လာမပြောနဲ့ ဆဲပစ်လိုက်မယ်

ထမင်းဆာနေသည့်အချိန် မှာ ကိုယ်အကြိုက် ဆုံးဟင်းနှင့် စားရတာလောက် ဒီလောကကြီးမှာ ဇိမ်ကျသည့် စည်းစိမ်မရှိဟု ကိုခင်မောင်ညွန့်ကဆိုချင်သည်။ ကိုခင်မောင်ညွန့်က မြစ်ဝကျွန်း ပေါ် ဒေးဒရဲသား။ ထို့ကြောင့် ငါးရံ့အူလိုဟင်းမျိုးကို သိပ်ကြိုက်သည်။ ငါးရံ့အူဟင်းဆိုတာကလည်း ရန်ကုန်မှာ စားချင်တိုင်းစားလို့မရ။ ဈေးထဲမှာဝယ်လို့ရသည်ဆိုလျှင်တောင် မညှီအောင်ချက်တတ်ပြုတ်တတ်ဦးမှ။ သို့ မဟုတ်ပါက စားမကောင်း။

ဒီနေ့တော့ လခထုတ်ရက် ငွေရွှင်နေတုန်း အကြိုက်ဆုံးငါးရံ့ အူဟင်းကို ဈေးကြီးကြီးပေးပြီး ရန်ကုန်မြို့က အကောင်းဆုံးဆို သည့် နာမည်ကြီးထမင်းဆိုင်ကြီး မှာ အားရပါးရစားဖို့သူကြံသည်။ ဆီပြန်ကာ     အမွှေးအကြိုင် မဆလာနှင့် အသေအချာချက် ထားသော နာမည်ကြီးထမင်းဆိုင်၏ ငါးရံ့အူဟင်းကလည်း ပေါ် ဆန်းမွှေးဆန်ဖြူဖွေးဖွေးနှင့် အားရပါးရ စားချင်စရာ။ အအီပြေ အောင် သီးစုံဖျော်ရည်ကိုလည်း သူကမှာထားသည်။   သို့သော် ကိုခင်မောင်ညွန့်၏ မြိန်ရေရှက် ရေ အောင်ပွဲခံမှုကြီးက သိပ်မကြာလိုက်။ သူသိပ်ကြိုက်သောငါးရံ့ အူဟင်းထဲမှာပါလာသည့် ငါးမျှားချိတ်ကြီးကြောင့်   စားချင်စိတ် တွေ ကြက်ပျောက် ငှက်ပျောက်ဖြစ်ကုန်ပြီး ဒေါသတွေသာ အလိပ်လိပ်တက်လာရလေပြီ။

‘‘ငါးရံ့အူဟင်းဗျာ၊ ရှားရှားပါးပါး ကြိုက်လွန်းလို့ လကုန်ရက် ဈေးကြီးပေးဝယ်စားပါတယ်။ ငါး မျှားချိတ်ကြီး အာခေါင်စူးတော့ မလို့။ နည်းတာကြီးမဟုတ်ဘူး။ အဲဒါနဲ့ ဆိုင်ရှင်ကိုခေါ်ပြတာပေါ့။ ဘာလုပ်ပေးမလဲ။ ဘယ်လို တာဝန်ယူမလဲ။ တောင်းပန်မလဲ ပေါ့။ တစ်ချက်ပဲလှည့်ကြည့် တယ်။ သြော် . . . ဟုတ်လားတဲ့’’

ထို့နောက်မှာတော့ ဒေါသ ကြီးသောကိုခင်မောင်ညွန့်နှင့် ဆိုင်ရှင်တို့ မကျေမနပ်တစ် ယောက်တစ်ခွန်းစကားများကြ သည်။ နောက်ဆုံးမှာ ဆိုင်ရှင်က ထမင်းဖိုးကျသင့်ငွေကို ပြန်ပေးပါ သည်။ သို့သော် ခင်မောင်ညွန့်က မကျေနပ်ပါ။ ငွေပြန်ရသော် လည်း ဆိုင်ရှင်ကပြောလိုက်သည့် တိုင်ချင်ရာတိုင်ဆိုသောစကား တစ်ခွန်းကြောင့်ဖြစ်ပါသည်။

‘‘ငွေပြန်ရချင်လို့ပြောတာ မဟုတ်ဘူးဗျ။ စားသုံးသူကို အလေးမထားတဲ့သူတို့အကျင့်ကို လက်မခံနိုင်တာ။ မတော်တဆ ဖြစ်တယ်။ ဒါကိုကျေနပ်အောင် တောင်းပန်ဖြေရှင်းဖို့လိုတယ်။ အခုတော့ဗျာ တိုင်ချင်ရာတိုင်ဆို တာကတော့ အတော်မယဉ်ကျေး တာပဲ’’

စားသုံးသူအခွင့်အရေးဆို တာ သိပ်အလေးမထားသော မြန်မာနိုင်ငံမှာတော့ ကိုခင်မောင် ညွန့်လိုဇာတ်လမ်းတွေက မကြာ ခဏကြားရလွန်းသဖြင့် ရိုးနေပါ ပြီ။ ထမင်းဆိုင်ကဲ့သို့ လုပ်ငန်း သေးများမဆိုထားဘိ၊ နိုင်ငံ တကာစံချိန်မီဟု ကိုယ့်ကိုယ် ကိုယ်ကြွေးကြော်ထားသော မြန်မာနိုင်ငံက ဝန်ဆောင်မှုလုပ် ငန်းကြီးများ၊ ကုမ္ပဏီကြီးများမှာ ပင် စားသုံးသူအခွင့်အရေးဆိုတာ က အလွန်ဖျော့တော့အရောင်မှိန် နေသောအရာဖြစ်ပါသည်။

မကြာသေးမီကမှ နိုင်ငံ၏ အကြီးဆုံးဟုခေါ်နိုင်သည့် စူပါမား ကက်ကြီးတစ်ခုနှင့် ကျောင်း ဆရာမတစ်ဦးတို့ပြဿနာတက် ကြသည်။ ပြဿနာအရင်းစစ် သော် ဈေးဝယ်စင်တာ၏မှားယွင်း မှုဖြစ်သည်။ နိုင်ငံတကာမှာဆို လျှင် သည်ပြဿနာမျိုးသည် လျော်ကြေးပေးမှ ကျေအေးမှာ မျိုးဖြစ်သော်လည်း ဈေးဝယ်စင် တာကမူ ကာယကံရှင်ကျေနပ် အောင် တောင်းပန်ခြင်းပင်မပြု နိုင်သဖြင့် အင်တာနက်ပေါ်မှာ အုတ်အော်သောင်းတင်းဖြစ်ကြ သည်။

ဟိုတစ်လောဆီကလည်း ရန်ကုန်လေဆိပ်ကို မြေပြင်ပိုင်း ဆိုင်ရာဝန်ဆောင်မှုလုပ်ငန်းတစ် ခုနှင့် ခရီးသည်များ ပြဿနာဖြစ် ကြသည်။ မကျေနပ်သောခရီး သည်က ဖေ့စ်ဘွတ်ခ်စာမျက်နှာ ပေါ်မှာ အဆိုပါဝန်ဆောင်မှုကို အပြစ်တင်၏။ ထိုအခါ အင်အား ကြီး ခရိုနီတစ်ဦးပိုင်သည့် အဆိုပါလုပ်ငန်းကြီးမှ ဝန်ထမ်းများက ခရီးသည်အမျိုးသမီးကို အကြီးအကျယ် အပြစ်တင်တုံ့ပြန်ကြလေ၏။ ကိုယ်က အုပ်စုများ၊ လုပ် ငန်းတောင့်တင်းမှုကို အသာစီးယူပြီး မိမိတို့ဝန်ဆောင်မှုကို အပြစ်တင်သော အမျိုးသမီး၏ကိုယ် ရေးကိုယ်တာများကိုပါ မဆီမဆိုင်အငြိုးတကြီးဖြင့်ပုတ်ခတ် ကုန်ကြတော့သည်။

အမှန်တော့ ခရီးသည်များ ၏ တိုင်တန်းပြောဆိုချက်တိုင်း သည်လည်း မှန်သည်ဟုမဆိုသာပါ။ ခရီးသည်များအနေဖြင့် လေဆိပ်ကုမ္ပဏီ၏ ဝန်ဆောင်မှု လုပ်ငန်းကို အပြည့်အဝနားလည်ချင်မှနားလည်မည်။ သူအဆင်မပြေဖြစ်တာကို ပြောကြတာက ခရီးသည်၏သဘာဝဖြစ်မည်။ ဖြေရှင်းပေးနိုင်လျှင်ပေး၊ မဖြေ ရှင်းပေးနိုင်လျှင်လည်း နိုင်ငံတကာအဆင့်မီ လုပ်ငန်းပီသစွာ ရှင်းပြပေးရုံသာ  ဖြစ်သည်။ သို့သော်လည်း

‘‘ကိုယ်ကတော့ ကိုယ်ငွေ ပေးထားရတဲ့ဝန်ဆောင်မှုတစ်ခု ကိုမကြိုက်ရင်ပြောမှာပေါ့နော်။ အခုတော့ အဲလိုပြောတာကို အရေးယူစဉ်းစားပြင်ဆင်မယ့်အစား၊ ဖြေရှင်းပေးရမယ့်အစား လူအုပ်နဲ့ ဝိုင်းပြီးဆဲကြဆိုကြတယ်။ ကက်ကက်လန် သတ်မယ်ဖြတ်မယ် ပြောတာပဲခံလိုက်ရပါ တယ်။ ကိုယ့်ပုံကိုလည်း အွန်လိုင်းမှာတင်ပြီး ပေါက်ကရလျှောက် ရေးကြတယ်။ ဒါကတော့ သူတို့ရဲ့ ကာစတန်မာတွေ ကွန်ပလိန်း တက်တာကို ဖြေရှင်းနည်းပဲတူပါ ရဲ့။  နောက်  မပြောရဲအောင်၊ ကြောက်အောင် လုပ်ကြတာပေါ့ လေ’’ဟု ကာယကံရှင်အမျိုးသမီး ကပြောသည်။

ရန်ကုန်ရှိအမေရိကန်စင်တာ မှာ ၂၀၀၆ ခုနှစ်လောက်ဆီက အင်္ဂလိပ်စာသင်ပြပေးဖူးသော အမေရိကန်လူမျိုးအင်္ဂလိပ်စာ ဆရာ မစ္စတာတိုနီဟေးက မြန်မာ ကျောင်းသားများသည် ကိုယ် မကြိုက်သော    အရာတစ်ခုကို မကြိုက်ကြောင်း၊ လက်မခံနိုင် ကြောင်း ပြောပြတုံ့ပြန်ဖို့ အတော် ဝန်လေးကြသည်ဟုဆိုပါသည်။

‘‘တစ်နေ့မှာ ကျွန်တော်က အင်္ဂလိပ်သင်ခန်းစာမှာ တိုင်တန်း ပြောဆိုခြင်း (Complain)စကား လုံးတွေသင်တယ်။ အဲဒါနဲ့ ကျောင်းသားတွေကို     မင်းတို့ မြန်မာလို   ဘယ်နေရာတွေမှာ ဘယ်လိုတိုင်ကြသလဲ ပြောပြစမ်း ပါဆိုတော့ သူတို့က အဲလိုတိုင် လေ့တိုင်ထမရှိပါဘူးတဲ့။ အဲဒါနဲ့ ကျွန်တော်က ပြောတယ်။ မင်းတို့ တွေ စည်ပင်အခွန်ပေးပြီး အမှိုက် လာမရှင်းတာ    မတိုင်ဘူးလား၊ မြောင်းတွေပိတ်နေတာမတိုင်ကြ ဘူးလားမေးတော့ သူတို့က အဲဒါ တွေကတိုင်စရာလားတဲ့’’

နိုင်ငံတကာက လုပ်ငန်းကြီး အတော်များများမှာတော့ သူတို့၏ဝန်ဆောင်မှုနှင့်ပတ်သက်သည့်အကြံပေးချက်၊ တိုင်တန်းချက်များကို တလေး တစားလက်ခံလေ့ရှိပါသည်။ ဒီလိုတိုင်တန်း ချက်ပြန်လည်သုံးသပ်ချက်တွေကနေ သူတို့လုပ်ငန်း၏ပုံရိပ်ကို တည်ဆောက်ယူကြပါသည်။

ဥပမာ အမေရိကန်နိုင်ငံ ဖလော်ရီဒါမိုင်ယာမီလေဆိပ်က ကားဝန်ဆောင်မှုလုပ်ငန်းတစ်ခု ကို ကိုယ်ကသုံးစွဲချင်သည်ဆိုပါ စို့။ ဒီလုပ်ငန်းက ကောင်း၊ မကောင်းအဆင်ပြေ၊ မပြေ မည်သို့ရှိမလဲ ဆိုတာကို မည်သူ့ကိုမှ လိုက်မေး စရာမလို။ အဆိုပါဝန်ဆောင်မှုကို သုံးစွဲသူတွေက ပေးထားသောသုံး သပ်ချက်ကို အင်တာနက်ပေါ်က တိုင်တန်းချက်၊ သုံးသပ်ချက်များ ကိုသာကြည့်လိုက်ရုံဖြစ်ပါသည်။ အချို့သုံးစွဲသူအနည်းစုက မကျေ မနပ်    ရေးထားတာတွေလည်း တွေ့ရသည်။ သို့သော် သည်လို တိုင်တန်းသူတွေက အနည်းဆုံး ဖြစ်ပြီး ကောင်းပါသည်။

အဆင် ပြေပါသည်။ ကျေနပ်ပါသည်ဟု သုံးသပ်ချက်များလှိုင်လှိုင်ပေး ထားပါက သည်လုပ်ငန်းကို ကိုယ် ကစိတ်ချလက်ချသုံးစွဲလိုက်ရုံပင်။ထို့ကြောင့် ကုမ္ပဏီများအတွက် လူသတင်းလူချင်းဆောင်သလို သုံးစွဲသူများ စိတ်ကျေနပ်မှု ရအောင်လုပ်ပေးခြင်းက သိန်းချီ ကြော်ငြာတာထက်ပိုတာသွား သည်။ ထို့ကြောင့် လုပ်ငန်းကြီး များက လူတစ်ယောက်တလေ ၏ တိုင်ကြားတာကိုမမှုကြ၊ မကြောက်ကြ။ ကိုယ်ကသာ ဝန်ဆောင်မှုမှန်ကန်ပါက ထောက်ခံသူအများအပြားရှိစမြဲ ပင်။

‘‘မြန်မာမှာက တိုင်လည်း အလကားပဲလေ။ စာရွက်ကုန်ရုံ ပေါ့။ ဘယ်သူကမှ ဘာမှအရေး မယူဘူး။ အရင်ဆိုရှည်လစ်ခေတ် က ဝန်ဆောင်မှုလုပ်ငန်းတွေ အတော်များများက အစိုးရပိုင်ဆို တော့ တိုင်တာကိုလက်မခံခဲ့တာ ကနေ ထုံးစံဖြစ်လာတာ။ ပြီးတော့ဒီမှာက လုပ်ငန်းတွေမှာ အပြိုင် အဆိုင်ဆိုတာထက် ဒီနေရာမှာ သူတို့ပဲရှိတယ်။ ကျေနပ်လည်း နေ၊ မကျေနပ်လည်းနေဆိုတာ မျိုး’’ဟု မကြာသေးမီက ပုဂ္ဂလိ ကဘဏ်တစ်ခုတွင် ငွေထုတ်ရင်း အဆင်မပြေဖြစ်လာသူ စမ်းချောင်းမှ မစုဝင်းက မကျေမနပ်ပြော သည်။ သို့သော်လည်း မြန်မာ အစိုးရက နိုင်ငံခြားဘဏ်များကို မြန်မာငွေဖြင့် ဝန်ဆောင်မှုပေးခွင့် မပြုသေးသဖြင့် ဝန်ဆောင်မှုညံ့ ဖျင်းလှသော ပြည်တွင်းဘဏ်များ ကို မကြိုက်သော်လည်း အောင့် ကာနမ်းနေရဦးမည်ဟု မစုဝင်းက ဆိုပါသည်။

ဒီလို မြန်မာနိုင်ငံမှာ သုံးစွဲသူ အခွင့်အရေးများ လတ်တလော မှိန်ဖျော့နေချိန်မှာ အရောင်တင် ပေးရန်ကြိုးစားမှုတချို့လည်း တွေ့လာရပါသည်။ တစ်လောက နာမည်ကျော် YKKO ကြေးအိုးက သူ့ဆိုင်ကစားသုံးသူများအတွက် အဆင်မပြေဖြစ်ခဲ့မှုများကို လူသိ ရှင်ကြား ဝန်ချတောင်းပန်ခဲ့သည်။ နောက်နောင် ထိုကဲ့သို့မဖြစ်စေ ရန် ကြိုးပမ်းပါမည်ဟု ဝန်ခံကတိ ပေးကာ လေးလေးစားစားကြေ ညာခဲ့သည်။ ဒီအရာက ဘာပဲ ပြောပြော စားသုံးသူများ၏အခွင့် အရေးကို လေးစားအသိအမှတ် ပြုလာပြီဆိုသည့်သဘောဖြစ်ပါ သည်။ သူ့နောက်ကနေ အခြားသောဝန်ဆောင်မှုများ၊ လုပ်ငန်းများလည်း နောင်အနာဂတ်မှာ လိုက်နာလိုက် လုပ်လာကြမည်ဟု မျှော်လင့်စရာ ရှိလာပါသည်။

‘‘အခုတော့ဗျာ မနေနိုင် မထိုင်နိုင် အချိုးမပြေတာတွေကို ပြောမယ်ဆိုရင်တော့ ပြောလည်းပြော၊ ပြေးပေါက်လည်းရှာထား။ သူတို့ကတော့ ပြင်မှာမဟုတ်ဘူး ခင်ဗျားသာ အတွယ်ခံရမှာ။ ကျွန်တော်လည်း ထမင်းဆိုင်မှာ ပြောတုန်းက အခြေအနေတော့ အကဲခတ်ရသေးတာ။ တော်ကြာ အုပ်စုလိုက်ဝိုင်းရိုက်ကြမှာစိုးလို့’’ ဟု နာမည်ကြီးထမင်းဆိုင်မှာ ငါးရံ့အူဟင်းနှင့် ထမင်းတစ်နပ် ကို လက်လွတ်ဆုံးရှုံးခဲ့ရသူ ကိုခင်မောင်ညွန့်ကသတိပေး လိုက်ပါသည်။
ထားထားမြင့်
7 day