မြန်မာ့ဆက်သွယ်ရေးလုပ်ငန်းက ၁၅၀၀ ကျပ်ဖြင့် လွတ်လပ်စွာ ရောင်းချပေးမည်ဟု ကြေညာထားသော WCDMA ဆင်းမ်ကတ်များကို MPT က တရားဝင် ရောင်းချခွင့် ပြုထားသော အရောင်းကိုယ်စားလှယ်များက ဆင်းမ်ကတ် သီးခြားရောင်းချခြင်း မပြုဘဲ ပုံစံမျိုးစုံဖြင့် အမြတ်ထုတ် ရောင်းချကြကြောင်း ကိုယ်တိုင် ကြုံတွေ့သူများက ပြောဆိုသည်။
MPT ဆင်းမ်ကတ်များကို ဟန်းဆက်နှင့် တွဲရောင်းခြင်း၊ ငွေဖြည့်ကတ် အနည်းဆုံး ကျပ်တစ်သောင်းခွဲဖိုး ဝယ်ယူမှသာ ရောင်းချခြင်း စသဖြင့် အမြတ်ထုတ် ရောင်းစားမှုများ ပြုလုပ်ကြကြောင်း ဈေးကွက်အတွင်းထံမှ စုံစမ်းသိရှိရသည်။
ယင်းနှင့်ပတ်သက်၍ ရန်ကုန်မြို့ လသာလမ်းရှိ တရားဝင် ရောင်းချခွင့်ရ ဖုန်းဆိုင်တစ်ဆိုင်သို့ ဆက်သွယ်မေးမြန်းရာတွင် ရောင်းချခွင့် အရေအတွက် ခွဲဝေရာတွင် အခြားတရားဝင် ကိုယ်စားလှယ်များထက် ဆင်းမ်ကတ်ခွဲတမ်း ရရှိမှု နည်းပါးခြင်းကြောင့် ယင်းသို့ ရောင်းချရခြင်း ဖြစ်ကြောင်း ယင်းဆိုင်မှ တာဝန်ရှိသူက ဆိုသည်။
“MPT အနေနဲ့ ဆင်းမ်ကတ်တွေကို အကန့်အသတ်မရှိ ဝယ်လို့ရမယ် တရားဝင် ကြေညာထားလို့ သူတို့ပြောထားတဲ့ ဆိုင်တွေမှာ သွားဝယ်တော့ ဟန်းဆက်တစ်လုံး ဝယ်မှ ဆင်းမ်ကတ် ရောင်းမယ်ဆိုတော့ ဘာမှမထူးဘူး။ သူတို့အနေနဲ့ ဒီလိုမျိုးတွေ လုပ်တာ မကောင်းဘူး။ ပွင်းလင်းမြင်သာမှု မရှိဘူး” ဟု နေပြည်တော် မြို့မဈေးအနီးတွင် နေထိုင်သော ဝန်ထမ်း အမျိုးသမီးတစ်ဦးက ဆိုသည်။
MPT ၁၅၀၀ တန် ဆင်းမ်ကတ်များကို ရောင်းချခွင့် ရရှိထားသော ကိုယ်စားလှယ်ဆိုင် အချို့မှာ ဟန်းဆက်တစ်လုံး ဝယ်ယူမှသာ ဆင်းမ်ကတ် ရောင်းချမည် ဆိုသောကြောင့် ၁၅၀၀ ကျပ်ဖြင့်သာ ရောင်းချသော Elite မိုဘိုင်းလ်ဆိုင်နှင့် KMD ဖုန်းဆိုင်များတွင် လူအများအပြား အချိန်ကြာမြင့်စွာ တန်းစီစောင့်ဆိုင်း ဝယ်ယူကြရကြောင်း ဆင်းမ်ကတ်များ ဝယ်ယူရန် စောင့်ဆိုင်းနေသူများက ပြောဆိုသည်။
ဆင်းမ်ကတ်များ လာရောက်ဝယ်ယူသူ များပြားသောကြောင့် ဆင်းမ်ကတ် ရောင်းချသည့် အချိန်ကို နှစ်ပိုင်းခွဲပြီး ရောင်းချရကြောင်း KMD ဖုန်းအရောင်းဆိုင်မှ တာဝန်ရှိသူတစ်ဦးက ဆိုသည်။
“ဆင်းမ်ကတ်ဝယ်ဖို့ မနက် ၁၀ နာရီလောက်တည်းက စောင့်နေတာ။ ၂ နာရီလောက် စောင့်လိုက်ရတယ်။ ဈေးနှုန်းကတော့ ၁၅၀၀ ပဲ ပေးရတယ်” ဟု ဗိုလ်အောင်ကျော် Elite ဖုန်းအရောင်းဆိုင်ခွဲတွင် ဆင်းမ်ကတ် ဝယ်ယူလာသော ဦးသက်အောင်က ဆိုသည်။
ယင်းကြောင့် MPT ဆင်းမ်ကတ်များ၏ ပြင်ပပေါက်ဈေးမှာ ကျပ်တစ်သောင်း ငါးထောင်ခန့် ဖြစ်နေကြောင်း ဈေကွက်အတွင်းမှ သိရသည်။
မြန်မာ့ဆက်သွယ်ရေးလုပ်ငန်းမှ ၁၅၀၀ တန် ဆင်းမ်ကတ်များကို စက်တင်ဘာလ ၁ ရက်နေ့မှ စတင်ကာ တစ်နိုင်ငံလုံးကို ပထမအသုတ် အနေနှင့် ဆင်းမ်ကတ်ပေါင်း ခုနစ်သိန်းကို ရောင်းချသွားမည် ဖြစ်ကြောင်း ကြေညာထားသည်။
The Voice Weekly
No comments:
Post a Comment