၂၀၁၅ -၂၀၁၆ တစ်နှစ်လုံးတွင် အမြီးအမောက် မတည့်ခဲ့သည့် အရာများကို သင်္ကြန်တွင်း၌ သံချပ်ထိုးမည်ဟု တက္ကသိုလ် ကျောင်းသားများ သမဂ္ဂမှ ကိုရဲဇာနည်က မဇ္ဈိမကိုပြောသည်။
တစ်နှစ်တာလုံးတွင် ဖြတ်သန်းကြုံတွေ့ခဲ့ရသည့် ခံစားချက်များကို တေးသီးချင်းအဖြစ် ရေးစပ်ပြီး ရန်ကုန်မြို့ပေါ်ရှိ မဏ္ဍပ်တိုင်းတွင် လိုက်လံဖျော်ဖြေသွားမည် ဖြစ်သည်။ တကသအဖွဲ့မှ မြင်သမျှအရာကို ပြောရဲကြောင်း ရည်ရွယ်ကာ ဒေါင်းမျိုးဆက်တေးသီချင်းဖြင့် စဖွင့်ကာ သံချပ်ကားဖြင့် လိုက်လံဖျော်ဖြေမည်ဟုလည်းဆိုသည်။
သင်္ကြန်အကြို ပြင်ဆင်မှုအနေဖြင့် တေးသီးချင်းများရေးသားမှုများ ၊ သံချပ်တိုက်မှုများကို မြို့နယ်အလိုက် အကြိုလေ့ကျင့်နေပြီ ဟုလည်း သိရသည်။
တကသအဖွဲ့က ယခုနှစ်ဖျော်ဖြေမှုနှင့်ဆိုလျင် ငါးနှစ်မြောက် ဖျော်ဖြေခြင်းလည်းဖြစ်သည်။
ရန်ကုန်အပါအဝင် မြိတ်၊ ထားဝယ်၊ ဧရာဝတီ၊ မုံရွာ၊ ပဲခူး မြို့များရှိ တက္ကသိုလ်ကျောင်းသားများကွန်ယက်ရှိသည့် မြို့များတွင် လိုက်လံဖျော်ဖြေမှုများ ပြုလုပ်သွားမည် ဖြစ်သည်။
mizzima
No comments:
Post a Comment