မြန်မာနိုင်ငံရဲ့ နိုင်ငံရေးနဲ့ စီးပွားရေး အခြေအနေတွေ ပိုမိုတည်ငြိမ်လာပါက လာမယ့်နှစ်မှာ ဆွစ်ဇာလန် ရင်းနှီးမြှုပ်နှံမှုတွေ အများအပြား ၀င်ရောက်လာဖို့ရှိတယ်လို့ မြန်မာနိုင်ငံဆိုင်ရာ ဆွစ်ဇာလန်သံအမတ်ကြီး က ပြောကြားလိုက်ပါတယ်။
မြန်မာနိုင်ငံအနေနဲ့ တရားမျှတတဲ့ ရွေးကောက်ပွဲဖြစ်ပေါ်လာပြီး ညီမျှတဲ့ စီးပွားရေးယှဉ်ပြိုင်မှု တွေအတွက် ဥပဒေတွေ ပေါ်ထွက်လာကာ (၂၀၁၅)ခုနှစ်နောက်ပိုင်း မြန်မာနိုင်ငံရေးနဲ့ စီးပွားရေး တည်ငြိမ်ရင် ဆွစ်ဇာလန်စီးပွားရေးလုပ်ငန်းတွေဟာ မြန်မာနိုင်ငံကို ၀င်ရောက်ရင်းနှီးမြှုပ်နှံဖို့ရှိတယ်လို့ ဆွစ်ဇာလန် သံအမတ်ကြီးက ဒီဇင်ဘာ (၃)ရက်နေ့က နေပြည်တော်က ကီပင်စကီဟိုတယ်မှာ ကျင်းပတဲ့ ဆွစ်ဇာလန်-မြန်မာ စီးပွားရေးမိတ်ဆက်ပွဲမှာ ပြောပါတယ်။
လက်ရှိအချိန်မှာ ဆွစ်ဇာလန်စီးပွားရေး လုပ်ငန်းအုပ်စုတွေဖြစ်တဲ့ Roche ကျန်းမာရေး စောင့်ရှောက်မှု လုပ်ငန်းနဲ့ Nestle စားသောက်ကုန်လုပ်ငန်းတို့ဟာ (၂၀၁၃)ခုနှစ်ကတည်းက မြန်မာနိုင်ငံမှာ ရင်းနှီးမြှုပ်နှံ မှုတွေ ပြုလုပ်ထားပြီး NESTLE အနေနဲ့ ရန်ကုန်မြို့မှာ စားသောက်ကုန် စက်ရုံကို (၂၀၁၆)ခုနှစ်မှာ ဖွင့်လှစ်မယ်လို့ သိရပါတယ်။ မြန်မာ-ဆွစ်ဇာလန်နှစ်နိုင်ငံကြား စီးပွားရေးဆွေးနွေးပွဲကို (၂၀၁၃)ခုနှစ်က နေပြည်တော်မှာ ကျင်းပခဲ့ပြီး (၂၀၁၅)ခုနှစ် ဇန်န၀ါရီလမှာတော့ ဆွစ်ဇာလန်နိုင်ငံမှာ စီးပွားရေးဆွေးနွေးပွဲ ထပ်မံပြုလုပ်ဖို့ စီစဉ်ထားတယ်လို့ သိရပါတယ်။
MRTV-4
No comments:
Post a Comment