အစ်ကိုဖြစ်သူ၏ အပြစ်အတွက် ညီမနှစ်ဦး မုဒိမ်းကျင့်ခံပြီး ပေးဆပ်ရန် အိန္ဒိယ ကျေးရွာကောင်စီတစ်ခု အမိန့်ချ

အစ်ကိုဖြစ်သူ၏ လူမှုရေး ဖောက်ပြန်မှုအတွက် ညီမနှစ်ဦးကို မုဒိမ်းပြန်ကျင့်ရန် ကျေးရွာအုပ်ချုပ်ရေး ကောင်စီတစ်ခု၏ ဆုံးဖြတ်ချက်ကြောင့် အိန္ဒိယတွင် ဒေါသတကြီး ဝေဖန်ရှုတ်ချမှုများ ပေါ်ပေါက်လာကြောင်း သိရသည်။
မိန်းကလေး နှစ်ဦး၏ အစ်ကိုသည် မျိုးရိုးအဆင့်အတန်း ပိုမြင့်သည့် မိသားစု တစ်ခုမှ အိမ်ထောင်သည် အမျိုးသမီးတစ်ဦးကို ခိုးပြေးသွားသည့်နောက် မိန်းကလေးနှစ်ဦးက ကိုယ်စား အပြစ်ဒဏ် ခံယူရန် ကျေးရွာအုပ်ချုပ်ရေး ကောင်စီက ဆုံးဖြတ်ခဲ့ခြင်း ဖြစ်သည်။ အိန္ဒိယ၏ ဟိန္ဒူဘာသာရေး အခြေပြု လူ့အဖွဲ့အစည်းတွင် မျိုးရိုးအဆင့်အတန်း ခွဲခြားဆက်ဆံမှုများ ပြင်းပြင်းထန်ထန် ကျန်ရှိနေဆဲ ဖြစ်သည်။
ကျေးရွာကောင်စီ ဆုံးဖြတ်ချက်အရ မုဒိမ်းကျင့်ခံပြီး အစ်ကို၏ အပြစ်ကြွေးကို ပေးဆပ်ရမည့် မိန်းကလေး နှစ်ဦးအနက် တစ်ဦးသည် ၁၅ နှစ်မျှသာ ရှိသေးသည်။ အဆိုပါ မိန်းကလေးနှင့် အစ်မဖြစ်သူ အသက် ၂၃ နှစ်အရွယ် မီနက်ရှီကူမာရီတို့သည် မုဒိမ်းကျင့်သည့် ပြစ်ဒဏ်ကို ခံယူပြီးပါက တစ်ကိုယ်လုံး ဗလာကျင်း အဝတ်ချွတ်ပြီး ကျေးရွာထဲ လှည့်လည်သွားလာကာ မိသားစုကိုယ်စား အရှက်ရစေရမည်ဟု အမျိုးသားများချည်း ပါဝင်ဖွဲ့စည်းထားသည့် ကျေးရွာကောင်စီက ဆုံးဖြတ်ခဲ့သည်။

ဒေလီမြို့တော် မြောက်ဘက် ယူတာပရာဒက်ရ်ှတွင် ဖြစ်ပွားခဲ့သော ကိစ္စသည် အိန္ဒိယ၏ ကျေးလက်လူ့အဖွဲ့အစည်းများတွင် အမျိုးသမီးများအပေါ် အပြင်းအထန် နှိမ့်ချဆက်ဆံမှုများ ရှိနေဆဲ ဆိုသည်ကို ထင်ရှားလာစေသည်။ ကျေးရွာကောင်စီ၏ ဆုံးဖြတ်ချက် အပြီးတွင် ဖခင်ဖြစ်သူက သမီးနှစ်ဦးကို ခေါ်ဆောင်ကာ ဒေလီမြို့တော်သို့ အလျင်အမြန် တိမ်းရှောင်လာခဲ့ကြောင်း သိရသည်။
အဆိုပါ ညီအစ်မ နှစ်ဦးသည် ၎င်းတို့၏ မျိုးနွယ်စုဝင် မိန်းကလေးများကို သူစိမ်းအမျိုးသားများက လုံးဝ ထိကိုင်ခွင့်ပင် မရှိအောင် စောင့်ထိန်းသည့် ဒါလစ် မျိုးရိုးမှ ဖြစ်သည်။ သို့သော်လည်း သူမတို့၏ အစ်ကိုက မျိုးရိုးအဆင့်အတန်း သတ်မှတ်မှု ပိုမိုမြင့်မားသည့် ဂျတ်အနွယ်ဝင် အိမ်ထောင်ရှင် မိန်းကလေး တစ်ဦးနှင့် ချစ်ကြိုက်ပြီး ခိုးပြေးသွားသည့်နောက် ကျေးရွာကောင်စီက မျက်လုံးတစ်လုံးအတွက် မျက်လုံးတစ်လုံး ပြန်ပေးဆပ်ရမည်ဟုဆိုကာ အဆိုပါ စက်ဆုပ်ဖွယ် ပြစ်ဒဏ်ကို ချမှတ်ခဲ့ခြင်း ဖြစ်သည်။
အစ်ကိုဖြစ်သူ ခိုးပြေးသွားသည့် မိန်းကလေးမှာ ဖေဖော်ဝါရီလအတွင်းက မျိုးရိုးတူ အမျိုးသား တစ်ဦးနှင့် ဖိအားပေး လက်ထပ်စေခြင်း ခံခဲ့ရသူ ဖြစ်သည်။ ထို့နောက်တွင် မိန်းကလေး နှစ်ဦး၏ အစ်ကိုနှင့် ခိုးရာလိုက်သွားသော်လည်း အမျိုးသား၏ မိသားစုများ နှိပ်စက်ညှင်းပန်းခံနေရကြောင်း သတင်းများကြောင့် မတ်လတွင် ရွာသို့ ပြန်လာခဲ့သည်။ ကျေးရွာကောင်စီက ယင်းဖြစ်ရပ်နှင့် ပတ်သက်ပြီး ဒါလစ်မျိုးနွယ်များ အနေဖြင့် ပြန်လည် အရှက်တကွဲဖြင့် ပေးဆပ်ရမည်ဟု အဆုံးအဖြတ် ပေးခဲ့သည်။
Zee Newsက အဆိုပါ သတင်းကို ဖော်ပြလိုက်သည့်နောက် အိန္ဒိယတွင် အမျိုးသမီး အခွင့်အရေး တောင်းဆိုသူများက ပြင်းပြင်းထန်ထန် ကန့်ကွက်ဝေဖန်ခဲ့ကြသည်။ မီနက်ရှီတို့ ညီအစ်မသည် ဒေလီသို့ ရောက်ရှိနေပြီးနောက် သူမတို့ မိသားစုကို အကာအကွယ်ပေးရန် တရားရုံးချုပ်ထံ အသနားခံ တင်ပြထားကြောင်း သိရသည်။ သို့သော်လည်း သူမတို့ အနေဖြင့် နေရပ်ပြန်သွားပါက ကျေးရွာကောင်စီ၏ အညှိုးကြီးကြီးဖြင့် ၎င်းတို့၏ ပြစ်ဒဏ်ကို မဖြစ်မနေ အကောင်အထည် ဖော်မည်ကို စိုးရိမ်နေရဆဲ ဖြစ်သည်။
အိန္ဒိယတွင် ၂၀၁၂ ခုနှစ်က အသက် ၂၃ နှစ်အရွယ် ကျောင်းသူတစ်ဦးကို ဒေလီရှိ ဘတ်စ်ကား တစ်စီးပေါ်တွင် အမျိုးသား တစ်စုက ဝိုင်းဝန်းမုဒိမ်းကျင့်ပြီး ညှင်းပန်းနှိပ်စက် သတ်ဖြတ်ခဲ့သည့် ဖြစ်ရပ် ပေါ်ပေါက်လာပြီးနောက် အမျိုးသမီးများ၏ လုံခြုံရေးနှင့် ပတ်သက်၍ အကြီးအကျယ် စိန်ခေါ်မှုများ ထွက်ပေါ်လာခဲ့သည်။ သို့သော်လည်း အိန္ဒိယ လူ့အဖွဲ့အစည်းတွင် အမျိုးသမီးများကို အလွန်အကျွံ အထက်စည်းမှ ဆက်ဆံမှုကို သမားရိုးကျ သဘောထားပြီး မုဒိမ်းမှု ကျူးလွန်ခြင်းကို အပြစ်တစ်ခုဟု ခံယူရန် ငြင်းဆိုသူ အများအပြား ရှိနေဆဲဟုလည်း သိရသည်။
_Ref: Dailymail