အစိုးရအသစ်သည် လွတ်လပ်စွာ ထုတ်ဖော်ပြောဆိုခွင့် ခိုင်မာစေရန် အလျင်အမြန် ဆောင်ရွက်သင့်

၂၀၁၆ တွင်တက်လာမည့် အစိုးရအသစ်အနေဖြင့် လွတ်လပ်၍ ဒီမိုကရေစီ လူ့အဖွဲ့အစည်း တစ်ရပ်အတွက် မရှိမဖြစ် အခြေခံဖြစ်သော လွတ်လပ်စွာ ထုတ်ဖော်ပြောဆိုခွင့်ကို ခိုင်မာစေရန် အလျင်အမြန် အရေးယူ ဆောင်ရွက်မှုများ လိုအပ်မည်ဟု PEN American Center အဖွဲ့ကြီးက ထုတ်ပြန်လိုက်သည်။

PEN American Center အဖွဲ့ကြီး၏ ဒီဇင်ဘာ ၄ ရက်ထုတ် "မပြီးပြည့်စုံသေးသော လွတ်လပ် ခြင်း-မြန်မာနိုင်ငံ၏ လွတ်လပ်စွာ ဆန္ဒထုတ်ဖော်ခွင့်ဆိုင်ရာ အလားအလာများနှင့် သုံးသပ်တင်ပြချက် များ" အမည်ရှိ အစီရင်ခံစာအတွင်း ထည့်သွင်း အကြံပြုထားခြင်း ဖြစ်သည်။

၂၀၁၀ မှ စခဲ့သည့် ပြုပြင်ပြောင်းလဲမှုများသည် ပြောရေးဆိုခွင့်၊ ဆက်သွယ်မှုများနှင့် သတင်း ဖြန့်ဝေမှုများအတွက် ပိုမို ပွင့်လင်းသော အခြေအနေတစ်ရပ်သို့ ဦးတည်သည့် ခြေလှမ်းများ ဖြစ်ပေါ် စေခဲ့ သည်ဟုလည်း ဖော်ပြသည်။

အွန်လိုင်းများတွင် ဝေဖန်ဆွေးနွေး ငြင်းခုံခြင်း၊ မီဒီယာအသစ်များ ပေါ်ပေါက်လာခြင်း၊ လွှတ်တော်အတွက် မဲပေးခြင်းနှင့် အရွေးခံခြင်း စသည်ဖြင့် ရရှိထားသည့် လွတ်လပ်စွာ ဆန္ဒထုတ် ဖော်ခွင့်ကို အသုံးချခွင့် ရနေသည်ကို အသိအမှတ်ပြု ထည့်သွင်းထားသည်။

သို့သော် တိုးတက်မှုသည် ရပ်တန့်နေရာမှ ၂၀၁၄-၁၅ ခုများတွင် နောက်ပြန်ဆွဲမှုများပင် ရှိခဲ့ပြီး လွတ်လပ်စွာ ထုတ်ဖော်ခွင့်ကို တပ်မတော်က ဆက်လက် ကန့်သတ် ထိန်းချုပ်နေသည်ဟု ဆိုသည်။

မီဒီယာကို ခြယ်လှယ်ရန်နှင့် ထိန်းချုပ်ရန် လိုအပ်သည်ထက် အင်အားသုံးမှုများနှင့် ပြင်းပြင်း ထန်ထန် ဖြိုခွင်းသည်ကို ထောက်ရှုလျှင် ဗိုလ်ချုပ်များနှင့် ၎င်းတို့၏ အပေါင်းအပါများ၏ ချုပ်ကိုင်မှု သည်မြန်မာ့ လူ့အဖွဲ့အစည်းအတွင်း နက်နက်ရှိုင်းရှိုင်း တည်ရှိနေဆဲဖြစ်သည်ကို သိရှိနိုင်သည်ဟု ဆိုသည်။

PEN American Center အဖွဲ့ကြီးအား ကမ္ဘာအနှံ့ လွတ်လပ်စွာ ထုတ်ဖော်ခွင့်ရရန် ရည်ရွယ်၍ ၁၉၂၂ ခုတွင် စတင် တည်ထောင်ခဲ့ပြီး လက်ရှိ အမေရိကန် စာရေးဆရာ ၄,၂၀၀ ဦးဖြင့် ပူးပေါင်း လှုပ်ရှား ဆောင်ရွက်နေသည်။

"မပြီးပြည့်စုံသေးသော လွတ်လပ်ခြင်း" အစီရင်ခံစာအား လွတ်လပ်စွာ ထုတ်ဖော်ခွင့်ကို ထောက်ခံ အားပေးသူများ၊ စာနယ်ဇင်းသမားများ၊ အယ်ဒီတာများ၊ အရပ်ဘက် လူ့အဖွဲ့အစည်းများ၊ သုတေသန ပညာရှင်များ၊ မီဒီယာဥပဒေ ကျွမ်းကျင်သူများ၊ တိုင်းရင်းသား ကိုယ်စားလှယ်များနှင့် တွေ့ဆုံမေးမြန်း ဆွေနွေးမှုများအပေါ် အခြေခံထားသည်ဟု ဆိုသည်။

မကြာမီ ပေါ်ပေါက်လာမည့် အစိုးရအသစ်အတွက် အကြံပြုချက်များအား အစီရင်ခံစာအတွင်း ထည့်သွင်း ဖော်ပြထားရာ တိုင်းရင်းသား နယ်မြေများနှင့် ကျေးလက်ဒေသများအတွက် မီဒီယာကဏ္ဍ များကို ဖော်ထုတ်ပေးရန်၊ ယင်းဒေသများမှ သတင်းထောက်များ၏ အရည်အချင်းများကို မြှင့်တင် ပေးရန်လည်း ပါဝင်သည်။

စာနယ်ဇင်းသမားများအတွက် သတင်းအချက်အလက် ရယူအသုံးပြုခြင်းဆိုင်ရာ ဥပဒေ/ နည်းဥပဒေများကို ပြဌာန်းပေးရန်နှင့် ကြီးကြပ်ပေးရန်၊ ပုဂ္ဂလိကနှင့် မျှမျှတတ ပြိုင်ဆိုင်မည့် နိုင်ငံပိုင် မီဒီယာ အဖြစ် ပြုပြင်ရန်၊ လွတ်လပ်စွာ ဖော်ထုတ်ခွင့်နှင့် စုရုံးခွင့်တို့ကို ကျင့်သုံးခြင်းကြောင့် ကျဉ်းကျ နေသူများအား ပြန်လွှတ်ပေးရန်တို့လည်း အကြံပြုသည်။

ထို့ပြင် တိုင်းရင်းသား ဒေသများအပါအဝင် ဝေးလံသည့် နယ်မြေများသို့ မြန်နှုန်းမြင့် တယ်လီ ကွန်း ဆက်သွယ်ရေးကို အမြန်စတင် သုံးစွဲနိုင်ရေး ဖြည့်ဆည်းပေးရန်၊ တိုင်းရင်းသား ဘာသာစကား များဖြင့် ပညာသင်ကြားခြင်း၊ သတင်းပြန်ကြားခြင်းနှင့် ထုတ်ဝေခြင်းအပိုင်းတွင် အထောက်အကူ ပေးရန်လည်း လိုအပ်သည်ဟု ဆိုသည်။

ဆန္ဒထုတ်ဖော်ခွင့်အတွက် ဥပဒေနှင့် မူဝါဒဆိုင်ရာများကို ပိုမိုခိုင်မာသည့် အကာအကွယ် ပေးခြင်းသည် အစိုးရအသစ်နှင့် အုပ်ချုပ်ရေးအသစ်၏ လုပ်ငန်းစဉ်အတွင်း ဦးစားပေး ထည့်သွင်းမည် ဟု မျှော်လင့်၍ PEN American Center က အစီရင်ခံစာကို ထုတ်ပြန်တင်ပြခြင်း ဖြစ်သည်ဟု နိဒါန်း တွင် ထည့်သွင်း အသိပေးထားသည်။

mizzima