်ပြီးသူတို့သာ ကျွန်တော် တို့ကျောင်းသားတွေရဲ့ ပညာရေးကို အမှန်တကယ်တိုးတက်စေချင်တယ် ဆိုရင် ကျောင်းသားတွေရဲ့ပညာရေး၊ ဘဝအာမခံချက်ရှိဖို့သူတို့လုပ်ပေးစေ ချင်တယ်။ အဲဒီလိုမဟုတ်မှမဟုတ် ရင်တော့ ကျွန်တော့်ပုဂ္ဂိုလ်ရေးအမြင် ကတော့အပေါ်ယံပြောင်းလဲမှုမျိုးလို့ ပဲမြင်တယ်''ဟု ကျောက်ဆည်နည်း ပညာတက္ကသိုလ် ကျောင်းသားများ သမဂ္ဂမှ ကျောင်းသားခေါင်းဆောင် ကိုအောင်မင်းခန့်က ပြောသည်။
ပြီးခဲ့သည့်လပိုင်းက ကျောက် ဆည် နည်းပညာတက္ကသိုလ်တွင် ကျင်းပခဲ့သည့် Private Test အပြီး တွင် ကျောင်းသားများထံမှ သင်ကြား ရေးနှင့်ပတ်သက်ပြီး Feeback များ ပြန်လည်တောင်းခံခဲ့ပြီး ကျောင်းသား များဘက်မှ တောင်းဆိုသည်များကို အမှန်တကယ်ပြုပြင်ပေးမည်လား ဟု မေးမြန်းရာတွင် ကျောင်း၏တာဝန် ရှိသူများက အထက်ကို တင်ပြပေး မည်ဟုသာဖြေကြောင်း ကိုအောင် မင်းခန့်က ဆက်လက်ပြောသည်။
လက်ရှိ ရန်ကုန်နည်းပညာ တက္ကသိုလ်တွင် ကျင့်သုံးနေသည့် အဆိုပါစနစ်သည် ဆရာ၊ ဆရာမ များ၏ သင်ကြားရေးနှင့်ပတ်သက် သည့် မေးခွန်းခုနစ်ခန့်စီကို ကျောင်း သားတစ်ဦးချင်းစီဝေငှပြီး ကောင်း၊ သင့်၊ ညံ့စသည့် ဝေဖန်အကြံပြုမှုမျိုး ကို ကျောင်းသားများမှအမည်၊ ခုံနံ ပါတ်ရေးစရာမလိုဘဲ သက်ဆိုင်ရာ ဌာနမှူးများထံ ပေးပို့ဝေဖန်အကြံပြုရ မည်ဖြစ်ကြောင်း သိရသည်။
ဝါရှင်တန်သဘောတူညီချက်မှာ ပါဝင်လက်မှတ်ထိုးနိုင်ပြီဆိုလျှင် ရန် ကုန်နည်းပညာတက္ကသိုလ်မှ မွေး ထုတ်ပေးလိုက်သည့်ကျောင်းသားများ သည် အင်ဂျင်နီယာဘာသာရပ်နှင့် ပတ်သက်ပြီး နိုင်ငံတကာအင်ဂျင် နီယာတက္ကသိုလ်များတွင် ဆက်လက် တက်ရောက်လိုပါက စာမေးပွဲစစ် ဆေးခံရခြင်းမျိုး မရှိနိုင်တော့ဘဲ တိုက်ရိုက် ဆက်သွယ်တက်ရောက်နိုင် သည့်အခွင့်အရေးများ ရရှိလာမည် ဖြစ်သဖြင့် ယင်းသို့သော ကျောင်း သားများမွေးထုတ်ပေးနိုင်ရေးအတွက် ဤစနစ်ကို ကျင့်သုံးရခြင်းဖြစ်သည် ဟု သိရသည်။

Democracytoday